2 SAMUEL 23:18 - PATHIEN LEKHABU THIENGTHO (BSI)

¹⁸ Zeruiah chapa Joab suohpih Abishai chuh a thum lak uh achun lawiupa pên ahi a. A tiengcha’n mi zathumte chu a do a, a that a, thum te lak achun minphat a lawh a.

2 SAMUEL 23:18 ပူးပေါင်းရင်းမြစ်များ

2 SAMUEL 10:14

Chun, Amon suonte chun Suria mite a taihsiet uh a muh phet un amau chule Abishai masang achun a taisie tau a, khuo achun a lut u a. Chun, Joab chun Amon suonte chu a nusieh a, Jerusalem ah a chieh ta a.

2 SAMUEL 10:10

chun, mi dang chengcheng chu a suohpihpa Abishai khut ah a kawih suok kêi a, Amon suonte do dingin panmun le a siem a.

2 SAMUEL 18:2

Chun, David chun mite chu a sawldawk a, mun thuma khen a mun khat chu Joab in a kaihuoi a, mun thuma khena mun khat chu Zeruiah chapa Abishai in a kaihuoi a chun, mun thuma khena mun khat kit chu Gath mi Itai kiti chun, a kaihuoi a. Chun, leng chun mipite kawmah, “Keimah ngêi le na kawm u ah hung tei tei ing ka,” a ti a.

1 KHANGTHUBU 2:16

Chun, a chanute chu Zeruiah leh Abigail ahiu hi. Jessai chanu Zeruiah chun chapa thum a nei a: Abishai te, Joab te, leh Asahel te ahiu hi.

2 SAMUEL 20:10

Himahlele Amasa chun Joab in chemzâm a ken chu a mu puoh a; tichun, a gil ah a sun a, a gilzang chu a kie zeng zung a, a sun kit ta puoh a; tichun a thi ta a. Tichun, Joab leh a suohpihpa Abishai chun Bikri chapa Sheba chu a delh tau a.

2 SAMUEL 3:30

Khutichun a suohpihpau Asahel chu Gibeon a kidona a a thah ziek u chun Joab leh a suohpihpa Abishai chun Abner chu a that tau a.

2 SAMUEL 2:18

Chun, zie tak achun Zeruiah chapa thum, Joab, Abishai leh Asahel a um u a: Asahel chu sazukpi bang hiela ngalhat ahi.

2 SAMUEL 23:19

Thum te lak achun limbawl tak pên hilo ahim? Zieziekchun a lawiupa dingun a siem u a: himahlele a minthang pên thum te lak ah simtel in a pang puoi.

THUGENPA 4:12

Mi khat in khat chuh a zo maithei a, mi nih in khat chuh nuom taka zo ding ahi ngâl a. Khauhuol zang thum kihekkawp chuh baihlam takin a tan zieng puoi.