2 SAMUEL 11:8 - PATHIEN LEKHABU THIENGTHO (BSI)

⁸ Chun, David chun Uria kawmah, “Na In lam ah chieh inla, na kênghaw va sil in,” a ti a. Khutichun Uria chu leng In apat chun a pawt a, leng chun thilpiekte a delh zui sak a.

2 SAMUEL 11:8 ပူးပေါင်းရင်းမြစ်များ

THILSIEMBUL 18:4

Tui tawmchah hun chawih sak u hen la, na keng uh sil unla, thingbul nuoi ahin kichawl tadih unla,

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

LUKE 12:2

Lang lo dinga selguk bangmah a um puoh a, het loh dinga îm le bangmah a um diek puoi.

LUKE 7:44

Tichun, numei lam chuh a nga a, Simon kawm achun, “Zie numei hi na mu? Na In ah ka hunga, nangin ka keng silna ding tui nei pie puoh a; himahleh, amahnu hin a mitthi-tui in ka kêngpêk a hih chek a, a sam in a thiekhul kit hi.

ISAI 29:15

A lemguotteu Lalpa apat a thuk taka selte chung chuh a gik hi! A thilhih teu chuh a gûkin, kuomah muh loh dinga hih in, kuoma’n ei mu puoi ti’n a ngaihtuoh sek uh a.

SAM LEHKHABU THE PSALMS 55:21

A kam chuh nawituikhal bangin a nâl a, Himahleh, kidona lungthim a pu zing u a; a thugen u chuh sathau sangin a nâl zaw a, himahleh, chemzâm zuk dawk sa ahi ngâla.

SAM LEHKHABU THE PSALMS 44:21

Pathien in zie chuh mudawk lo ding maw? Amah chun lunggil a thuguk haw hi a hezing ngâla.

SAM LEHKHABU THE PSALMS 12:2

Mitin in a vengteu kawmah lepchieh thu mai a gen a gen sek u a; Kipahchak na lêm mûk leh lepbawlna lunggil pun thu a gen sek u a.

THILSIEMBUL 43:34

A chan ding dawl chiet u chuh Joseph dawhkân apat chun piekdawk ahiu a. Benjamin chan vang chuh adang cheng chengte chan sang chun a leh nga a tamin a siem saka; Tichun, amah chu tawh nekhawm dâwnkhawm in kipâk takin a um tau hi.

THILSIEMBUL 43:24

Amau haw chuh Joseph In sung ah a puilut a, tui a pie a, a keng uh a sil tau a; a sabiltung hawu chule an a pie a.

THILSIEMBUL 19:2

A kawm u achun, “Pute haw, lungsiet takin na suok pau In ahin hunglut un, na keng uh sil unla, tichun, zingkal mataka tho in chieh zawm zel na’n lau” a ti a.Himahlele, amau chun, “Hilo e, khawlai ahin giek zaw’ng kau,” a tiu a.