2 SAMUEL 13:1 - PATHIEN LEKHABU THIENGTHO (BSI)

¹ Chun, David chapa Absalom chun suohpih numei melhawih tak a nei a, a min chu Tamar ahi. Chun, David chapa Amnon chun amahnu chu a deihcha a.

2 SAMUEL 13:1 ပူးပေါင်းရင်းမြစ်များ

THILSIEMBUL 29:18

Khutichun, Jakob chun Rachel chuh a lungsiet a, tichun, “Na chanu naupangzaw Rachel hi nei dingin kum sagih na na hun sepsak ing ka,” a ti a.

THILSIEMBUL 29:20

Tichun Jakob chun Rachel nei ding chun kum sagih na a sem ta a: himahlele, a lungsiet bêk ziekin ni sawtlo cha bang phetin a hêi.

THILSIEMBUL 34:3

Chun, a lungthim chuh Jakob chanu Dinah chung achun a um zing ta, a zie nungak chuh melhawih tak ahi tih a mu a, a lungsiet a, amah chuh paukam pha tak in a hopih a.

THILSIEMBUL 6:2

Pathien chapate chun mihiem chanute chuh melhawih takin a muu a; tichun a deih takphawt u chuh zi’n a nei tau a.

2 SAMUEL 11:2

Chun, hiti hi a hi a, nitâk ni nem chun a zâlkhun apat David a tho a, leng In chungah a va vak viel a: chun, In chung apat chun numei khat kisil lai chu a vak mu a; zie numei chu melhawih tak ahi a.

2 SAMUEL 13:15

Khutichun, Amnon chun nasa takin a haw kit ta zel a; a muhdahna chu a maa a hehpih laia a hehpihna sang khan a nasa zaw ta a. Tichun Amnon chun a kawmah, “Kipan inla, chieh mang kêi in,” a ti a.

2 SAMUEL 13:2

Tichun Amnon chun a suohpihnu Tamar chu hah deih mah mah a; a damloh lawh a a; amahnu chu nungak thiengtho ahi a, a chunga thil bang ahim vak hih chu amah a ding chun thil hithei lo ahi ngâl a.

2 SAMUEL 14:27

Chun, Absalom in chapa thum leh chanu khat a nei a, a chanu min chu Tamar ahi a, numei melhawih tak ahi.

1 LENGTE 11:1

Himahleh, leng Solomon in Pharaoh chanu mai hilo in, nam dang numei tamtak Moab te, Amon te, Edom te, Zidon te. Hit te numei haw a lungsiet a;

1 KHANGTHUBU 3:2

A thumna chu Absalom ahi a, a nu Maakah chu Geshur leng Talmai chanu ahi. A lina chu Adonijah ahi a, a nu chu Hagith ahi a, a ngana chu Shephatia ahi a, a nu chu Abital ahi a, a gupna chu Ithream ahi a, a nu chu Eglah ahi.

1 KHANGTHUBU 3:9

Chapa, ziehaw cheng bana hin, David in a meinu chu tawh chapa a nei a. Chanu Tamar kiti le a nei hi.

THUCHINGTE 31:30

Deihsakna hi thepna ahi a. Mel hawihna hi bangmahlo ahi; himahlele numei Pathien kihcha chuh pahchak in um ina.

THUCHINGTE 6:25

Na lunggil chun a hawihnau chuh utcha kihen la, a mitmei u chuh kimat sak diek ki’n.