2 SAMUEL 12:13 - PATHIEN LEKHABU THIENGTHO (BSI)

¹³ Chun, David chun Nathan kawmah, “Lalpa chungah thil ka hihkhiel tai,” a ti a. Chun, Nathan chun David kawmah, “Lalpa’n le na gitloh na chu a kawihmang tai; thi puo’n la.

2 SAMUEL 12:13 ပူးပေါင်းရင်းမြစ်များ

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

SAM LEHKHABU THE PSALMS 51:4

Na chungah, na chung maicha ah thil ka hihkhiel a, Na mitmuh in thil gilo chuh ka na hih ta a. Na thugen in thiem na chansak thei a, Vai na hawma demna bei na hih theih na’n.

2 SAMUEL 24:10

Himahlele, mi a sim zawh nung chun David lunggil chu ana mah mah mai ta a. Tichun Lalpa kawmah, “Zie tawbang thil ka na hih hi, gitlohna nasa tak hih kha ka na hi tai! Himahleh, tuhin Aw Lalpa lungsiet takin ei ngaidam in, ngawlhuoi takin thil ka na hih ahi tai!” a ti a

ZEKARIA 3:4

Chun, a masanga dingte chuh vânsâwlchâk chun a vak hopih a, “A silhlechen ni’n chuh suoh sak un,” ti’n. Chun, amah kawm achun, na manlohnate chuh ka hun sukmang sak ta a, tuhin, silhlechen thak takin hun van ing ka, a ti a.

LUKE 15:21

Chun, a chapa chun a kawmah, ‘Hepa, van mitmuh leh, nangmah mitmuh in thil ka hihkhiel ie! Na chapa a vawh hawi le ka hi ta puoi,’ a ti a.

1 SAMUEL 15:30

Khutichun amah chun, “Ka hihkhiel kêi tai: himahlele ka mipite upate leh Israel te ma a ei zahbawl dingin ka hun ngên hi; chun, Lalpa na Pathien ka ho theihna dingin ei vaihkit pih hâm in,” a ti a.

THIEMPUDANTE 20:10

Chun, kuole, mi zi tawh va zawlsai a, a invengte zi va zawlsaihpih chuh, a zawlsaipa leh a zawlsainu chuh suklup ngêi ngêi ding ahi.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

HEBRAI 9:26

Khuti hi kileh, khawvel kisiem a thak, vel tamtak a thuok ding ziekin. Himahlele, tulai hun tâwp ahin, gitloh lâkmangna dingin amah mawng kithawihna dinga hung kipie’n, khatvei a hung kilak a hi tai.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

NASEPTE 2:37

Chun, mipite chun zie thu haw chuh a zak phet un, a lunggil u chuh a kisun a hung bang ta a, Peter leh sawlchak dangte kawm achun, “Suohpihte, bang ka hih ta ding u leh?” a tiu a.

MATTHAI 14:10

Tichun, mi a sawl a, suongkul a Johan lu chuh a tan sak a.

SUNNA LA 3:32

Ei sulungkham mah leh, a lungsietna hauh dungzui in ei lungsiet nalai ding ahi.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

ISAI 43:24

Keia dingin gimlimte na chaw kha puou a, na kithawihnau gan thau in nei hih tai kha diek puou hi. Na gitlohnau ziekin puokgik nei puoksak zawu a, Na manlohnateu ziekin nei sulungkham zawu ahi.

ISAI 38:17

Ka gimtheihna chengcheng kha thamuonna a suok ta a, Lauh-umna apat in ka hinna na hukbit ta a, ka gitlohna chengcheng na ngaidam ta ngâl a.

THUCHINGTE 25:12

Mi hilhgaih thiem takin a ngaitha nuom kawma hilhgaihna a piek chuh; sana zungbuh leh dangkaguo phatak a kicheina tawbang ahi.

SAM LEHKHABU THE PSALMS 51:16

Kithawihna chungah kipahna na nei puoh ngâla; khuti hi kileh chuh pie’ng ka. Hâlmang kithawihna chungah lungkimna himhim na nei puoh a.

JOB LEHKHABU THE BOOK OF JOB 33:27

Tichun, mite masang achun la sa’n: “Ka gilo a, thil dik chuh ka na chiehmangsan ta a, Himahleh ei dinthuk puoh a.

