2 SAMUEL 16:22 - PATHIEN LEKHABU THIENGTHO (BSI)

²² Khutichun in chungah Absalom dingin puon-In a zak u a; tichun Israel mite chengcheng mitmuh in a pa meite kawm achun a lut a, a va kuolpih ta a.

2 SAMUEL 16:22 ပူးပေါင်းရင်းမြစ်များ

2 SAMUEL 15:16

Chun, leng chu a pawt a, a inkawte cheng chengin a zui u a. Chun, leng chun In ngak dingin a meite numei sawm a nusieh a.

2 SAMUEL 20:3

Khutichun David chun Jerusalem a a In chu a tung a; chun, leng chun numei sawm a in ngak dinga a kawihte chu a puikhawm a, a nek dinguh a pie a, himahlele amau haw chu a kuolpih puoi. Tichun, a thih niu tienga khum det a um in, meithai in a um tau hi.

PHILIPPI 3:19

Ziehaw tawpna chuh gawtmun a hi a, a pathien u chuh a gilpiu ahi. A lopina hawu chule a zahhuoinau a hi a, zie khawvel thilte mai hi a lunggulh sek ngâl ui.

EZEKIEL 24:7

A thisan suoh chuh amah sung ah a um ngâla, leivui in a khuh theihna dinga leituol a sunthak sangin suongpi gaw chungah a sungtha zaw a.

JEREMIA 8:12

Thil kihdak-um a bawl u hi a zakchau hi? Zakchalo, a zakcha hiel puou, a mai u le a muol chuom puoi. Zieziekchun, a pukte chu tawh pukkhawm untin amau haw ka vehthak ni leh paih thak hi’n au, tih hi Lalpa kamsuok ahi.

JEREMIA 3:3

Ziehaw ziek chun guoh zuk sak ahi puoh a, guoh nunung le a zu diek puoi. Nang chun mihûk maiput in na pu a, na zakcha nuom hiel puoh ngâl a.

ISAI 3:9

A langkaihnau in amau haw a hêk kawm ngâl a, a gitlohnau chuh Sodom guol zetin a latsak uh a, a sel puou hi. A chung uh a gik hi, thil phalo in a kidinthuk kawm ngâl u a.

2 SAMUEL 11:2

Chun, hiti hi a hi a, nitâk ni nem chun a zâlkhun apat David a tho a, leng In chungah a va vak viel a: chun, In chung apat chun numei khat kisil lai chu a vak mu a; zie numei chu melhawih tak ahi a.

KISIMNA 25:6

Israel chate chuh Lalpa umna puon-In kawtkhak a a kah lai tak u chun mi khat in Mosi mitmuh leh Israel mipite mitmuh chun Midian numei khat a inkawte kawmah a hun pui a.

THILSIEMBUL 35:22

Israel chuh zie gama chuh a um lai in, Reuben in a pa mei Bilhah chuh a va kuolpih a: Israel in zie chuh a zata a Chun. Jakob chapate chuh sawmlenih ahiu a.