2 SAMUEL 2:13 - PATHIEN LEKHABU THIENGTHO (BSI)

¹³ Chun, Zeruiah chapa Joab leh David suokte chu a chiehdawk u a, Gibeon achun a kituok u a; tichun lawikhat chu dîl gâl langkhat ah a chuu a, lawikhat chu dîl gâl langkhat ah a chuu a.

2 SAMUEL 2:13 ပူးပေါင်းရင်းမြစ်များ

1 KHANGTHUBU 2:16

Chun, a chanute chu Zeruiah leh Abigail ahiu hi. Jessai chanu Zeruiah chun chapa thum a nei a: Abishai te, Joab te, leh Asahel te ahiu hi.

2 SAMUEL 8:16

Chun, Zeruiah chapa Joab chuh sepaih lawiupa pên ahi a, chun, Ahilud chapa Jehoshaphat chu chanchin zikin a pang a;

JEREMIA 41:12

Mi chengcheng chuh a puidawk u a, Nethania chapa Ishmael do ding chun a kipan dawk u a, dîl lien tak umna mun Gibeon achun a va muu a.

1 KHANGTHUBU 11:6

Tichun, David in, “Kuole, Jebus te vak do masa taphawt chu sepaih lawiupa’n pang ina,” a ti a. Tichun, Zeruiah chapa Joab kiti chu a va chieh to masa a, lawiupa dingin a siem tau a.

1 LENGTE 1:7

Amah chun Zeruiah chapa-Joab leh thiempu Abiathar chuh a hopih a; amau chuh amah lama pang in a panpih sek him uh ahi a.

2 SAMUEL 20:23

Joab chu Israel sepaih chengcheng lawiupa ahi a; chun, Jehoiada chapa Benaiah chu Kereth mi leh Peleth mite lawiupa ahi a:

2 SAMUEL 2:18

Chun, zie tak achun Zeruiah chapa thum, Joab, Abishai leh Asahel a um u a: Asahel chu sazukpi bang hiela ngalhat ahi.

2 SAMUEL 20:8

Gibeon a suongpi lien a va tun u chun, Amasa chu ana chieh masa a. Chun, Joab chuh kidona van in a kivan a, chun, a chung achun chemzâm apai pum in kâwnggak ah a vawp a, chun a vak chieh leh a kie ta a.

1 LENGTE 2:5

“Zie ban achun na het ding chuh, Jeruiah chapa Joab ei bawl dân, Israel te sepaih lawiupa nih Ner chapa Abner leh Jether chapa Amasa te chunga a bawl dân leh a thah dân kha, khutia kicham lai a kidona thisan a suoh a, a tai a a kâwnggak chung leh a kengtawbek chunga kidona thisan a nât dân khah.

1 SAMUEL 26:6

Ziephet chun, David in Hit mi Ahimelek leh Joab suohpihpa Zeruiah chapa Abishai kawmah, “Saul panmun a kuo a ei zui ding?” ti’n a gen a. Chun, Abishai chun, “Ken hun zui ing ka,” a ti a.

2 SAMUEL 23:24

Joab suohpih Asahel chuh sawmthum laka khat chu ahi a; Bethlehem khuo a Dodo chapa Elhanan te;

1 KHANGTHUBU 27:7

Tha lina a sepaih lawiupa chu, Joab suohpihpa Asahel a hi a; a chapa Zebadiah a tha a sang hi; amah lawi achun, singnih leh sangli a um ui.