2 SAMUEL 18:17 - PATHIEN LEKHABU THIENGTHO (BSI)

¹⁷ Tichun, Absalom luong chu a lau a, gammânga kawkhuk thuk tak achun a paih tau a, a chung achun suong a sevum velvul u a; tichun Israel mite chengcheng chu amau puon-In lam chietah a chieh kit tau a.

2 SAMUEL 18:17 ပူးပေါင်းရင်းမြစ်များ

JOSHUA 8:29

Chun, a lengpa chuh nitâk tiengin thinglek ah a khâi a. Ni tum ding kuon in Joshua’n thu a pie a, tichun a luong chuh thinglek apat a lathau a, khawpi kulh kawtkhak lutna ah a paih u a. A chung achun suong a sieh vum u chuh tuni tieng in a um nalai hi.

JOSHUA 7:26

Chun, a chung achun suong a tieng vum u a, tuni tiengin a um nalai hi; chun Lalpa’n a lungnatna nasatak chuh a kiheisan ta a, khutichun zie mun min ding chun Akor guom a tiu a, tuni tieng hin Akor guom tih ahi tai.

THUCHINGTE 10:7

Mifel hetzingna chuh vangsak na ahi a, himahleh, mi nunsiete min vang chuh beimang pai in a.

2 SAMUEL 20:22

Khutichun numei chu a thil guon chu tawh mipi chengcheng te lak achun a chieh a. Chun, Bikri chapa Sheba lu chu a tan u a, Joab kawm lam achun a vak paih dawk u a, chun, pengkun a mût a, amau puon-In lam chietah khuo apat chun a chieh tau a. Chun, Joab chu Jerusalem ah leng kawm achun a chieh ta a.

2 SAMUEL 20:1

Chun, zie tak achun Benjamin mi, Bikri chapa a min Sheba, Belial mi khat a na um kha a: pengkun a mût a, “David ahin chanvo ka nei puou a, Jessai chapa ahin go luoh ding le ka nei diek puou hi: aw Israel mite haw, na puon-In lam chiet u ah chieh tau in,” a ti a.

2 SAMUEL 19:8

Khutichun leng chu a kipan a, kulh kawtkhak achun a chu a. “Ngaitiem u, leng chu kulh kawtkhak achun a chûi,” ti’n mipi chengcheng chu a hilh u a: chun, mipi chengcheng chu leng masang achun a va chieh tau a.

JOSHUA 10:27

Chun, hiti hi ahi a, ni tum ding kuon in Joshua’n thu a pie a, thinglek apat chun a lathau a, a kiselguknau kawlpûk akhan a paih lut u a, kawlpûk kawtkhak chuh suong lientak takin a sin u a, tuni tieng hin le a um zing nalai hi.

DAN NIHNA 21:20

Chun, a khuo upateu kawma chuh, ‘Zie ka chapau hi lochal tak leh huhel tak ahi a, ka thuu le a nung puoh a, nawpchet leh kham hât ahi,’ a tih dinguh ahi.

DAN NIHNA 21:21

Zie tieng chuleh, a khuou a mi chengcheng chun suong a a sehlup dinguh ahi; khutia chuh na lak u a thil phalo na sukbeih dinguh ahi; zie chuh Israel mi chengcheng chun hun heu intin, lau in au.

1 SAMUEL 4:10

Tichun Philistia te chun a do u a, Israel te chu a guollah tau a, a puon-In lam chiet u ah a tai tau a tamtak a that u a, Israel te laka sepaih singthum a thiu hi.

2 LENGTE 8:21

Tichun, Jehoram chu a kangtalai cheng tawh, Edom sepaihte’n a chutphah nau, Zair khuo zuon ding chun a kipandawk ta a. Zan lai chun, amah leh a kangtalai teu chu a susieu a, a taidawk u a, a sepaihte cheng chuh amau In lam chietah a chieh tau a.

2 LENGTE 14:12

Tichun, Amaziah sepaihte chu zawhin a um u a, a sepaih chengcheng chu a In lam hawu ah a taisie tau a.

2 SAMUEL 19:5

Ziephet chun Joab chu In ah leng kawm achun a lut a, “Na hinna te, na chapate leh na chanute hinna leh na zite leh na meite hinna hûkbitte chu tuni hin zakcha takin na kawih ta ahi;

2 SAMUEL 19:9

Israel te haw vang chu amau puon-In chietah a chieh kit tau a, “Leng chun I melmateu khut apat ei hukdawk uh a, Philistia te khut apat ei hukdawk ta a; chun, tuhin zie gama pat hin Absalom chu a taihdawk san a.