2 SAMUEL 19:18 - PATHIEN LEKHABU THIENGTHO (BSI)

¹⁸ Chun, leng inkawte puih kaihna dingin leh pha a sak bang banga mat dingin kuong a chieh galkaihpih u a. Chun, Jordan lui a va galkaih chun Gera chapa Shimei chu leng masang achun a khupbawk a.

2 SAMUEL 19:18 ပူးပေါင်းရင်းမြစ်များ

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

SAM LEHKHABU THE PSALMS 81:15

Lalpa hawte chuh a masangah lau leh lîngin um un tin: kumkhawtuong a gawtna thuok tan au.

SAM LEHKHABU THE PSALMS 66:3

Pathien kawmah “Na thilhih haw chu a huoisie na maizen e! Na thilhih theihna nasat ziekin nangmah hun dote chun na kawmah nuoilut chuh un au.

1 SAMUEL 22:15

Tuni hi Pathien ka dawtsak pat ni ahim? Ahi puoi. Lengpa’n a suok ahim, ka pa inkawte himhim bangmah ngawh hiel kihen; na suok hin zie thu haw himhim hi a bangmah cha ka he puoi,” a ti a.

2 SAMUEL 19:17

Chun, a kawmah Benjamin mi sangkhat tawh, Saul inkawte suok Ziba, a chapa sawmlenga leh a suok sawmnih tawh a tel u a; chun, leng tun masang chun Jordan a galkai u a.

2 SAMUEL 19:19

Chun, leng kawm achun, “Ka pu hin gitlohna nei in ei ngai dah hâm hen la, lengpa ka pun Jerusalem a pawtsan ni a na suok in diklo taka a na hihsa haw chule hezing diek kihen la, leng chun lunggil ah vawp kihen.

1 LENGTE 2:8

“Chun, ngaitie, Behurim khuo a, Benjamin mi, Gera chapa Shimei hi na kawmah a um a, amah chun Mahanaim a ka chieh lai khan hansie phalo tak ei buok a: amahvang chuh Jordan ah ei muok dingin a hung suk a, zie tak achun, ‘Chemzâm in hun that puo’ng ka,’ ti’n Lalpa min in a kawmah ka na kipautiem ta a.

2 SAMUEL 9:2

Chun, Saul inkuote suok khat a min Ziba a um a, David kawma chieh dingin a sam u a, chun, leng chun a kawmah, “Ziba kha na him?” a ti a. Chun, amah chun, “Ka hi, kei na suokpa hi,” a ti a.

2 SAMUEL 9:10

Khutichun amah dingin lo bawlsak in na tin, nang leh na chapate leh na suokte tawh; chun, na pu chapa chun nek dingte a neih theihna dingin na sepdawk haw chu hun chawiin na tin; na pu chapa Mephiboseth hin chuh ka dawhkhâng a hin an ne zing ina,” a ti a. Ziba chun chapa sawmlenga leh suok sawmnih a nei a.

2 SAMUEL 19:30

Chun, Mephiboseth chun leng kawmah, “E, amah chang vek hen, lengpa ka pu chu amah In ah gâlmuong in a tung ta ngâl a,” a ti a.