2 SAMUEL 23:5 - PATHIEN LEKHABU THIENGTHO (BSI)

⁵ “Ka inkuon u chu Pathien kawma kipat hilo ahim? Kumlekhuo thugawlh ka kawmah a gawlh a, Bangkim kitûp leh hihdet kêi in; ka hukdamna kim leh duhthusam kim, seldawk sak lo ding ahi a ahim?

2 SAMUEL 23:5 ပူးပေါင်းရင်းမြစ်များ

ISAI 55:3

Na bil u dawh unla, ka kawmah hung un, Ka kawmah hung unla, tichun, ngaithau in la, hinna nei un lau! Nang haw tawh kumlekhuo thugawlh siem ing ka ting; David kawma vangsakna ka tiem kha hun pie’ng ka.

JEREMIA 32:40

Chun, amau chu tawh kumlekhuo a ding in thugawlh siem ing ka ting, amau phatna ding ka hih sak na apat ka kiheimang lohna ding in; a lungthim u ah kei ei lauh nau kawih ing ka ting, ei kiheimang san kit ta puo’n au.

HEBRAI 13:20

Chun, Chamna Pathien, I Lalpau Isu Krista mithi lak apat kaithopa, kumsawt thugawlhna thisan zâla belam Chingpa Lien chun,

HEBRAI 6:19

Zie kinepna chuh I hinnau thik-âi guolin I nei u a. Zie chuh a bita, a det a, van Ho-In puonzak thiengtho sungnung pên tiengin a lut tai.

NASEPTE 13:34

Muotna muna chieh kit lo dinga, Pathien in amah chuh mithi lak apat a kaihthawh ding zie thu chuh hiti hin a gen: ‘David kawma vangsakna thiengtho leh thawnlo ka tiem khah, nangmah hun pie’ng ka,’ ti’n.

AMOS 9:11

Lalpa, zie thil hihpa hin hiti hin a tii, “Zie ni chuleh, David lalgam chimsa chuh tungding ka ting, a sietna te chuh thuop pha’ng ka ting; a siete chuh lemto ka ting, malaia a um bang mah khan sapha kit ing ka.

EZEKIEL 37:26

Zielo chun le, a kawm u ah chamna thuthun siem ing ka ting. Amau dingin kumkhuo thuthun hi’n tin, a kawm u ah pie’ng ka ting. amau chuh supung ing ka ting, amau lak achun kumkhuo’n ka ho-bûk dinsak ing ka.

ISAI 61:8

“Kei Lalpa hin vaihawmna dik ka ngaina sek ngâla, diklohna leh chapona hi ka haw a. Tichun, amau haw diktatna chuh tihtakzet in a kawm u ah pie’ng ka ting; chun, kumlekhuo a thuthun chuh amau haw tawh siem ing ka.

ISAI 27:6

Hun hungtung ding achun, Jakob chun zung kai untin; Israel chuh hung mûm in, a pak hung um un au. Tichun, lei chung hi gah in sudim un au.

ISAI 11:1

Jessai bulsum chuh hung seldawk in tin, a zung apat in a bâk khat hung seldawk ina.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

SAM LEHKHABU THE PSALMS 119:81

Ka hinna hi na hukdamna ngai in a chau ta a, Himahlele na thu’n ka kinem sek hi.

SAM LEHKHABU THE PSALMS 89:3

“Ka mi tel chu tawh thugawlh ka siem a, Ka sawntawlawi David kawmah ka kihâksiel ta a;

SAM LEHKHABU THE PSALMS 62:2

Amah mai chuh ka suongpi leh ei hukdampa ahi; Ka kulh insang ahi a, nasa takin kilîng puo’ng ka.

SAM LEHKHABU THE PSALMS 27:4

Lalpa kieng ah thil khat ka ngên a, zie mawng chuh hawl ing ka; Lalpa hawihna mu ding leh ka damsung cheng a Temple a a thu dawng ding leh Lalpa In a ka um zing theih na dingin.

1 LENGTE 12:14

Tangval haw lemguotpihna bang khan, “Ka pa’n na namkawl uh a na hih gik a, kei chun chuh na namkawl uh chuh behlap ding ka hi, ka pa’n zêpna’n a hun zêp a, kei vang in chuh aikawm in hun gawt ding ka hi,” a ti a.

