2 SAMUEL 16:21 - PATHIEN LEKHABU THIENGTHO (BSI)

²¹ Chun, Ahithophel in Absalom kawmah, “Na pa meite, In ngaka a nutsieh teu kawmah va lut inla va kuolpih in; tichun Israel mi chengcheng in na pa’n a hun mudah hi tih hun heu intin; tichun nang lama pang te chengcheng khut chu hung hât ding ahi,” a ti a.

2 SAMUEL 16:21 ပူးပေါင်းရင်းမြစ်များ

2 SAMUEL 20:3

Khutichun David chun Jerusalem a a In chu a tung a; chun, leng chun numei sawm a in ngak dinga a kawihte chu a puikhawm a, a nek dinguh a pie a, himahlele amau haw chu a kuolpih puoi. Tichun, a thih niu tienga khum det a um in, meithai in a um tau hi.

2 SAMUEL 15:16

Chun, leng chu a pawt a, a inkawte cheng chengin a zui u a. Chun, leng chun In ngak dingin a meite numei sawm a nusieh a.

ZEKARIA 8:13

Juda leh Israel mite haw! Tumasang khan, gamdang mite chun, ‘Juda leh Israel te chunga sietna tung kha, na chungah tung he’n’ ti’n hansie a kibuokkhum tuoh sek u a. Himahleh, tuhin hun hukdam ing ka ting, tichun, zie gamdang mite chun, ‘Juda leh Israel mite chunga vangsakna tung bang khan na chungah tung he’n,’ kiti tuoh ta’n au. Zieziekchun, hangsan takin um inla, lau hiel ki’n,” ti’n.

2 SAMUEL 2:7

Khutichun, hât tak leh hangsan takin um un: na puu Saul chu a thi ta ngâl a, Juda namte chun a chung u a leng dingin thau ei nuh ta ngâl u a,” a ti a.

THIEMPUDANTE 18:8

Na pa zi sangawnna na hâwk ding ahi puoi, zie chuh, na pa sangawnna ahi.

1 KORINTH 5:1

Na laku ah, kipawlthanghuoina a um hi tih a kithang vengvung a; khutibang kipawlna chuh Jentel te laka le um khalo, na lak uh a mi khatin a pa zi a kuolpih khah.

1 LENGTE 2:22

Chun, leng Solomon chun a dâwng a, a nu kawm achun, “Bangti dana Shunam mi Abishag hi Adonijah dinga ngên na him? Lalgam hile nget sak ngâl ngâl ta; Adonijah chu ka u ahi ngâl a; amah a ding leh thiempu Abiathar leh Zeruiah chapa Joab a ding chun le ngên ta,” a ti a.

1 LENGTE 2:17

Chun, amah chun, “Lungsiet takin leng Solomon ei hopih sak inla, (na thu vang niel khel puo’n tin) Shunam mi Abishag hi zi’n ei neih sak hen,” a ti a.

2 SAMUEL 12:11

Lalpa chun hiti hin a tii, Ngaitie, nangmah inkuon laka pat in na chungah thil phalo pawt sak ing ka ting, na mitmuh ngêi in na zite chu hun lâksak ing ka ting, na In vengte pie’ng ka ting, sun lai in na zite kuolpih in au.

1 SAMUEL 27:12

Chun, Akish chun David thugen chu taksang in, “Amah mi Israel te hi a kimuhdah sak ta ngâl in; zieziekchun, a damsung cheng chu ka suok in um ta lo ding ahim,” ti’n a ngaihtuoh a.

1 SAMUEL 13:4

Chun, Israel te chengcheng chun Saul in Philistia sepaihte a do hi tih leh Israel te chu Philistia te’n a mudah ui tih thu haw chu a hun he tau a. Khutichun, mipite chu Gilgal a Saul kawmah sapkhawm ahiu a.

THIEMPUDANTE 20:11

Chuleh mi, a pa zi kuolpih ta chun, a pa sumuolpho ahi a, a numei leh amah chuh thah ngêi ngêi ding ahiu ui. A thisan mawh chu a mau chunga chuh um ding ahi.

THILSIEMBUL 38:16

Tichun, lamsîk a numei lam chuh a va zuon a, “Hung tie, lungsiet takin kipawl hiti,” a ti a: a monu khah ahi tih a he puoh ngâl a. Chun, amah chun, “Nei pawl theihna dingin, bang nei pie die leh?” a ti a.

THILSIEMBUL 35:22

Israel chuh zie gama chuh a um lai in, Reuben in a pa mei Bilhah chuh a va kuolpih a: Israel in zie chuh a zata a Chun. Jakob chapate chuh sawmlenih ahiu a.

THILSIEMBUL 34:30

Chun, Jakob in Simeon leh Levi kawm achun, “Nang un zie gama um haw lak ahin Kanaan haw leh Periz te hawt in nei siem u a, nei sulungkham mah mah ui tawmcha ka hih ziekin ei do dingin hung kikhawm khawm untin, ei that mai ding ahiu hi; tichun sukmangthai a um ding ka hi, kei leh ka inkawte hi tawh,” a ti a.

THILSIEMBUL 6:4

Zielai chun Nephilim te chuh lei ahin a um u a; zie nung chun le Pathien chapate’n mihiem chanute chuh a kivawppih u a, amau haw a cha a neih sek lai u khan le a um u a: ziehaw chuh malaia mihat, mi minthang haw kha a hiu hi.

2 SAMUEL 16:20

Khutichun Absalom in Ahithophel kawmah, “Bang I bawl ding u na ngaihdan gen tie” a ti a.

2 SAMUEL 17:7

Chun, Hushai chun Absalom kawmah, “Tu chunga Ahithophel lemguot hi a phalo ahi,” a ti a.

2 SAMUEL 10:6

Chun, Amon suonte chun David lungnatna a hih kha tau hi tih a hung kihet phet un, Beth-rehon a Suria te leh Zobah a Suria te, sepaih singnih leh, leng Maakah sepaih sangkhat tawh, Tob mite singkhat leh sangnih tawh a thuthak u a, a guoi tau a.

2 SAMUEL 13:5

Chun, Jonadab chun a kawmah, “Na zâlkhun ah kuol zing inla, kidamloh sak inla; chun, na pa’n a hung et tieng leh a kawmah, ‘Lungsiet takin ka suohpihnu Tamar chu ka kawmah hung henla, chun, ka mitmuh ngêi in nek ding ei hun pie henla, a khut apat ngêi in a na ne’ng ka,’ a na ti’n,” a ti a.

1 LENGTE 11:25

Hadad sukgimtheihna behlap in Solomon damsung cheng, Israel te melma a na hizing him a; Israel te a mudah mah mah a, Suria gamsung ah vai a hâwm a.