2 SAMUEL 14:20 - PATHIEN LEKHABU THIENGTHO (BSI)

²⁰ thil umdan hih lamdang dingin zie thil haw hi na suok Joab chun a hih ahi: chun, ka pu chu khawvel a thil um chengcheng he thei in Pathien vânsâwlchâk bang mai in a ching ahi,” a ti a.

2 SAMUEL 14:20 ပူးပေါင်းရင်းမြစ်များ

2 SAMUEL 14:17

Khutichun na suoknu ding hin, lengpa ka pu thu chu lungmuon um tak hi henla: a sie apha na khen dingin lengpa ka pu chu Pathien vânsâwlchâk tawbang ahi ngâl a: Lalpa Pathien chu na kawmah um hen ka tii,” a ti a.

2 SAMUEL 19:27

Chun, lengpa ka pu kawma hin na suok hi a hêk a; himahlele lengpa ka pu chu Pathien vânsâwlchâk bang ahi a; zieziekchun pha na sak bang bangin hih in.

THUCHINGTE 29:5

A invengte pahchak lêm thawhte chun amah keng ngeia dinga lên thâng kizak ahi.

THUCHINGTE 26:28

Lei zuou thei chun amah sukliemte mah kha a mudah seka, pahchak lêmna kamsuok chun thil a hihsie sek hi.

2 SAMUEL 5:23

Chun, David in Lalpa a vak dawt kit leh amah chun, “Va chieh to ki’n; a nung lam u ah chieh huol inla, thingtheimi kung zawn haw akhun va do in.

THILSIEMBUL 3:5

Na nek niu apat chun na mit uh hung vak intin, asie leh apha he’n Pathien hung bang ding na hiu hi tih Pathien in a he a ahi chu!” a ti a.

1 SAMUEL 29:9

Chun, Akish chun a dâwng a, David kawmah, “Ka mitmuh in Pathien Angel bang hiela demna bei na hi tih ka hêi; ahih ziekin Philistia lengte hin, ‘Kidona ah I kawm u ah hung kihen,’ a hun tiu a.

2 SAMUEL 18:13

Ginumlo takin a na that hi ta bang leng (leng apat bangmah selguk theih ahi puoh ngâl a) nang chulah kigen-âwng hieu kit ding na hi ngâla,” a ti a.

2 SAMUEL 19:28

A pa inkawte chengcheng chu lengpa ka pu ma achun thah vek dinga kilawm ahi him u a; mahleh na suok hi na ankuong umpihte lak ah na telsak a. Zieziekchun leng kawm ahin thil dang nget beh ngam ka hi na laia ahim?” a ti a.