2 SAMUEL 13:3 - PATHIEN LEKHABU THIENGTHO (BSI)

³ Amahvang chuh Amnon chun zawl a nei a, a min chu Jonadab ahi, David suohpihpa Shammah chapa hi a: Jonadab chuh mi chitgukhah tak ahi a.

2 SAMUEL 13:3 ပူးပေါင်းရင်းမြစ်များ

THILSIEMBUL 3:1

Chun, Lalpa Pathien in ganhing a siem chengcheng lak achun gûl a gukhah pên a. Tichun amah chun numei kawm achun, “Pathien in, ‘Huon a thinggah mawngmawng hi na nek loh ding uh ahi,’ a ti maw?” a ti a.

THILSIEMBUL 38:1

Zielai chun hiti hi ahi a, Juda chun a suohpihte chuh nusieh in, Adullam khawpi a um, Hirah chuh a vabel ta a.

THILSIEMBUL 38:20

Juda chun a kitukkhapna chuh numei apat a chuh la dingin a guolpa Adullam mi khut achun kelno chuh a thak a; himahlele amah chun amahnu chuh a va mu zo puoh a.

2 SAMUEL 13:2

Tichun Amnon chun a suohpihnu Tamar chu hah deih mah mah a; a damloh lawh a a; amahnu chu nungak thiengtho ahi a, a chunga thil bang ahim vak hih chu amah a ding chun thil hithei lo ahi ngâl a.

2 SAMUEL 13:32

Chun, David suohpih Shammah chapa Jonadab chun a dâwng a, “Ka pu chun leng chapa tangval chengcheng chu a that suok kêi ui tih thuthang hi gingcha kihen; Amnon mai ahi a thi chuh; a suohpihnu Tamar a pawngbawl apat khan Absalom chun hitibang a hih hi a guot him ahi.

2 SAMUEL 13:4

Chun, a kawmah, “Aw, nang leng chapa, bang zieka ani ni a gawng deuh deuh zieng na hi? Nei hilh nuom dem?” a ti a. Chun, Amnon chun a kawmah, “Ka suohpihpa Absalom suohpihnu Tamar hi ka deihcha bêka ahi,” a ti a.

2 SAMUEL 14:2

Tichun Joab chun Tekoa khuo ah mi a sawl a, zie a numei pil khat chu a va puih sak a, a kawmah, “Lusûn bangin kisiem inla, lusûn puon silh inla, sathau le kinuh lo in numei sawttak apat mithi sun tawbang in um in:

2 SAMUEL 21:21

Chun, Israel mite chu a va cho a, David suohpih Shimei chapa Jonathan chun a na that a.

1 KHANGTHUBU 2:13

Chun, Jessai chun chapa sagih a nei a: a khatna chu Eliab, a nihna chu Abinadab, a thumna chu Shimea te ahiu hi.

1 KHANGTHUBU 27:32

Chun, David paneu, mi ching tak, lehkhazik mi tak Jonathan chu a lemguot sak pa a hi a, Hakmoni chapa Jehiel chu leng chapate sinsakpa ahi.

ESTHER 5:10

Himahleh, Haman chuh a kisûm hâm hâm a, In a tun phet chun, A guolte leh a zi Zeresh a sama.

ESTHER 5:14

Khutichun, a zi Zeresh leh a guolte chengcheng chun, “Tawng sawmnga a sangin khaihlupna siem sak inla; chun, Mordekai chuh khaihlup ding in zing leh leng hilh inla; guolvakna achun leng kawm achun kipâk takin chieh mai in,” a tiu a. Zie chuh Haman chun pha a sa a, khaihlupna chuh a siem sak ta a.

ESTHER 6:13

Tichun, Haman chun a zi Zeresh leh a guolte cheng kawm achun a chunga thil hung um dante cheng chuh a hilh ta a. Tichun a miching te leh a zi Zeresh chun a kawmah, “Na thil hihtheihna chuh Mordekai a chang pan a hi ta chuh, Juda mi a hi a, zo thei lo ding na hi. A mah chun hun zo ngêi ngêi ding a hi” a tiu a.

THUCHINGTE 19:6

Mi tam takin mi thilphal deihsakna hawl untin, mi tin chuh mi thilphalpa ding chun guolpha ahiu.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

1 KORINTH 3:19

Zie khawvel a chitna hi, Pathien ngaih in ngawlna ahi ngâl a. Pathien Lehkha thu’n: “Pathien in miching te chuh, amau haw chit gukhahna achun a awksak sek hi,” tih a gen guol khan;

JAKOB 3:15

Zie tawbang chitna chuh, chunglam apat a hung kipan a hi puoh a, khawvel leh, sapum utna leh thitha apat ahi zawi.

VAIHAWMTE 14:20

Himahlele, Samson zi chuh a kichên niu a a guol ding a a chiel, a lawipa kawma chun a na pie tau hi.

1 SAMUEL 16:11

Chun Samuel chun Jessai kawmah, “Zie hin na chapate a um kim kêi um?” a ti a. Amah chun, “A naupang pên a um nalaia, ngaitie, belam veng ahi,” a ti a. Chun, Samuel chun Jessai kawmah, “Va sap sak ah; a hung tun ma cheng ne theilo ding I hiu hi,” a ti a.

1 SAMUEL 16:9

Chun, Jessai chun Shammah a chieh sak kita. Chun, amah chun, “Amah hi le Lalpa tel pên chu ahi nai diek puoi,” a ti a.