2 SAMUEL 22:43 - PATHIEN LEKHABU THIENGTHO (BSI)

⁴³ Ziephet chun leia leivui bang mai in ka khen nêl a, Khawlai buonthuok bang mai in ka tawh zuon a, ka theh zak vek a.

2 SAMUEL 22:43 ပူးပေါင်းရင်းမြစ်များ

MIKA 7:10

Zie phat chuleh, ka melma, ka kawma, “Lalpa na Pathien chuh khawitaka um a?” ti a ei dawng te khan zie chuh muu in tin, zakcha ta’n au. Ka mitte chun amahnu chuh en intin, tuhin chuh khawlai buonthuok guola tawhden hita’n a.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

2 LENGTE 13:7

Jehoahaz chun sakawl chung chuong mi sawmnga leh sepaih singkhat tihloh chuh, neih a nei ta puoh a. Suria leng chun a sukmangthai sak vek a, leivui kichil nêl bang mai in a siem ta a.

ZEKARIA 10:5

Tichun, mi hattak bang hung hiu un tin, kidona kawtthêl buonthuok lak achun a melmateu tawhden un au. Lalpa chuh a kawm u a a um ziekin do un au: sakawl chung chuongte chuh zo ngêi ding ahiu hi.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

ZEKARIA 2:6

Khaile hung pawt unla! mâllam apat in taidawk un. Lalpa’n a tii. “Van huih lite bangin ka hun hih zak ta ngâla, Lalpa’n a tii.

DANIEL 2:35

Tichun, thikte, bellei te, sumeng te, dangkaguote leh sanate chuh a bawnin a gawp dimdem ta a, nipi laia phuol a buhsi kithit bang mai in a um ta a. Huih in ziehaw chuh a tawkmang ta a, a umnau mun himhim het ahi ta puoi. Himahleh suong, milim delh khum pên chuh tâng lienpi a hung suok a, tichun lei pumpi hi a dim ta a.

ISAI 26:15

Himahleh, Aw Lalpa, namte chuh na supung a, ka namteu chuh na supung ta a, nang chuh lopina piek in na um ta a, gamgite cheng chuh na keklien ta a.

SAM LEHKHABU THE PSALMS 35:5

Lalpa vânsâwlchâk in a delhmang henla, Buhsi huih mût mang tawbang in um u hen.

SAM LEHKHABU THE PSALMS 18:42

Ziephet chun lei vui huih mût mang theih haw bang mai hin ka khên nêl dimdem a: Khawlai buonthuok tawbang mai in ka paih dawk tai.

DAN NIHNA 32:26

‘Nawhzak vek ing ka ting, Mihing laka amau hetzingna subei kêi ding ka hi,’ ti mai ding hi veng,

ISAI 41:2

Suohlam apat a mi khat hun chawktho pa chuh kuo a? A chiehna lam chengah zawhna a pie sek a, lengte chungah vai a hawm seka; amau chuh leivui bangin chemzâm kawmah a pie a; buhsi huih mût lawn bangin a thalphel kawm achun a pie a.

ISAI 41:25

“Mâllam apat in mi khat ka chawktho a, tichun, a hung ta a, ni suohna lam apat in amin in a sama. Amah chun vaihawmtute chuh buonthuok bang phetin a chil nawi a, bêldêngte’n tung a mêk bang phet un.

2 SAMUEL 7:9

Chun, na chiehna tak ah na kawmah ka um zel a, na masang achun na melmate ka hih mangthai zel a; leia mi lopi takte min bang min lopi tak hun putsak ing ka.