kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.
Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.
“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.
“Mi gimthei leh chagah te chun tui dâwn ding a hawl u a, dangchâk a a gawl uh a hul tieng leh, Kei, Lalpa hin ana dâwng ing ka ting, Kei, Israel Pathien hin amau haw hengilh ngei ta puo’ng ka.
Aw Pathien, nang chuh ka Pathien na hi a, zingpi tak in hun hawl ing ka: Gamgaw leh chau, tui umloh na guol in; Ka hinna hi nang mah utcha’n a dangchâk a, ka sa hin a hun ngai hi.
Khutichun sepaih hangsan thum te chun Philistia te sepaih umna chu a vak hawhpai u a, kulh kawtkhak kienga Bethlehem a tuilaihdawk chu a va khâi u a, a hun chawi u a, David kawmah a hun chawi u a: Himahlele a na dâwn nuom puoh a, Lalpa dingin a sungtha zaw ta a.