2 SAMUEL 14:14 - PATHIEN LEKHABU THIENGTHO (BSI)

¹⁴ Ka bawn u a ka thih ngêi dinguh ahi tai, tuisik tuola kibuo luok kit theih loh tawbang ka hiu a; Pathien in kuomah zah chuom a nei puoh a; himahleh leng chun mi gâltai chu bangti ahim a sapkitna ding lampi ngaihtuoh thei ding ahi.

2 SAMUEL 14:14 ပူးပေါင်းရင်းမြစ်များ

JOB LEHKHABU THE BOOK OF JOB 30:23

Ahi, thihna ei hun tun sak inla tih la ka he ngâl a, Mi cheng chenga dinga In na guot achun.

HEBRAI 9:27

Chun, mihiem a dingin khatvei thih guot ahi a, zie nung chuleh vaihawm na um ding ahi.

KISIMNA 35:28

Thiempu lien a thih ma cheng chuh mithatpa chuh bitna khawpi a chuh a um zing ding ahih ziekin; thiempu a thih nung le vang chuh tuolthatpa chuh a umna gama a chieh kit ding ahi.

JOB LEHKHABU THE BOOK OF JOB 34:15

Phehlevo cheng tawh beimang khawm untin, Mihing chuh leivui suok kit ding ahi ngâl a.

KISIMNA 35:25

Chun, kipunkhawmte chun tuolthatpa chuh thisan phubalapa apat chun hukdawk untin, kikhawmkhawmte chun a taihlutna, bitna khawpi achun umsak kit untin, sathau thiengtho kinuh thiempu lien a thih ma cheng chun zie tak a chuh a um ding ahi.

KISIMNA 35:15

Zie khawpi gupte chuh Israel chate hileh gamdang mi hileh kihumbitna khawpi hi’n a. Kuole mi tawngpalh a mi thatte chuh a lak a khat pên pên ahin a taihlut dinguh ahi.

THUGENPA 9:5

Ahi, mihing chun thi tei ding ahi tih a kihe a, himahleh, mithi chun bangmah a he puoh a. Kipahman muh ding le a nei diek ta puou a; hetzing le ahi diek ta puou hi.

SAM LEHKHABU THE PSALMS 22:14

Tui tawbanga buokthâk in ka um a, Ka guh chengcheng le kisupel in a um a: Ka lunggil hi khuoilu thaumei bang a hi a; Ka gil lak a hin a tui zo tai.

JOB LEHKHABU THE BOOK OF JOB 14:14

Mi chuh a thih tâk chun, a hing kit dinga ahim? Ka nasep sung cheng chun ngak ing ka ting, zie buoina hun sung hi a beih macheng in.

ROME 2:11

Pathien in mi deihsak chuom a nei puoh ngâl a.

MATTHAI 22:16

Tichun, a sinsakteu, Herod lawi a mite tawh a kawmah a sawl u a, ziete chun, “Sinsakpa, mi diktat na hi a, hilh tak zetin Pathien lampi thu na hilh sek a; kuomah hugin chuom le na nei puoi tih ka heu hi, kuomah maizah chuom le na nei diek puoi.

SAM LEHKHABU THE PSALMS 90:10

Ka damlai uh kum haw chuh kum sawmsagih ahi a, Hatna ziekin kum sawmgiet le ahi thei a; Himahlele a sawt na chuh sepgimna leh lungkhamna mai ahi; A bei pai a kei haw le ka leng mang zel sek ui.

SAM LEHKHABU THE PSALMS 90:3

Nang chun mihiem hi leivui ah na vaihkit sak seka; “Mihiem chate haw, vaikit un,” na ti seka.

SAM LEHKHABU THE PSALMS 79:3

A thisan u chuh Jerusalem vela tui bangin a buothau a; Amau haw vui ding chu lah kuomah a um puou a.

SAM LEHKHABU THE PSALMS 58:7

Amau haw chuh tui hattak a luong bangin tuimang u hen la; A thal a a dawih tieng leh, hampa guol a sat bul in um zel u hen.

JOB LEHKHABU THE BOOK OF JOB 34:19

Mi lalte chunga langkaih lo kuo a um? Mi hausate sanga mi gimtheite bawlpha zaw kuo a um? A bawn un a khutsuok ahi ngâl u a.

2 SAMUEL 11:25

Khutichun David chun a mi sawlpa kawm achun, “Joab kawm achun hiti hin va gen in, ‘Zie thu hin na lung sukie diek kihen, chemzâm chun kuomah a khendang puoh ngâl a, nasa zaw sem in khuo chu do unla, hihsieu in,’ ti’n, tîl in” a ti a.

DAN NIHNA 10:17

Lalpa na Pathien u hi pathiente Pathien, lalpa te Lalpa, Pathien lopi tak, hât tak, tizat-um tak, deihsak chuom neilo leh gawlhgukna le la khalo ahi ngâla,

THIEMPUDANTE 26:40

“Himahlele, Ka chunga a gitlohnau leh a manlohnau leh a pileputeu manlohna leh ei kalh lama a um ziek u a,

1 PETER 1:17

Chun, zah chuom nei lo a, mitin, a nasep bang chiet uh a ngaihtuoh sek pa chuh Pa na sak uh chun, zie leisiet a na châm sung chenguh hin le, zah zing zieng un.

NASEPTE 10:34

Tichun, Peter chun a gen pan a: “Pathien in mi, deihsak chuom a nei puoi tih, diktakin ka hêi.

PAWTDAWKNA 21:13

Himahleh, mi’n tup mawng hilo a, a thah guot hilo a, a tawngpalh khâk ahih chun, a taihlut na ding mun khat guotsak ing ka.

2 SAMUEL 14:15

Khutichun ka pu, leng kawma zie thu gen dinga ka hung hi le mi ka lauh ziek ahi a: na suoknu hin leng kawmah gen phawt leng, leng chun a suoknu ngetna chu a pitin sak kha mawh die ti ka hi.

1 LENGTE 11:39

David suonte chuh hih gimthei ding ka hi, amahvang chuh kumlekhuo’n vang hi puo’n a,” a tii, ti’n.

SAM LEHKHABU THE PSALMS 22:15

Ka tha hi leibel sie hal bangin a gaw zo ta a; Ka lei nasan le ka khadang ah a bek chak kêi a; Nang in thihna lei vui ahin nei kuol sak ta ngâla.

SAM LEHKHABU THE PSALMS 77:8

A lungsietna chu kumlekhuo a bei den ding ahi dem? A thutiem chu kumlekhuo a bei ding ahi die aw?

SUNNA LA 3:31

Lalpa chun kumlekhuo a ei paih tha ding ahi puoh ngâl a.

EZEKIEL 18:23

Migilo thihna ahin kipahna ka nei a ahim? A umdan te a kiheimangsan a, a hin leh nuomsa hizaw lo ka him?” Lalpa Pathien in a tii.