2 SAMUEL 19:24 - PATHIEN LEKHABU THIENGTHO (BSI)

²⁴ Chun, Saul chapa Mephiboseth chu leng muok dingin, a hung suk a; leng a pawtdawk ni apat gâlmuong a a hung vaihkit ni tieng chun a kengte chu a sil puoh a, a khabemul a met puoh a, a puonhaw le a sawp diek puoi.

2 SAMUEL 19:24 ပူးပေါင်းရင်းမြစ်များ

HEBRAI 13:3

Suongkul tângte chuh, nang haw tawh tâng khawm bangin ngai zingun la; sukgimtheih thuokte chuh, nang haw le, sapum a um na hih ziekun geldawk zing un.

ROME 12:15

Kipakte chuh kipahpih unla, kapte chuh kahpih un.

MATTHAI 6:16

“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.

JEREMIA 41:5

Shekem apat te, Shiloh apat te, Samari akipat te chun mi sawmgiet, a khabemul uh met in, a puonteu bawtthêk in, amau ki-ât in, chângthâk thillat te leh gimlim chawiin Lalpa Ho-In a lân dingin a hung u a.

ISAI 15:2

Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

2 SAMUEL 16:3

Chun, leng chun, “Ahih leh na pu chapa chuh khawi ahi?” a ti a. Chun, Ziba chun leng kawmah, “Ngaitie, Jerusalem ah a um hi: ‘Tuni hin Israel te chun ka pu gam ei pie kit ding ahiu hi,’ a ti ngut kha uo,” a ti a.

2 SAMUEL 15:30

Khutichun David chu olive tâng chieh tohna achun a kalto a, a chieh toh kawm chun a kap zel a; a luchang a khuh a, keng ngawnin a chieh a: a kawma um cheng chengte chun le a luchang uh a khuh u a, kap kawm zelin a chieh u a.

PAWTDAWKNA 19:10

Chun, Lalpa’n Mosi kawmah, “Mipite kawmah va chieh inla, amau haw chuh tuni tawh zing leh mipite chuh kisuthieng u henla, a puonhawu sawp ngim u hen,

2 SAMUEL 9:11

Khutichun Ziba chun leng kawmah, “Zahum tak, ka pu’n na suok thu a piek bang zelin na suok hin hih ina,” a ti a. Leng chun, “Mephiboseth hin vang ka dawhkhâng ah leng chapa mah bangin an ne’na,” a ti a.

2 SAMUEL 12:20

Khutichun David chu tuol apat chun a tho dawk a, a kisil a, thau a kinuh a, a puonhaw a theng a; chun, Lalpa In ah a chieh a, Pathien chibai a bûk a; chun, a In lam ah a chieh kit a, an a ngên a, a masang achun a hun lui u a, a ne ta a.

1 LENGTE 2:8

“Chun, ngaitie, Behurim khuo a, Benjamin mi, Gera chapa Shimei hi na kawmah a um a, amah chun Mahanaim a ka chieh lai khan hansie phalo tak ei buok a: amahvang chuh Jordan ah ei muok dingin a hung suk a, zie tak achun, ‘Chemzâm in hun that puo’ng ka,’ ti’n Lalpa min in a kawmah ka na kipautiem ta a.