2 SAMUEL 10:18 - PATHIEN LEKHABU THIENGTHO (BSI)

¹⁸ Chun, Suria mite chuh Israel te ma achun a taisie tau a; chun, David chun Suria mi kangtalai zasagih chunga chuong leh sakawl chung chuong mi singli a that a, a sepaih lawiupa Shobak le a that a, zie tak achun a thi ta a.

2 SAMUEL 10:18 ပူးပေါင်းရင်းမြစ်များ

1 KHANGTHUBU 19:18

Tichun, Suria mite chu Israel te masang achun a taisie tau a; David leh a sepaihte chun Suria mite, kangtalai sangsagih chunga chuleh, sepaih singli a that u a, Suria te sepaih lawiupa Shabak le a that u a.

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

SAM LEHKHABU THE PSALMS 18:38

A thawhkit theih loh na ding un sat liem ing ka ting: Ka keng nuoi ahin puk un au.

2 SAMUEL 8:4

Tichun David chun a sakawl chung chu mi sangkhat leh zasagih leh sepaih singnih a lâksak a: chun David chun kangtalai kai sakawl chengcheng chu a zagui uh a sattan sak a, kangtalai zakhat kai ding vang chu a hing hawih a.

VAIHAWMTE 5:26

A khut in thikzum a chawi a; A changlam in nasem mi sek a chawi a, Chun, sek chun Sisera chuh a khên a, a luchang a khên let a; Ahi, a ngeiphe a a kilhden lai chun,

VAIHAWMTE 4:22

Chun, ngaitie, Barak in Sisera a hun delhzui chuh kituok pih dingin Jael chuh a va pawt a, a kawmah, “Hung tie, na mi delh pa chuh hun etsak ing ka,” a ti a. Tichun, a kawmah a va chieh a, ngaitie, Sisera chuh a thi sa’n a na um ta a, puon-In kilhna chuh a chalpânga kiphut zing kawm chun

VAIHAWMTE 4:2

Tichun, Lalpa’n amau chuh Hazor a vaihawm, Kanaan lengpa Jabin khut ah a pie dawk ta a; a sepaih hotu chuh Sisera ahi a, Jentel gam Haroseth muna cheng ahi.

2 SAMUEL 10:17

Chun, zie chu David a hilh u a; amah chun Israel mite chengcheng a samkhawm a, Jordan lui a galkai u a Helam achun a hung u a. Chun, Suria mite chun David do dingin panmun a na siem u a, a na do tau a.

1 LENGTE 11:24

Chun, David in Zobah khuo a mi a thah khan amah chun a kawma mite a kaikhawm a, sepaih lawiupa’n a hung pang ta a; chun, Damaska khuo ah a chieh u a, zie tak achun a um u a, Damaska khuo achun leng in a chu ta a.

SAM LEHKHABU THE PSALMS 68:2

Meikhu hi tawhmang a a um bangin, amau haw chu tawkmang in: Khuoilu mei lum a a tuithak guol in, Minunsiete chu Pathien masangah tui mang u hen.