2 SAMUEL 24:16 - PATHIEN LEKHABU THIENGTHO (BSI)

¹⁶ Chun,Lalpa vânsâwlchâk in Jerusalem hihsie dinga a khut a vak zak leh Lalpa’n thil phalo a hih chu a kisik a, mite hih mangthai guo vânsâwlchâk kawm achun, “A hun ta ie, na khut tha ta ki’n,” a ti a. Chun, Lalpa vânsâwlchâk chu Jebus-mi Araunah buhphuol kawm achun a um a.

2 SAMUEL 24:16 ပူးပေါင်းရင်းမြစ်များ

PAWTDAWKNA 12:23

Lalpa chun Aigupta mite that dingin hun hawhpai ding ahi ngâl a; tichun kawtkhak chung leh kawtbieng tuoka thisan bek a muh tieng leh Lalpa chun kawt chuh chiehkân intin, thihna vânsâwlchâk chuh nang haw hun sulum dingin insung achun hun lut sak puo’n a.

THILSIEMBUL 6:6

Tichun, lei ahin mihiem a na siem tâk ziekin Lalpa chuh a kisik a, a lunggil a nat lawh ta a.

NASEPTE 12:23

Chun, Herod chun, Pathien kawma limbawlna a piek loh ziekin, Lalpa vânsâwlchâk in phulo-halo in a man a, hût in a ne a, a thi ta a.

2 KHANGTHUBU 3:1

Khutichun, Solomon in Lalpa In ding chuh Jerusalem ah, Moriah tânga, a pa David kawma Lalpa kilâkna, Jebus mi Ornan buhphuol, David na guonggalh na achun a sa pan ta a.

2 LENGTE 19:35

Tichun, zie zan chun, Lalpa vânsâwlchâk chu Asuria te giehmun achun a va chieh a, sepaih nuoi khat leh singgiet leh sangnga a that a. A zing, zingkal mataka a va thawh u chun, ngaitie, mi thi luong ngen cha ahi mai ta a!

1 SAMUEL 15:11

“Saul lenga ka na siem chu ka kisik ahi; ei zuihna apat a a kinunghei a ka thupiekte a zawp loh ziekin,” a ti a. Chun, Samuel chu a lungna a, zankhuo’n Lalpa chu a sama.

2 KHANGTHUBU 32:21

Lalpa’n van sawlchak a sawl a, zie chun Asuria lengpa giehna mun a mihat hangsan chengcheng te, mapui lawiupa te chu a that a. Tichun zakcha tak melpu’n a gam lam ah a vaikit tai. Ni khat chu a pathien in a a va chieh lai in amah chate ngêi in chemzâm in a na that tau hi.

2 KORINTH 2:6

Khutibang mi chuh, na lak uh a mi huntieng in a gawt chuh a hun hi.

MARK 14:41

Chun, a hung thumveina achun, a kawm u ah, “Tuhin chuh ipmuu inla kichawl tau in. A hun tai! A hun chuh a hung tung tai! En tiem u, Mihiem Chapa hi migilote khuta matsak a um ding ahi.

ZEKARIA 9:7

Chun, a kam u apat in a thisan uh lamang ing ka ting, chun, a ha kal u a thil ten-um haw chuh ladawk ing ka ting; amah chule I Pathien u a dinga ana umsun hung hi’n tin, Ekron mite chuh Jebus mite tawbang hung hi’n au.

HABAKKUK 3:2

Aw Lalpa, na thilhihte chuh ka na heta a, maksakna’n ka dim tai. Thil lopi takte na hih sek kha, zie kum haw hun sung hinle hih kit in. Na lungnat inle, ka chungu ah zahngai tei in.

AMOS 7:6

Zie thu ahin Lalpa chuh a kisik a, Lalpa Pathien chun, “Zie hile hung tung lo ding ahi,” a ti a.

AMOS 7:3

Zie thu ahin Pathien chuh a kisik a, “Na thilmuh hi hungtung puo’n a,” a ti a.

ISAI 57:16

Ka mite chuh mawhchansak in a chungu ah lungna zingzing ta puo’ng ka; thagau leh hinna ka siem sak chuh ka masang ahin sawlsam kha’n a. Hinna hi keia ahi a, mihingte hinna hu hile kei siem ahi.

