2 SAMUEL 22:3 - PATHIEN LEKHABU THIENGTHO (BSI)

³ Ka suongpi Pathien, amah chu gingcha’ng ka; ka phaw leh ka hukdamna ki, ka insang leh ka kihumbitna ahi; ka hukdampa, nangin kipawngnawhna lak apat nei hukdawk sek a.

2 SAMUEL 22:3 ပူးပေါင်းရင်းမြစ်များ

SAM LEHKHABU THE PSALMS 9:9

Khutichun Lalpa chuh nuoisiehna thuokte ding chun kulh insang a na hi’n a. Lungkham hunlai inle kulh insang ahi a;

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

THUCHINGTE 18:10

Lalpa min chuh kulhpi dettak a hi a, mi diktat chuh a tailut a a bit sek hi.

THUCHINGTE 30:5

Pathien thu chengcheng chuh a dika, a thiengtho hi; Amah kisêlna a neite ding chun phaw ahi.

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

SAM LEHKHABU THE PSALMS 18:2

Ka Pathien, ka suongpi dettak ahi a, amah chuh ka kisêlna ahi. Ka phaw leh, ka hukdamna kileh ka insang ahii.

DAN NIHNA 33:29

Aw Israel, na hampha ie, Lalpa’n mipi a hukdam, nang tawbang kuo a um? A hun panpih phaw na lopina phaw, Na lopina chemzâm ahi! Na melmate na kawmah kitulut intin un, A mun sang teu chuh tawh den inla”

THILSIEMBUL 15:1

Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n

HEBRAI 2:13

Chun, “Pathien achun ka taksanna ngachak ing ka,” le a ti a. Chuleh, “Entiem u, kei leh, Pathien ei piek chapangte hi,” a ti kit a.

LUKE 1:69

A suokpa David suona kipat chun, Hukdamna ki ei siem sak ta ngâla.

SAM LEHKHABU THE PSALMS 144:2

Ka suongpi leh ka kulhpi, Ka kulh In sang, ka phaw leh ka kisêlna, mite ei nemsieh sakpa chuh ahi.

SAM LEHKHABU THE PSALMS 59:16

Himahlele ken chuh na hatna thu hi la’n sang ka ting; Ahi, zinglam in na zahngaihna ngeih tak in la’n sang ka ting; Nang chuh ka kulh insang, Ka lungdawn ni a ka kihumbitna na hi sek ngâla.

SAM LEHKHABU THE PSALMS 14:6

Mi gimtheite lemguot chuh na muolpho sak sek u a, Himahleh, Lalpa chuh a kihumbitnau ahi.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

ISAI 32:2

Amah chu huihpi laka kisêlna, guohpi laka kisêlna mun bang hi’n tin; thalek gama luicha tui luong leh, gam haksa a suongpi lim tawbang hi’n a.

SAM LEHKHABU THE PSALMS 140:4

Aw Lalpa, minunsie haw khut apat in ei vawppha’n la; Mi ngawngtawih haw, ka pukna ding guonggalhte apat chun ei vengbit in:

SAM LEHKHABU THE PSALMS 55:9

Aw Lalpa a thil guon u chu hihsie’n la, a lei u chuh subuoi in: Khawpi achun kipawngbawlna leh kiphinna ka mu ngâla.

SAM LEHKHABU THE PSALMS 46:7

Sepaih hawnte Lalpa chuh I kawm u ah a um a; Jakob Pathien chuh I insang uh ahi.

LUKE 1:71

Ei doteu lak leh ei mudahte chengcheng laka pat hukdam in I um u a.

SAM LEHKHABU THE PSALMS 140:11

Thu phalo gente chuh lei ahin hihdet in um puo’n tin: Mi ngawngtawih te chuh thil phalo in kin takin hawldawk ina.

SAM LEHKHABU THE PSALMS 140:1

Aw Lalpa migilo lak achun ei humbit inla. Mi ngawngtawih apat chun ei vawp tûp in:

SAM LEHKHABU THE PSALMS 86:14

Aw Pathien, mi kisatheite chun ei suol u a, Mi ngawngtawih um khawm hawn ka hinna hi sukmang guon a hawl u a, a masang u ah a hun kawih puou hi.

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

SAM LEHKHABU THE PSALMS 84:9

Entie, Aw Pathien ka phawu, Na sathau nuh mel hi hun en in.

SAM LEHKHABU THE PSALMS 72:14

A hinnau chu nuoisiehna leh khansietna lak apat tan in tin, A thisan u chuh amah mitmuh in lul tak ahi ngâla.

SAM LEHKHABU THE PSALMS 71:7

Mi tampi ngaih in thilmak bang ka hi a, Himahleh nang chuh ka kihumbit na dettak na hi.

SAM LEHKHABU THE PSALMS 61:3

Nang chuh ka kihumbitna na hi a, Melmate laka gâlven insang dettak na hi ngâla.

SAM LEHKHABU THE PSALMS 46:1

Pathien chuh I kihumbitnau leh I hât nau, Lungdawn laia panpih pai zieng nai zing ahi.