2 KHANGTHUBU 25:16

A kawma thu a gen zing lai chun, Amaziah chun, “Lengpa vaihawm sak dingin ka hun siem u a ahim? Thip mai in; a hihloh leh hun that ding ka him?” a ti a. Tichun thiemgau chun, “Pathien in hiti bang a hi na hih ziek in leh ka lemguot na ngaihthak loh ziekin hun sukmangthai ding a ngaihtuoh hi tih ka hêi,” a ti a, a thip ta a.

2 KHANGTHUBU 16:10

Tichun, Asa chu thiemgau pa chunga chun a lungna a, suongkul ah a khum ta a, chun, Asa’n mi khenkhat a sugimthei na lai set a.

2 LENGTE 1:9

Ziephet chun, a milienpa khat, mi dang sawmnga tawh, Elija pui dingin a sawl ta a. Tichun, a kawmah a va chieh u a, tângsip a chu chuh a va muu a, “Nang Pathien mi, ‘leng in hung suk hen,’ a tii,” a tiu a.

1 LENGTE 22:8

Chun, Israel leng chun Jehoshaphat kawmah, “Lalpa ei uh a dinga ei dawt sak thei ding mi khat Imlah chapa Mikaiah vang a um kha uo. Himahleh, amah hi chu ka mudah chi tak ahi; ka chungchâng thu hi a sie lam chauh lo ngâl, a phalam himhim a gen ngei puoh ngâl a,” a ti a. Chun, Jehoshaphat chun, “Leng in khutibang chun gen kihen,” a ti a.

1 LENGTE 21:20

Chun, Ahab in Elijah kawmah, “Nei hung mudawk ta maw, ka melmapa?” a ti a. Elijah chun a dawng a, “Ka hun mu tai: Lalpa mit muh a thil phalo hih dinga na kizuok tâk ziekin.

1 LENGTE 13:4

Chun, hiti hi ahi a, Bethel a maichâm dem a kiko khum Pathien thu gen chu leng Jeroboam in a het phatin, maichâm apat chun a khut in a vak bân a, “Amah chu man un,” a ti a. Chun a vak batna khut chuh a hung zeng ta mai a, khutichun a khut chu a leh zuk kit thei ta puoh a.

1 SAMUEL 15:20

Chun, Saul chun Samuel kawmah, “Lalpa thu chu ka zui a, Lalpa ei sawlna lam achun ka chieh.a Amalek lengpa Agag ka hun mana, Amalek te chu ka nuoichimit kha la!

THIEMPUDANTE 24:17

“Kuole, tuolthat chuh amah le thah ngêi ngêi ding ahi.

LUKE 18:13

Himahleh, siehdawlpa chuh gamla tak ah a ding a, van lam ale dâk ngam lo in, ‘Pathien, kei migilo hi ei lungsiet ah,’” ti’n a âwm a kichup a kichup zaw ta a.

THILSIEMBUL 39:9

Zie In ahin kei sanga lienzaw kuomah a um puoh a; a zi na hih ziekin nang tihloh chuh kei dingin bangmah it a nei puoi: khutichun bangti’n a zie thil gilo tak hi bawl in Pathien chunga thil ka hihkhelh theih ding?” a ti a.

1 KHANGTHUBU 21:8

David in Pathien kawmah, “Zie ka thil na hih a hin nasa takin ka na gilo tai; himahlele na suok manlohna hi lungsiet takin ngaidam in. Ngawlhuoi takin ka na hih ahi tai,” a ti a.

SAM LEHKHABU THE PSALMS 103:12

Sak le thang a kigamlat bang in, I sukkhelhna teu eimau apat in a kawihmang kêi tai.

PAWTDAWKNA 9:27

Chun, Pharaoh chun Mosi leh Aron chuh a sap saka, a kawm u ah, “Tuchung hin vang thil ka hihkhiel tai; Lalpa chuh mi diktat ahi a, kei leh ka mite hi vang a diklo ka na hiu hi.

2 SAMUEL 24:17

Chun, David in vânsâwlchâk mi that chu a muhin Lalpa a hopih a, “Ngaitie, Kei hi ka hi a gilo chu, keimah hin diklo takin thil ka na hih ahi tai: himahleh, zie belamte hin bang ahim a hih uh? Na khut chun kei leh ka ka pa insung ei gawt zaw hen,” a ti a.

SAM LEHKHABU THE PSALMS 51:6

Ngaitie, sunggil lam ahin thutak na deih sek a; Zieziekchun, sunggil lam ahin chitna nei hetsak inla.