2 SAMUEL 4:8 - PATHIEN LEKHABU THIENGTHO (BSI)

⁸ Chun, Ishboseth luchang chu Hebron ah David kawmah a hun puou a, leng kawm achun, “Ngaitie, zie hi nangmah hun thah guo, na melma Saul chapa Ishboseth luchang; Lalpa chun ka lalpa phuba chu tuni hin Saul leh a suonte apat a lâksak tai,” a tiu a.

2 SAMUEL 4:8 ပူးပေါင်းရင်းမြစ်များ

1 SAMUEL 25:29

Nang hun delh ding leh na hinna sukmangthai guon mite hung kipan mahleu le, ka lalpa hinna chu Lalpa na Pathien tawh hinna kikanlawm laka kanlawm khawm hi’n tin; na melmate hinna vang chu vaisuongseh a seh guolin sep mang kêi ina.

2 SAMUEL 22:48

Phuba ei lâksakpa leh, Namtin ka nuoia puklut sak Pathien ngêi chu!

THUPHUON 18:20

“Vante haw, amahnu sietna ziek chun kipâk un! Mi Thiengthote leh, sawlchakte leh thiemgaute haw, kipâk un! Nang haw chunga a thilhihte ziek chun Pathien in amahnu chung achun a vaihawm thuk ta ngâl a!” ti’n.

THUPHUON 6:10

Amau chun aw ngeih tak in, “Aw Lalpa, mi thiengtho leh diktak, bang chana lei chunga mite chunga vaihawm lo a, ka thisan phubau chuh la lo a na um ding?” ti’n a kiko u a.

MATTHAI 2:20

“Tho in la, nausen leh a nu pui in la, Israel gam ah chieh in; nausen thah guote kha a thi ta ngâl u a,” a ti a.

SAM LEHKHABU THE PSALMS 71:24

Ka lei hin le nichang tumin na diktatna thu gen intin; Ka sietna ding hawl haw chuh, a muolpho un a zakcha ta ngâl u a.

2 SAMUEL 18:31

Chun, ngaitie, Kush-mi chu a hung tung a; chun, Kush-mi chun, “Lengpa ka pu dingin chanchin ka hun puoi; na chunga helte chengcheng phuba chu tuni hin Lalpa’n a hun lâksak a hi tai,” a ti a.

2 SAMUEL 18:19

Khutichun Zadok chapa Ahimaz chun, “Va tai ing ka ting, Lalpa’n a melma khut apat in amah chu a hukdawk tai ti’n David chu va hilh ing ka” a ti a.

1 SAMUEL 24:4

Chun, David mite chun a kawmah, “Ngaitie, Lalpa’n na kawmah, ‘Na melma chu na khut ah pie’ng ka ting, a chung ah pha na sak dân dân in hih in,’ a tih ni kha ahi ta hi,” a tiu a. Ziephet chun David chu a kipana a gukcha’n Saul puonmawng chu a âttha ta a.

1 SAMUEL 23:15

David chun Saul chu amah that dingin a pawtdawk hi tih chu a mu a. David chu Ziph kawma gamthip a Horesh mun achun a um a.

1 SAMUEL 20:1

Khutichun, David chu Ramah khuo a Naioth apat chun a tai a. Jonathan kawm achun a chieh a, “Banga ka hih? Banga ka hih khelh? Na pa chung ahin bang ka hihkhiel a hiti a hi thah ei guo ahim?” a ti a.

1 SAMUEL 19:15

Chun, Saul chun David va en dingin mi a sawl kita, “A zâlkhun pum in hun zawn to unla a na that ing ka,” a ti a.

1 SAMUEL 18:11

Chun, Saul chun tiengcha chu a vak lâma, “Bang tawh aw, David ka kilhden chawt,” a ti a. Chun David chun nihvei hiel a pêl tha ta a.

2 SAMUEL 2:8

Chun, Ner chapa Abner, Saul sepaihte lawiupa chun, Saul chapa Ishboseth chu Mahanaim ah a pui a;

1 SAMUEL 19:1

Khutichun, Saul chun a chapa Jonathan leh a suokte chengcheng chu David that dingin a hilh a.