2 SAMUEL 19:39 - PATHIEN LEKHABU THIENGTHO (BSI)

³⁹ Chun, mipi chengcheng chu Jordan gâl a kai u a, chun, leng chule a galkai a: leng chun Barzillai chu a châwp a, vangsaka; chun amah mun lam ah a chieh kit ta a.

2 SAMUEL 19:39 ပူးပေါင်းရင်းမြစ်များ

THILSIEMBUL 31:55

Chun, zingkal matak in Laban chuh a tho a, a tute leh a chanute a châwp a, vang a pie a; tichun a kipan a, amah umna lam zuonin a chieh kit ta a.

RUTH 1:14

Chun, aw ngeih tak in a kap kit tau a; chun, Orpah chun a pi chuh a châwp a; himahleh, Ruth chun vang a tuchak kêi a.

THILSIEMBUL 47:7

Chun, Joseph in a pa Jakob chuh a puilut a, Pharaoh ma achun a dinsak a: tichun, Jakob in Pharaoh chuh vang a pie ta a.

1 THESSALONIKA 5:26

Suohpih cheng chengte khah, châwp thiengtho in nei hun chibai sak un.

NASEPTE 20:37

Tichun, a bawn u chun hah kah in a kap u a, a bieng u leh Paul bieng sutuoh in a châwp tuntun u a.

LUKE 2:34

Khutichun, Simeon in amau chuh a vangsak a, a nu Mari kawmah, “Ngaiin, zie nausen hi Israel te laka mi tamtak pukna ding leh, dindawkna dinga guot ahi; melchikna haw niel dingin tawh,

1 LENGTE 19:20

Chun, Elisha chun a bâwngchalte chuh a taihsan a, Elijah chu a delh a, a kawmah, “Ka nu leh ka pa va châwp phawt tadih ing ka ting, tichun hun zui ing ka,” a ti a. Elijah chuh a kawmah, “Bang ka hun lawh a ahim? va chieh kin tan,” a ti a.

2 SAMUEL 14:33

Khutichun Joab chu leng David kawm achun a chieh a, Absalom thu gen chengcheng chu a hilh a; chun, leng chun Absalom chu a sama, a kawmah a chieh a, leng masang achun a maia lei si’n a bawkkhup a: leng chun Absalom chu a châwp ta a.

2 SAMUEL 13:25

Chun, leng chun Absalom kawmah, “Hilo e, ka chapa, ka bawn u chun hung lo e, hun subuoi taluo khang kau,” a ti a. Chun, amah chun a chiel hâmhâm a, himahlele a chieh nuom diek puoh a, vang a buok a, a sawl kit ta a.

2 SAMUEL 6:20

Khutichun mi chengcheng chu amau haw In lam chietah a chieh tau a. Khutichun David chule a inkawte vangsak dingin a kilehkit ta a. Chun, Saul chanu Mikal chuh David muok dingin a hung pawt a, “Tuni a Israel leng chu a nasa na e, mimawl, zahchâkna helo sangawn a um bang mai in tuni a a suok nungakte mitmuha a um mai chuh,” a na ti a.

2 SAMUEL 6:18

Chun, David in hâlmang thilpiekte leh chamna thilpiekte a piek zawh chun sepaihte Lalpa min in mipite chu a vangsak a.

1 SAMUEL 24:22

Khutichun David chu Saul kawmah a kihâksiel ta a. Chun, Saul chu a chieh ta a; David leh a mite vang chu kulh lama chun a chieh to tau a.

KISIMNA 24:25

Tichun Balaam chuh a kisa a, In lam ah a chieh ta a. Balak chu le a khaw lam ah a chieh ta a.

THILSIEMBUL 47:10

Tichun, Jakob in Pharaoh chuh a vangsak kit a, a kawm apat chun a pawt ta a.

THILSIEMBUL 45:15

Tichun, a suohpihte chengcheng chuh a châwp a, a kahkhum a; zie zawh chun a suohpihte chun a holimpih tau a.

THILSIEMBUL 28:3

El Shaddai Pathien chun hun vangsak intin, nam tamtak te pa na hung hihtheihna dingin, suonlepak tamtak hun neihsak in, hun hihpung hen;

THILSIEMBUL 14:19

Chun amah chun Abram chuh vang a pie a, a kawmah, “Lei leh van neipa Pathien Chungnung pên chun Abram chuh vang pie hen.

2 SAMUEL 19:38

Chun, leng chun a dâwng a, “Chimham chu kei kawmah Jordan hung kai intin, pha na sak bang takin a chungah hih ing ka: chun, thil bang hileh nei nget tâk chu hih sak zel ing ka,” a ti a.