2 SAMUEL 21:7 - PATHIEN LEKHABU THIENGTHO (BSI)

⁷ Himahlele leng chun, David leh Saul chapa Jonathan kal a Lalpa kawma kipautiemna a neih ziek chun Saul tupa Jonathan chapa Mephiboseth chu a hinghawih a.

2 SAMUEL 21:7 ပူးပေါင်းရင်းမြစ်များ

2 SAMUEL 4:4

Chun, Saul chapa Jonathan chun chapa kêngbâi a nei a. Jezreel apat a Saul leh Jonathan chanchin a na zak u chun kum nga mi ahi a; tichun a dawnpa chun a pawm a, a taihmangpih a, khutia a taihna lam achun a khetha a, tichun a keng a hung bai ta a. A min chu Mephiboseth ahi.

1 SAMUEL 23:18

Khutichun, a nih u chun Lalpa ma ah thugawlh a siem u a. David chu Horesh ah a um zing ta a, Jonathan chu In lam ah a chieh kit ta a.

1 SAMUEL 20:15

kumkhuo’n ka inkuote le na lungsiet hai ki’n; Lalpa’n David melmate lei chunga pat a sukbei suok kêi nung inle hai ki’n,” a ti a.

1 SAMUEL 18:3

Khutichun Jonathan leh David chun thugawlh a siem u a, amah hinna bang taka a hehpih ziekin.

2 SAMUEL 9:10

Khutichun amah dingin lo bawlsak in na tin, nang leh na chapate leh na suokte tawh; chun, na pu chapa chun nek dingte a neih theihna dingin na sepdawk haw chu hun chawiin na tin; na pu chapa Mephiboseth hin chuh ka dawhkhâng a hin an ne zing ina,” a ti a. Ziba chun chapa sawmlenga leh suok sawmnih a nei a.

1 SAMUEL 20:8

Zieziekchun, na suok hi phatak in bawl in; na suok hi Lalpa ma ah thuthun na neihpih ta ngâla; ahih ziekin sukkhelh ka neih chun nangin ei that zieng in; bang zieka e na pa kawma nei puih khelkhel ding?” a ti a.

1 SAMUEL 20:42

Chun, Jonathan chun David kawmah, “Lungmuong takin chieh in aw, ‘Lalpa chu nang leh kei kikal leh ka suonte leh na suonte kikal ah kumkhuo’n um hen,’ ti’n Lalpa min in I kihâksiel ta kha,” a ti a. Chun, a kipana, a chieh ta a; chun, Jonathan chu khuo achun a lut ta a.

1 SAMUEL 20:17

Chun, Jonathan chun David chuh amah a lungsietna sâm in a kihâksiel sak kita; amah hinna hehpih bang takin a hehpih ngâla.

2 SAMUEL 19:25

Chun, hiti hi ahi a, leng muok dinga Jerusalem a a chieh chu leng in a kawmah, “Mephiboseth, bangati a kei kawma hung lo na him?” a ti a.

2 SAMUEL 16:4

Chun, leng chun Ziba kawm achun, “Ngaitie, Mephiboseth thil neih chengcheng chu nanga ahi suok tai,” a ti a. Chun, Ziba chun, “Chibai ka hun bûk tak zet na hi; aw lengpa, hepu, na mit tun zel guo’ng ka,” a ti a.

2 SAMUEL 9:7

Chun, David chun a kawmah, “Lau ki’n: na pa Jonathan ziekin na chungah lungsiet sulang ngêi ngêi ing ka ting, na pu Saul gam chengcheng hun neih sak kit ing ka ting, ka dawhkhâng ah an ne zing ta’n la,” a ti a.

1 SAMUEL 20:12

Chun, Jonathan chun David kawmah, “Lalpa, Israel te Pathien chu a hetpih hihen; zing tuphat hin ahim, ani thum ni’n ahim ka pa ka hun dâwp dawka, ngaitie, David chung thu a phalam ahih chun na kawma mi hun sawl in hun hilh lo ding ka hi a ahim?

2 SAMUEL 9:1

Chun, David chun, “Jonathan zieka lungsietna ka suklat theihna dingin Saul inkuote laka mi a um nalai um?” a ti a.

THUGENPA 8:2

Pathien masanga na thutiem ziek chun, leng thupiek khawksa dingin a hun tih ahi.

1 SAMUEL 24:22

Khutichun David chu Saul kawmah a kihâksiel ta a. Chun, Saul chu a chieh ta a; David leh a mite vang chu kulh lama chun a chieh to tau a.

2 SAMUEL 9:6

Chun, Saul chapa Jonathan cha Mephiboseth chu David kawmah a hung a, a maia lei si’n chibai a bûk a. Chun, David chun, “Mephiboseth,” a ti a. Amah chun, “Entie, na suok hih,” a ti a a dâwng a.