2 SAMUEL 3:31 - PATHIEN LEKHABU THIENGTHO (BSI)

³¹ Chun, David chun Joab leh a kawma mipi um chengcheng te kawm achun, “Na puonhawu bawtthêk unla, kawlladip silh unla, Abner thih chu sun un,” a ti a. Chun, David chun thikuong chu a zui ta a.

2 SAMUEL 3:31 ပူးပေါင်းရင်းမြစ်များ

THILSIEMBUL 37:34

Tichun, Jakob chun a silhlechen haw chuh a bawtthêk a, saidippuon a cheng a, ni sawttak a chapa chuh a sûn a.

2 SAMUEL 1:11

Khutichun David chun a silhlechen haw chu a tu a, a bawtthêk a; zie bang mah chun a kawma mi um cheng chengte chun le a hih u a:

2 SAMUEL 1:2

Chun, ani thum ni chun mi khat, van sie taka kivan, a luzâng a nin bek lemlum hi Saul kawma a panmun u apat in a hung a; David kawm a hung tun chun leia khupbawk in chibai a bûk a.

VAIHAWMTE 11:35

Chun, tihi ahi a, amah chuh a vak muh phet chun a puon haw bawtthêk in, “E khai ka chanu, nei suniem na maizen a, kei ei sulungkham a pang na hi tai; Lalpa kawmah ka na kipautiem ta ngâla, zie chuh zukkik thei ka hita puoi,” a ti a.

JOSHUA 7:6

Chun, Joshua chun a puonhaw a bawtthêk a, Lalpa bawm masangah amah leh Israel upate chuh a mai u a lei si’n nitâk tiengin a khupbawk u a; a lu chung u ah leivui a buok u a.

LUKE 7:14

Tichun, a va naih a, lang chuh a khawih a, a zawnte chuh a ding tau a. Ziephet chun, Isu’n, “Tangval, tho ah, ka hun tii!” a ti a.

2 LENGTE 19:1

Chun, leng Hezekia’n zie thu haw chu a zak phetin, lungkham in a silhlechen haw chu a bawtthêk a, kawlladip silh in Lalpa Ho-In achun a chieh ta a.

THILSIEMBUL 37:29

Chun, Reuben chuh kawkhuk lam achun a va chieh kit a, Joseph chuh kawkhuk achun aum ta puoi tih a muh phet chun a silhlechen haw a bawtthêk a.

THUPHUON 11:3

Tichun, ka thu ei hetpih nih te chuh thu pie’ng ka ting, amau chun kawlladip puon silh in, ni sang khat leh za nih leh ni sawmgup sung thu gen un au,” a ti a.

1 LENGTE 20:31

Chun, a suokte’n a kawmah, “Ngaitie, Israel inkuon laka lengte hi mi lungsiet thei tak ahiu hi tih thu ka zau hi: kawlladip puon cheng in, ka luchang uh khauhuol a gâk in Israel leng kawmah ei va chieh leuhing; amah chun a hun hing hawih nuom kha mawh dem,” a tiu a.

1 LENGTE 21:27

Chun, Ahab in zie thu chu a het phetin hiti hi ahi a, a puon a bawtthêk a, kawlladip puon a silh a, an a ngawl a, kawlladip puon chungah a kuol a, kingainiem takin a um ta a.

2 LENGTE 19:2

Chun, insung lam lawiupa, Eliakim leh, lehkhazikpa Shebna leh, thiempu upate chu saidippuon kisilh in, Amoz chapa, thiemgau Isai kawm achun a sawl a.