1 LENGTE 11:38

Chun hiti hi hi’n tin, thu ka hun piek taphawt na zawpa, ka lampite na hawh a, ka suok David banga ka thuguot te leh ka thupiekte zawpa ka mitmuh a thilpha na hih chun na kawmah um zel ing ka ting: David ka sukdet bang khan inkuon dettak hun dinsak ing ka ting, Israel te hi hun pie’ng ka.

1 LENGTE 1:5

Chun, Hagith chapa Adonijah chun, “Kei leng hi ding ka hi,” ti’n a kingaisang mah mah a; kangtalai leh sakawl chung chuong mite, mi sawmnga a masanga tai dingin a guonggalh a.

2 SAMUEL 18:14

Khutichun Joab chun, “Hitihin na kieng ah hun mangbei maimai thei hiel puo’ng ka,” a ti a. Tichun tiengcha thum a chawi a, gangpi thing lêka a hinga kikhai nalai Absalom chu a lungchang zawn tak ah a sun a.

2 SAMUEL 13:28

Chun, Absalom chun a suokte chu, “Ngaitiem u, Amnon chu uain dawna a lunggil a tai lai leh na kawm u ah, ‘Amnon chu that un,’ ka hun tih chun, that zieng unla, lau kiu in, thu ka hun piek uh hita lo ahim? Kihih hangsan unla, kipasalphat sak un,” ti’n thu a pie a.

2 SAMUEL 13:14

Himahlele a thu gen chu a zawp nuom puoh a, amah sangin a hatzaw ngâl a, a pawngbawl a, a kuolpih ta a.

2 SAMUEL 12:10

Zieziekchun, chemzâm in na insung chuh kikiengkawih san hiel puo’n a; nang chun nei ngaidau in Hit mi Uria zi chu na zi dingin na lâksak ta ngâla.

2 SAMUEL 7:18

Khutichun leng David chu a lut a, Lalpa masang achun a chu a; “Aw Lalpa Pathien, kuo ka hi a, ka insung mite hile kuo ahiu a, hiti chan chan hi nei puih a?

1 SAMUEL 25:28

Na suoknu gitlohna hi lungsiet takin ngaidam in: Lalpa’n ka lalpa chu insung dettak tundin sak ngêi ngêi intin, ka lalpa chu Lalpa kidona dopih ahi ngâl a; na damsung chengin nang ah gitlohna muh ding um puo’n a.

1 SAMUEL 2:35

Chun, thiempu ginum tak kei dingin tungding kit ing ka ting, amah chun ka lunggil leh ka lungthim tawh kituok in hih ina: chun insung det takin tungding ing ka ting, kumkhuo’n ka thau nuh ma achun um ina.

THILSIEMBUL 9:16

Sakhizozum chuh mei laka ahung zâm tieng zie chuh mu’ng ka ting; kei leh leichung a thilhing um chengcheng tawh kal a kumkhuo a dinga ka thugawlh chuh hezing ing ka.

2 SAMUEL 7:12

Na thihni ahung tun a; na pute kawma vuiha na um tieng leh, na nunga na suon, na gil a gah ding chuh tungding ing ka ting, a gam chu hihdet ing ka.

ISAI 54:10

Tangte chuh tawlmang a um in, muol te chuh a hung kichawn mai thei a; himahleh, ka hun lungsiet na chun tâwp nei ta puo’n tin; Thamuonna thu ka tiem chuh kumlekhuo’n tuzing ing ka,” nang hun lainat Lalpa chun a tii.

JEREMIA 33:21

Ka suok David tawh ka kitiemnau le phel hi’n tin, a lalchutphah a chu ding mi neilo ding ahi a; chuleh, Levi thiempute ka nasem a um haw tawh ka kitiem nau le zie tawbang chuh hi’n a.

SAM LEHKHABU THE PSALMS 111:9

Amân a mite kieng ah tatna a hun sawl a; A thuthun chuh kumlekhuo a ding in a guot a. A min chuh a thiengtho in a zahum hi.