2 SAMUEL 1:16 - PATHIEN LEKHABU THIENGTHO (BSI)

¹⁶ Chun, David chun a kawmah, “Na thisan mawh chu nangmah lu chung ngêi ah um hen; nangmah kam ngêi in, ‘Lalpa thaunuh chu ka that hi,’ ti’n na phuong ngâl a,” a ti a.

2 SAMUEL 1:16 ပူးပေါင်းရင်းမြစ်များ

MATTHAI 27:25

Tichun, mipi chengcheng chun, “A thisan mawh chuh keihaw leh ka chateu chungah um hen,” ti’n a dâwng uh a.

LUKE 19:22

Chun, amah chun a kawmah, ‘Suok gilo! nangmah kamsuok ngêi apat in mawh hun chan sak ding ka hi! migilo tak ka hi tih na he a, keia lo pi le ka la sek a, ka tuh loh pile ka ât sek hi.

THIEMPUDANTE 20:9

Kuole, a nu ahim a pa ahim hansie lawh ta chuh thah ngêi ngêi ding ahi; a nu ahim a pa ahim a gensiet zieka chuh, a thisan mawh chuh a kipuok ding ahi.

ROME 3:19

Khutichun, Dan in thil bang hitaleh a gen ta chuh, kam tin cheng a thip theihna ding leh khawvel pumpi Pathien masanga thiemloh a chan theihna dingin Dan thu thu a umte kawma a gen ahi tih I heu hi.

THUCHINGTE 6:2

Nangmah thugen ngeia mata um na hi a, na kama thutiem ngêi in ahun mat na hi.

1 LENGTE 2:37

Na pawtdawk ni, Kidron lui na kân ni chu na thih ni ahi ding ahi tih he’n, na thisan chu nangmah lu chung ngêi ah um in a,” a ti a.

2 SAMUEL 1:10

Khutichun a kieng achun ka ding a, khutia a pukthak hiel phat chun dam dawk zo diek dinga ka het loh ziekin ka that ta mai a, a luchang a a lallukhuk leh a bana bânbuh chu ka la a, ka pu kawmah, zie tak ahin ka hun chawi hi,” a ti a.

1 SAMUEL 26:9

Chun, David chun Abishai kawm achun, “Sumangthai kih, Lalpa thaunuh chunga khut tha kuo a thiemchang thei ding?” a ti a.

JOSHUA 2:19

Chun, hiti hi hi’n tin, kuole na kawtkhak apat khawlai a pawt tapoh chuh amah thiemlohna mawh chuh kipuok intin, keihaw vang thiemloh changin um puo’ng kau; kuo’n le insung a na kawma um tapohte chung a khut a thâk u chun, kei uh mawhpuok hi’n a.

NASEPTE 20:26

Zieziekchun, mi chengcheng thisan ah ka thieng hi tih, tuni hin ka hun hetsak na hiu hi.

EZEKIEL 33:5

Pêngkun git a heta a khawksak loh zieka chuh a thisan mawh chuh ama’n a puok zing ding ahi. Himahleh, ana khawk sak leh chu vang a hinna humbit ina.

EZEKIEL 18:13

A pung delha a palâk saka, a pung a lak chun, a hing na dem? Hing hiel puo’n a! Zie thil tenum haw a khawi hile a hih chun a thih ngêi ngêi ding ahi. Amah thisan mawh chuh a puok ding ahi.

JOB LEHKHABU THE BOOK OF JOB 15:6

Kei, hilo in, nangmah paukam ngêi in a hun thiemmawh na hi, Ahi, na mûk ngêi in a hun hêk na hi.

VAIHAWMTE 9:24

Zie chuh Gideon chapa sawm sagihte a thah ziek u a a chung u a phuba lâkna a hung tun theih na ding leh, amau haw that pa, a suohpih pau Abimelek chung leh, a suohpih te that dinga a khut uh a na hih hât sak Sekem te chunga thiemlohna a um theih na dinga hung um ahi.

DAN NIHNA 19:10

Lalpa’n luoh dinga a hun piek na gamsung u a chuh sukkhelh na neilote thisan suoh ahih loh a, thisan suoh thiemloh channa na chung uh a a um lohna dingin.

THIEMPUDANTE 20:27

“Kuole, pasal hileh numei hileh, thitha aisânthiem dawng taphawt chuh suklup ding ahi a; a thisan mawh u chuh a chung u a um ina, le tikit ah,” ti’n.

THIEMPUDANTE 20:16

Chun, numei in gancha ava naih a a kipawl sak chun, numei chuh na suklup dinguh ahi a, gancha chule suklup ngêi ding ahi; a thisan mawh u chuh a kipuok dinguh ahi.

NASEPTE 18:6

Himahlele, a dodal u a, a gensiet phet un, Paul in a puon a thing a, a kawm u ah, “Na thihna mawh u chuh nangmau in kipuok un; kei vang ka thieng hi; tu a kipat Jentel te kawmah chieh ta’ng ka,” a ti a.

2 SAMUEL 16:8

tamtak na tuolthih sak ta a; Saul inkawte thisan chu Lalpa’n na chungah a hun lehkit sak ta a; Lalpa chun gam chu na chapa Absalom a na pie ta a; ngaitie thisan suoh chîng mi na hih ziekin nangmah a dinga vangsietna na kihihdawk ahi tai,” a ti a.

1 SAMUEL 25:39

Chun, David in Nabal chu a thii tih a het phet chun, “Nabal ei muhsitna phuba ei lak saka, a suok thil phalo lak apat ei vengbit Lalpa chu pahchak in um hen; Nabal thil phalo bawl chu Lalpa’n amah chung mah ah a chuk sak ta ahi,” a ti a. Chun, David chun Abigail chu a zi dinga va hopih dingin mi a sawl a.