2 SAMUEL 24:14 - PATHIEN LEKHABU THIENGTHO (BSI)

¹⁴ Chun, David chun Gad kawmah, “Dinmun tizat-um tak mah ah ka ding a, ka lung a zing mah mah zieng a; Lalpa khut ah puklut phawt mai leng; a zahngaihna chu a nasa mah mah mai ngâla. Mihing khut achun vang ei puklut sak dah tei tei in,” a ti a.

2 SAMUEL 24:14 ပူးပေါင်းရင်းမြစ်များ

SAM LEHKHABU THE PSALMS 119:156

Aw Lalpa na zahngaihna chuh a nasa ie: Na vaihawmna haw bang zel in hinna ei pie’n.

SAM LEHKHABU THE PSALMS 51:1

Aw Pathien, na nunnem na dungzui in nei hehpih inla: Na lainatna nasat dungzui in ka sukkhelhna haw hi nawt mang in.

1 KHANGTHUBU 21:13

Chun, David in Gad chu a dâwng a, “Ka lung a kham mah mah hi, himahlele, mihing gawt a um ding chuh ka nuom puoi: Lalpa chu ei gawt in pang zaw he’n, a zaidawh thei ngâl a,” a ti a.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

SAM LEHKHABU THE PSALMS 145:9

Lalpa chuh mi chengcheng a ding in a pha a; A lainatna chuh thilsiem chengcheng chung ale a um hi.

SAM LEHKHABU THE PSALMS 130:4

Himahleh, na kieng ah ngaihdamna a um a, Kihchaka na um theihna dingin.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

ISAI 47:6

Ka mite chungah ka lungna ta a; Keia te hitalo bang khawp hielin ka bawl ta a; Na thuneihna nuoi ah ka hun pie a, nangin lungsietna himhim latsak lo in na um a, teksiete nasan chuh gilo takin namkawl gik tak na puok saka.

THUCHINGTE 12:10

Mipha chun a ganchate hinna a ngaikhawk a, himahleh, migilo zahngaihna chuh amau a ding in a gilo nalai hi.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

2 LENGTE 6:15

Chun, Elisha suokpa chu, zingkal mataka a va thawh a, In apat a va pawtdawk phet chun, Suria sepaihhawn chu sakawl tawh, kangtalai tawh, khawpi a huolkhum uh a mu ta a. Tichun, Elisha kawmah a chieh kit vak a, a kawmah, “E khai! hepu, bang I ti ta die?” a ti a.

1 SAMUEL 13:6

Chun, Israel te chu nawhdawng in a um ui tih a kihet phet u chun, (mipite chu a lungdawng mah mah ngâl u a) mipite chu kâwlhâwm haw, hambawk lak haw, suongpi pang haw, kulh haw, kawkhuk haw poh ah a kisel u a.

PHILIPPI 1:23

A kal lak a hin a lawhna helo a um mai ka hi; chieh dawka Krista kawma um nawpna ka neih ziekin, zie chuh a pha zaw mah mah ngâl a.

JOHAN 12:27

“Tu’n ka lung a dawng hi; bang ka gen ta die aw? ‘Hepa, zie hun apat hin ei hukdam in,’ ka ti die leh aw? Bang hilele, zie gimtheihna thuok hi ka hung lawh ahi ngâl a.

ZEKARIA 1:15

Nam nawp lên mai maite chung achun ka lungna mah mah a; chawmkhat sung ka lungnatna ka zukkit sung chun, zie namte chun, ka mite thuokna chuh a khawk zaw deuh in a bawl u a.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

2 SAMUEL 9:8

Chun, chibai a bûk a, “Kei uicha thi sanga le phachuom lo na suok hi bang ahi a na ngaihsak ahim?” a ti a.

SAM LEHKHABU THE PSALMS 130:7

Aw Israel, Lalpa chuh kineppih in; Lalpa kieng ah zahngaihna a um ngâl a, A kieng ah tatna bukim a um hi.

JEREMIA 39:17

Zie ni chun nang chuh hun hukdawk ing ka, tih hi Lalpa kamsuok ahi. Na kihchakte khut achun le hun pie lo ding ka hi. ti’n.

SUNNA LA 3:22

Lalpa lungsietna zieka sukmangthai a umlo I hiu hi; a zahngaihna chu a bei ngei puoh a.

DANIEL 9:9

Zaidawhna leh ngaihdamna chuh ka Pathien u chun a nei a; a chungah a na hel ta mahleu hing le,

MIKA 7:19

Amah chun I chung u ah zahngaihna nei kit in tin; I sukkhelh na teu chuh tawhden in tin, I gitlohna teu chuh tuipi lituong ah paih lut ding ahi ngâla.