2 SAMUEL 15:2 - PATHIEN LEKHABU THIENGTHO (BSI)

² Chun, Absalom chu zingkal matak in a tho a, kulh kawtkhak lampi achun a na ding sek a; leng kawma thukhawk hun gen guo taphawtte chu a na sama, “Kuo khuo a um na hi?” a na ti zel sek a. Chun, Na suok hi Israel laka nam khat ka hi a ti zel sek u a.

2 SAMUEL 15:2 ပူးပေါင်းရင်းမြစ်များ

MATTHAI 27:1

Chun, zingkal a hung hih phetin, thiempu liente leh vantâng upa chengcheng chuh Isu thahna ding chungchâng thu ah a kiho u a.

THUCHINGTE 4:16

Thil pawi a khawih loh u chun a ipmu thei puoh ngâl u a, mi kuo ahim a suknat loh u chun a ipmu thei puou hi.

JOB LEHKHABU THE BOOK OF JOB 24:14

Gimthei leh tasamte chuh that dingin, tuolthatte chuh phalvak in a tho u a, Zan leh gucha guolin a gu zel u a.

2 SAMUEL 19:8

Khutichun leng chu a kipan a, kulh kawtkhak achun a chu a. “Ngaitiem u, leng chu kulh kawtkhak achun a chûi,” ti’n mipi chengcheng chu a hilh u a: chun, mipi chengcheng chu leng masang achun a va chieh tau a.

RUTH 4:1

Tichun, Boaz chuh khawpi kulh kawtkhak achun a va chieh to a, zie tak achun a chu a, chun, ngaitie, a gam ngak ding uh, Boaz in a gen kha a hunga, Boaz in a kawmah, “E! nang khah, hung phei inla, hung chu tie,” a ti a. Chun, amah chuh a hung phei a, a hung chu ta a.

PAWTDAWKNA 18:26

Ziehaw chun bangtik lai inle mipite chuh vai a hawmsak sek u a; thu lien deuh phawt chuh Mosi kawmah a tut sek u a, thu neu them haw vang chuh amau leh amau a kivaihawm sek ui.

PAWTDAWKNA 18:16

Thubuoi bang ahim a neih u chun ka kawm ahin a hung sek u a; tichun ken aban banin a thuu chuh ka na tan sak sek a, chun, Pathien lemguot leh a dante chuh ka na hetsak sek ahi,” a ti a.

PAWTDAWKNA 18:14

Chun, Mosi puzawn Jethro chun, khutia mipite a dinga Mosi thil hihdan haw cheng chuh a muhin, “Mipite na nasep sak dân hi bangti ahi ta? Bangati a nang mai hi chu zing a, zingkal akipat nitâk chan a mipi chengcheng hi na masanga a ding zing ahiu hi?” a ti a.

THILSIEMBUL 34:20

Hamor leh a pa Sekem chun a khuou kulh kawtkhak chuh a tung u a, khuo a mite chuh a hopih u a.

DAN NIHNA 17:8

Thisan suohna chi chuom chuom, neihlelam kichuhna thubuoi leh kikhettuohna thu khenkhat, na khaw sung u a kinielkalhna ting, nang u dinga khen haksa taluo a um tieng leh, Lalpa na Pathien un mun a guot ding achun chieh unla;

2 KHANGTHUBU 10:7

Amau chun a kawmah, “Zie mipite hi na lungsiet a, na suk kipâk a, a kawm u a thu phatak te na gen chun kumkhuo’n na mite hin au,” ti’n a gen u a.

DANIEL 11:21

Chun, amah mun achun gam muhsit um tak, gam limbawlna a piek loh chu hung dingdawk in tin, paukam thiem in lalgam chuh chang ina.