2 SAMUEL 14:6 - PATHIEN LEKHABU THIENGTHO (BSI)

⁶ Na suok nu hin chapa nih a nei a, a nih u chun lo ah a kisuol u a, kuomah a phelh ding umlo in, khat chun khat chu a zêpa, a that ta a.

2 SAMUEL 14:6 ပူးပေါင်းရင်းမြစ်များ

PAWTDAWKNA 2:13

Chun, a zing chun a va chieh kit a, Hebrai mi nih a na kisuol u a; chun a thiemlo zawpa kawm achun, “Bangati a na guolpa na zêp ahim?” a ti a.

THILSIEMBUL 4:8

Chun, Kain in anau Abel kawmah, “Lo ah chieh hiti,” a ti a. Tichun, lo a a umlai u chun Kain chun anau Abel chuh a suol a, a that ta a.

2 SAMUEL 14:5

Lengpa chun a kawmah, “Bangti zie ahi tam le?” a ti a. Chun amah chun a dâwng a, “Meithai ka hi a, ka pasal chu a thi ta a.

2 SAMUEL 14:7

Chun, ngaitie, a inkawte chengcheng chun na suoknu hi ei kilanpih tau a, ‘A suohpihpa thatpa chu a suohpihpa a thah zieka ka thah thuk theihna dingun ei pieu in, tichun goluoh ding le hih mangthai ngâl ing kau,’ a tiu a: khutibang chu a hih u chun chapa beiin ei kawih untin, ka pasal chu min neilo in leh lei chunga suon himhim nei lo a um mai ding ahi,” a ti a.

2 SAMUEL 13:28

Chun, Absalom chun a suokte chu, “Ngaitiem u, Amnon chu uain dawna a lunggil a tai lai leh na kawm u ah, ‘Amnon chu that un,’ ka hun tih chun, that zieng unla, lau kiu in, thu ka hun piek uh hita lo ahim? Kihih hangsan unla, kipasalphat sak un,” ti’n thu a pie a.

2 SAMUEL 13:29

Khutichun, Absalom suokte chun Amnon chungah Absalom in thu a piek bang chun a hih tau a. Khutichun leng chapate chengcheng chu a kipan u a, a sabiltung chunghawu ah a chu chiet u a, a taimang tau a.