2 SAMUEL 14:25 - PATHIEN LEKHABU THIENGTHO (BSI)

²⁵ Israel te chengcheng lak ah Absalom tawbanga melhawih leh pahchak lawh kuomah a um puou a: a keng mawng apat in a sip tiengin dem umna himhim a um puoh a.

2 SAMUEL 14:25 ပူးပေါင်းရင်းမြစ်များ

ISAI 1:6

Kengtaw apat in lusip tiengin damna mawng mawng a um puoh a; liem na mate, zêp thidupna te, meima nai khuot ngen ahi. Ziehaw chuh a mêk dawk puou a, tuom le a tuom puou a, thau le a nuh diek puou hi.

JOB LEHKHABU THE BOOK OF JOB 2:7

Khutichun Setan chuh Lalpa masanga pat in a chiehdawk a, Job chuh a kêngpêk a pat in a lusip tiengin meimasie a vei sak tai.

DAN NIHNA 28:35

Lalpa’n na khûp hawu na keng hawu ah uilut na chi sukdam theih loh hun vei sak ina, na kengtawu apat na lusip chan un.

EPHESI 5:27

Chun, amah kawm mawng a chuh sapchuomte chuh, thiengtho tak, hawihtak leh demkailo buok beklo a leh, tinlahna dang him nei lo a a kipiek theihna dingun zie chuh a hih ahi.

MATTHAI 23:27

“Na chunguh a gik hi!” Danthuzikte leh Pharisai gukhahte haw, Thân nuh vam, pawlam hawih taka lang, a sunglam chula, mithi guh leh thil thanghuoi tin chenga dim guol chuh na hiu a puo!

THUCHINGTE 31:30

Deihsakna hi thepna ahi a. Mel hawihna hi bangmahlo ahi; himahlele numei Pathien kihcha chuh pahchak in um ina.

1 SAMUEL 16:7

Himahlele, Lalpa chun Samuel kawmah, “A mel ahim a sân lam ahim en ki’n la; amah hi chu ka deihloh ahi; Lalpa chun mihing et dân in a en puoh ngâla; mihing chun pawlam latdan a en sek a, himahleh, Lalpa chun chu lunggil a en zaw sek hi,” a ti a.

1 SAMUEL 9:2

Chun, amah chun chapa a nei a, a min chu Saul ahi a, tangval melhawih tak ahi a, Israel te lak ah amah sanga melhawih zaw himhim a um puou a: kuomah a liengko khel le a um puou hi.

DANIEL 1:4

amau chuh tanglak demna bei, melhawih tak, chitna tincheng a lemhe, hetna lama pilval, thilbul sutthiem, leng In a tawihdan thiem sinsak dingin,

1 LENGTE 1:6

A pa David chun bangtik lai inle, “Bang zieka zie tawbanga hi um na him?” ti’n a dawng in a sulungawi lo kha puoh a; amah hi mel hawih tak le ahi a, a nu’n Absalom zawh a a hin ahi.

EZEKIEL 23:15

Kawnggak gâk, dielkawp hawihtak kawp, Kaldai mite Babulon sakawl chung chuong sepaih hotute bangtak haw chuh a mu ta a.