2 SAMUEL 19:13 - PATHIEN LEKHABU THIENGTHO (BSI)

¹³ Chun, Amasa kawmah, “Ka guh leh ka phehlevo hilo na him? Joab thasanga sepaihte lawiupa a ka hun pansak loh chun Pathien in a nawp nawp ei lawh hen, zie sanga nasa zaw chun le, a tii, va tiu,” ti’n mi a sawl a.

2 SAMUEL 19:13 ပူးပေါင်းရင်းမြစ်များ

2 SAMUEL 17:25

Chun, Absalom chun Amasa chu Joab thasang in sepaih lawiupa dingin a kawih a. Amasa chu Israel mi Ithra chapa ahi a, a nu chu Nahash chanu Abigail ahi a, Joab nu Jeruiah suohpih ahi.

1 LENGTE 19:2

Chun, Jezebel chun Elijah kawmah thupawtu a sawl a, “Zing leh tuhun mah mah ahih na mi thahte laka khat guola nang hinna le ka bawl loh chun, pathien te’n a nawp nawp ei lawh mai hen, zie sanga nasa zaw chun le,” a ti a.

2 SAMUEL 8:16

Chun, Zeruiah chapa Joab chuh sepaih lawiupa pên ahi a, chun, Ahilud chapa Jehoshaphat chu chanchin zikin a pang a;

RUTH 1:17

Na thihna na ah thi’ng ka ting, zie tak achun ei vui mai ding ahiu; nang leh kei hi thihna tihloh in thil dang in ei khen ding chun Lalpa’n a lawh lawh ei lawh mai hen la, zie sanga nasa zaw chun le,” a ti a.

1 KHANGTHUBU 12:18

Khutichun, sawmthum chunga lawiupa Amasai chunga chun thagau a hungtung a, “Jessai chapa David, nang lama pang ka hiu hi, na chungah lungmuonna um hen, nangmah hun panpihte chunga le lungmuonna um hen; na Pathien chun a hun panpih sek ngâl a,” a ti a. Ziephet chun, David chun, amau haw chu a lawp a, sepaih hawn lawiupa dingin a siem ta a.

2 SAMUEL 18:11

Chun, Joab chun a hilhpa kawm achun, “Ngaitie zie chu na mu ngâla, bangati a a muna chu na hun thah zieng loh a? Khutibang chun hih leh chin chuh dangka sekel sawm leh kâwnggak hun pie ding hi veng,” a ti a.

THILSIEMBUL 29:14

Chun, Jakob chun zie thu haw chengcheng chuh Laban a hilh ta a. Laban chun a kawmah, “Ka guh leh ka taksa ngêi na hi chu la,” a ti a. Tha khat sung a kawmah a um ta a.

2 SAMUEL 3:27

Chun, Abner Hebron a hung tun chun Joab chun kulh kawtkhak a hoguk dingin a puichuom a, a suohpihpa Asahel thisan phuba lâkna ding chun a nakguh ngana nuoi tak chuh a sut saka, a thi tai. Khutichun Abner chu Joab suohpihpa Asahel a thah ziek chun thah in a um tai.

2 SAMUEL 5:1

Khutichun Israel suonte chengcheng chu Hebron ah David kawmah a hung u a, “Ngaitie, na mi leh sate ka hiu hi.

2 SAMUEL 20:4

Khutichun, leng chun Amasa kawmah, “Ni thum sungin Juda mite ei sapkhawm sak inla, chun, nang le a na um in,” a ti a.