2 SAMUEL 10:12 - PATHIEN LEKHABU THIENGTHO (BSI)

¹² Hangtakin um unla, I miteu leh I Pathien khawpiu huk in kimek tak hitiu; chun Lalpa phasak bang zelin hi hen,” a ti a.

2 SAMUEL 10:12 ပူးပေါင်းရင်းမြစ်များ

1 KORINTH 16:13

Kiveng unla, taksanna achun ding det unla; hangsan takin um unla, hât takin um un.

DAN NIHNA 31:6

Hattak leh hangsan takin um unla, huphulh kiu inla, amau chule lau hiel kiu in; a hun kitawnpih zing chuh Lalpa na Pathien uh ahi ngâla; hun nusieh ngei puo’n tin, hun thahtham ngei puo’n a,” a ti a.

1 SAMUEL 3:18

Chun, Samuel chun bangkim a hilh suok kêi a, a kawm achun bangmah îm a nei puoh a. Tichun, amah chun, “Lalpa ahi a, pha a sak dân dân in hih hen,” a ti a.

HEBRAI 13:6

Khutichun, hangsan takin, “Lalpa chuh ei panpihpa ahi a, lau puo’ng ka; Mihiem in banga ei lawh theih dinguh?” I ti sek ui.

NEHEMIA 4:14

Chun, ka kipana ka vak en viela, milien leh vaihawmte leh mipi dangte kawm achun, “Amau haw chuh kihcha kiu inla, Lalpa lopi leh lauh-um chuh hezing un la, na suohpih teu, na chapa teu leh na chanu teu a dingin galdo un; na ziteu leh na In leh loteu a dingin tawh,” a ti a.

1 SAMUEL 4:9

Aw, nang haw Philistia te haw, na suok u a aum guol u a khah Hebraite suok a na umloh na ding un hattak in um unla, kisupasal unla; kisupasal unla, do zel un,” a tiu a.

VAIHAWMTE 10:15

Chun, Israel chate chun Lalpa kawmah, “Thil ka na hihkhiel tau hi; pha na sak bang in ka chung u ah hih mai in; ahi’n, tuni hin chuh lungsiet tak in kei uh ei hun hukdawk tei in,” a tiu a.

1 KHANGTHUBU 19:13

Hangsan takin pang inla, hât takin um in, I mite leh Pathien khawpi humbitna dingin theihtawp in pang hitiu; Lalpa’n pha a sak bang bangin a chung achun hih hen,” a ti a.

JOB LEHKHABU THE BOOK OF JOB 1:21

“Ka nu sûl apat in sangawn in ka hung pawt a, sangawn mah a vaikit ding ka hi hi; Lalpa’n a pie a, Lalpa’n a la kit tai; Lalpa min chuh pahchak in um hen,” a ti a.

1 SAMUEL 17:32

Chun, David chun Saul kawmah, “Amah ziek hin kuomah lungkie kiu hen; na suok hi chieh intin zie Philistia pa chu va do ina,” a ti a.

1 SAMUEL 14:12

Chun, gâlveng sepaih panmun a umte chun Jonathan leh a gâlvan chawipa chuh, “Ka kawm u ah hung to unla, thil khat hun na etsak ing kau,” ti’n a na gal sap u a. Chun, Jonathan chun a gâlvan chawipa kawm achun, “Ei hun zui to ah; Lalpa’n amau khu Israel te khuta a piek ahi tai” a ti a.

1 SAMUEL 14:6

Chun, Jonathan chun a gâlvan chawipa kawm achun, “Hung tie, zektan loh haw sepaihte umna akhun va chieh dii ti; Lalpa’n ei dingin thil a hih mawh die; atam ahim atawm ahim manga hukdam dingin Lalpa chu bangmah cha’n a dal thei puoh ngâla,” a ti a.

JOSHUA 1:18

Kuole na thupiek chunga kiphin a, thu na piek taphawt zawp nuom lo chuh suklup ding hi’n au. Hattak leh hangsan takin um phawt mai in,” ti’n a dâwng u a.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

KISIMNA 13:20

Chun, a gam chuh gam hausa ahim, gam chagah ahim, chun, a gam achun thing a kek em keklo tih te va enthau unla. Hangsan takin um unla, zie gam a theigah haw chuh hun puou un,” a ti a. Zie hun chuh Grep gah masate min hun lai tak ahi a.

2 KHANGTHUBU 32:7

“Dettak leh muong takin um unla, Asuria lengte chu lau kiu inla, a sepaih hun puihte chu kihcha diek kiu in. Eihaw lam a pang chu amau haw lama pang sangin a hatzaw ahi.

HEBRAI 11:33

Ziete haw chun Taksanna ziekin gam bang a lau a. diktat takin thil a hih uh a, thutiem haw chuh a chang u a, sakeibaknei kha haw le a sukchih sak uh a.

2 SAMUEL 10:11

“Suria mite chu ka zawh loh chun nangin nei panpih inla, chun, nangin Amon suonte na zawh loh chun ken hun panpih ing ka.

DAN NIHNA 31:7

Chun, Mosi’n Joshua chuh a sama, Israel mite chengcheng muhna ah a kawmah, “Hattak leh hangsan takin um in, Lalpa’n a pileputeu kawma kihâksiela piek dinga ana tiem gama chuh zie mipite hi tawh chieh ding na hi a, chun, zie gam chuh na luoh sak ding ahi.

2 SAMUEL 15:26

amahvang chuh, ‘Na chungah kipahna him ka nei puoi,’ a tih chun ngaitie hiti mai hi ka hi a, pha a sak bang bangin ka chung ahin hih mai hen,” a ti a.

NEHEMIA 4:8

Tichun, Jerusalem hun do a sukbuoi guo’n a bawn un a kihogu tau a.

ESTHER 4:16

“Chieh inla, Judate chengcheng chuh Susan achun samkhawm in; an ngawl unla, kei a dingin paucham unla, Ni thum leh zan thum chuh an ne kiu inla, tui le dâwn diek kiu in. Kei leh ka suok nungakte hin le tawbang chun hih ung kau. Dan lo guolin leng kawmah lut ing ka ting, chun, ka thih leh ka thih himai ina,” a ti a.