2 SAMUEL 22:9 - PATHIEN LEKHABU THIENGTHO (BSI)

⁹ A nak apat chun meikhu a chieh to nguoh nguoh a, A kama pawt mei chun a ka luoh luoh a: Zie chun meihawl le a hih âm luoh luoh ta a.

2 SAMUEL 22:9 ပူးပေါင်းရင်းမြစ်များ

HEBRAI 12:29

Aziek chuh, I Pathien uh hi mi kâktum nuom mei ahi ngâl a.

HABAKKUK 3:5

A masanga chun hipite a sawl a; a nung achun kêk a kie zung zung a.

JEREMIA 15:14

Gam na hêtkhâk loh u achun na melmateu lak ah hun kawih ing ka. Ka lungnat na mei na chunguh ah a kuong dawk ta ngâl a,” ti’n.

JEREMIA 5:14

Zieziekchun, Lalpa Sepaihte Lalpa Pathien in hiti hin a tii, “Zie tawbang thu chuh na gen ziekin, ngaitie, ka thu chuh na kam ah mei suok sak ing ka ting, zie mipite hi thing hiu in tin, tichun, katum zo vek un au.”

ISAI 30:27

Ngaitie! Lalpa thilhih theihna leh a lungnat na mei khu kitung chuh gamla tak apat in a hung hi! A mûk chuh lung-awihlohna’n a dima, a lei chuh mei guola mi katum thei ahi.

SAM LEHKHABU THE PSALMS 18:15

Ziephet chun, aw Lalpa, na hilhgaih zieka, Na nak a hu pawt in a mût phut ziekin, Tui luonna haw chuh a hung kilang a, Lei kingak na haw chuh dawk sak in a um ta a.

SAM LEHKHABU THE PSALMS 18:8

A nak apat chun meikhu a zam to a, A kam a pawt mei chun a katum ta a, Amah apat chun mei haw le a kuong puotpuot ta mai a.

JOB LEHKHABU THE BOOK OF JOB 4:9

Amau chuh a nak-hawma hu pawt in Pathien in a sumangthai sek hi.

2 SAMUEL 22:16

Ziephet chun Lalpa hilhgaihna zieka a nak u a hu pawt in hah mût a a mût ziek chun lei kingakna haw chu suklat in a um ta a; chun, Tuisuohgiet lituong chu a kang a, Leisiet kingaknahaw chu suklatin a um ta a.

2 SAMUEL 22:13

A masanga vakna ziek chun, Meihawlte chu a âm a.

DAN NIHNA 32:22

Ka lungnat mei guolin a kuong dawka, Sheol kawdawn chan in a kâng hi; Lei leh a gahsuoh cheng tawh a kang zo hi, Tang kingaknate haw chanin a kang hi.

PAWTDAWKNA 24:17

Israel chate mitmuh chun Lalpa lopina lat dân chuh tângsipa hâltuina meikuong tawbang hiel ahi.

PAWTDAWKNA 19:18

Chun, Sinai tânga chuh Lalpa chuh mei a a hungsuk ziekin; zie meikhu chuh hâltuina meikhu bang mai in a khu to nguoh nguoh a, tichun tâng pumpi chuh a lîng dup dup a.

ISAI 30:33

Tuma lam apat in Asuria leng meia hâlna ding chuh guonggalh khawlsa a hi ta ngâl a. Thuk tak leh lien tak leh, thing kisieh vum velvul a hi a. Lalpa’n zie hâlna ding chun a kawm apat in mei thahdawk in a.