SAM LEHKHABU THE PSALMS 28:7

Lalpa chuh ka hatna leh ka phaw ahi; Ka lunggil in amah chuh ka gingcha a, tichun panpih in ka um a; Zieziekchun ka lunggil hi nasatak in a kipâk a; Ka la hin a mah pakcha’ng ka.

SAM LEHKHABU THE PSALMS 27:5

Lungkham ni leh a bukcha a ei kawih gu ding a hih ziek in, A humbitna puon-In a chun ei sel gu’n tin, Suongpi chung sang tak ah ei dawm kai ina.

SAM LEHKHABU THE PSALMS 5:12

Mi diktat chuh vangsak ding na hi ngâla; Aw Lalpa, amah chuh phaw tawbang in deihchuom na chun ûmkimvel inla.

SAM LEHKHABU THE PSALMS 3:3

Himahlele, aw Lalpa, nang chuh ka kimvela ka phaw na hi ie; Ka lopi na leh ka luchang dawm kâng pên na hi a.

2 SAMUEL 22:51

Amah chu lengpa a dingin hukdamna In sang ahi a: A thau nuh chungah, David leh a suonte chung ngêi achun, kumlekhuo’n a lungsietna hihlang ina, a ti a.

2 SAMUEL 22:49

Ka melmate lak apat a ei ladawkpa: Ahi, nangin ei dote chunglam achun nei dawm kâng a: Mi pawngbawl hatte lak apat chun nei hukdawk sek a.

1 SAMUEL 2:1

Chun, Hannah chu a paucham a: “Lalpa chungah ka lunggil a kipâk mah mah a, Ka ki chu Lalpa ah chawihsân in a um a; Ka melmate chungah ka kam suklet in a um a, Na hukdamna a chu ka kipah mah mah ziekin.

DAN NIHNA 32:37

‘A pathienteu khawia um ahiu a, A kiselnau suongpi, a dâwn dinguh thillat uain dawnte chuh?

TITA 3:6

Pathien in zie Thagau Thiengtho chuh Isu Krista I Hukdampau zalin, nasa taka let hiela I chunguh a a sunthâk tak khah.

TITA 3:4

Himahlele, Pathien, I Hukdampau nunnemna leh hehpihna chuh a hung kiphuon phet chun,

LUKE 1:47

Ka thagau le ei hukdampa Pathien chungah a kipâk mah mah ta a.

JEREMIA 16:9

Sepaihte Lalpa Israel Pathien chun hiti hin a ti ngâl a: Ngaitiem u, na mitmuh un, na damsung u hin mo aw te, moneipa aw te, kipah thawmte, lawpna thawmgi te chuh zie mun ahin suhai ing ka.

ISAI 45:21

Hung u henla, a chanchin uh hung gen u hen, a panpihteu chule kidawng tuoh uh hen la; Kuoa tumasang a thil hungtung ding genlawk sek? A mite hukdawk sek chuh Kei Lalpa Pathien hi hilo ka him? pathien dang himhim a um puoh ngâl a.

SAM LEHKHABU THE PSALMS 32:7

Nang chuh ka kisêlna mun na hi a, nang chun lungkham na lak ah nei humbit a; suohchakna la hawn nei ûmkimvel sak a.

SAM LEHKHABU THE PSALMS 142:4

Ka changlam ka ngaa, ka en a, himahleh, ei he a um ta puou hi; ka kihumbitna a um ta puoh a, kuomah cha’n ei ngaihsak ta puou hi.

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

1 SAMUEL 2:2

“Lalpa guola thiengtho khatchale a um puoi; Nang tawbang himhim a um puoi, I Pathien u tawbang suongpi himhim a um puoi.

2 SAMUEL 22:31

Pathien vang a lampi chu a phabukim a: Lalpa thu chu etchet ahi tai; Amah gingchate chengcheng dingin amah chu phaw ahi.

2 SAMUEL 22:47

Lalpa chu a hing zing hi; ka suongpi chu pahchak in um hen, Ka hukdamna suongpi, Pathien chu chawih-at in um hen:

2 SAMUEL 23:3

Israel Pathien chun a gen a; Israel te suongpi chun: “Mi chunga diktaka vaihawm sek, Pathien kihcha kawma vaihawm sek chu dik ngêi ina.

PAWTDAWKNA 15:2

Lalpa chuh ka hatna leh la ahi, Amah chuh ka hukdamna le a hung hii; Ka Pathien ahi a, amah chuh pakcha’ng ka. Amah chuh chawisâng ing ka.

SAM LEHKHABU THE PSALMS 9:10

Khutichun na min hete chun a ginnau chuh nang ah a ngau a, Nang vangin chuh, Lalpa, nangmah hawlte chuh na taihsan puoh ngâl a.

SAM LEHKHABU THE PSALMS 46:2

Zieziekchun lei hi hung zatchuom in, Tang haw hi tuisuohgiet sung pek ah kichawn mahlele lau hiel puo’ng ka ting;