ISAI 27:8

Lalpa’n mipite a gawtna chuh sala a sawl a a nawhdawk chuh ahi a. Saklam huih chun amau chuh a puimang ta a.

SAM LEHKHABU THE PSALMS 135:14

Lalpa chun a mihaw chuh vaihawm sak in, A sawntawlawi te chung thu a chun a lungthim chu kilehhei ding ahi ngâl a.

SAM LEHKHABU THE PSALMS 90:13

Aw Lalpa, hung kihei inla; bang chan lungnat guo na him? Na sawntawlawi chung ahin na lainatna sulang in,

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi

SAM LEHKHABU THE PSALMS 35:6

Lalpa vânsâwlchâk in delh zel ngâl in. A lampiu chuh thim tak leh nâl tak hi henla,

1 LENGTE 19:4

Himahleh, amah chu gamthip lam ah ni khat lam hiela gamla achun a chieh a, Juniper thing nuoi ahin a chu a; thih a ngên ta a, “Aw Lalpa, a hun tai; tuhin ka hinna hi la mai ta’n, ka pulepate sangin ka phazaw diek puoh ngâl a,” a ti a.

2 SAMUEL 24:18

Chun, zie ni chun Gad chu David kawmah a chieh a, a kawmah, “Chieh to inla, Jebus mi Araunah phuol ah Lalpa dingin maichâm siem in,” a ti a.

2 SAMUEL 5:8

Chun, David chun zie ni chun, “Jebus mite mudah taphawt in tuilawng chu zui to in va chieh u hen la, mitdûk leh kêngbâite chu va do u hen,” a ti a. Zieziekchun apuo, “mitdûk leh kêngbâite chu Lalpa In a chun a lut thei puou,” a tih sek u chu.

VAIHAWMTE 19:11

Jebus khuo kieng a tun u chun a vaigei ten ta a, a suokpa chun a kawmah, “Jebus khawpi ahin kichawl hiting un, giek mai hitiu,” a ti a.

VAIHAWMTE 1:21

Chun, Benjamin suonte chun Jebus mite Jerusalem a cheng te chuh a nawhdawk puou a; tichun, Jebus mite chuh Benjamin suonte tawh tuni tieng hin Jerusalem ah a cheng khawm zing tau hi.

JOSHUA 15:63

Himahlele Jerusalem khuo a cheng Jebus te vang chuh Juda suonte chun a nawhdawk thei puou a, khutichun Jebus te chuh Juda suonte tawh tuni tieng hin Jerusalem ah a cheng khawm zing tau hi.

PAWTDAWKNA 12:13

Chun, thisan chuh nang uh dingin na umna In uh melchikna hi’n tin; thisan chuh ka muh tieng leh hun chiehkân ing ka, tichun, Aigupta gam ka gawt tieng chuleh hipi chun nang haw hun sukha puona.

PAWTDAWKNA 9:28

Lalpa kawmah ngên un, zie van gi dul dul leh giel haw hi a hun tai; tichun nanguh hun pawtdawk sak ing ka ting, um sawt ta puo’n lau,” a ti a.

THILSIEMBUL 10:16

Jebus mite, Amor mite, Girgash mite leh.

PAWTDAWKNA 32:14

Tichun Lalpa’n a mite chungah thil phalo ahih guot chuh a kinungzuk ta a.

1 KORINTH 10:10

A lak uh a khenkhat a phunchiek u a sumangthaipa, sukmangthai a a um lawh guol u khan, phunchiek puoi tiu.

JEREMIA 26:19

Juda leng Hezekia leh Juda mipite khan amah a that u leh? Lalpa lau in Lalpa deihsakna chuh a ngên u a, Lalpa’n a chung u a thil phalo tung ding a tih chuh a kisik kit hilo ahim? Ei un vang ei mau a dinga thil phalo I chung u a I tunsak ding uh ahi hi,” a tiu a.

1 KHANGTHUBU 1:14

Jebus te, Amor te, Girgash te;

JEREMIA 42:10

‘Zie gam ahi na um zing u chun hun tung dawk kit ing ka ting, hun supuk puo’ng ka; hun phut ing ka ting, hun bawt dawk puo’ng ka, na chung u a thil phalo ka tunsak te chuh ka kisik ta ngâl a.