2 PETER 3:7 - PATHIEN LEKHABU THIENGTHO (BSI)

⁷ Himahlele, tu a van leh leisiet umte hi, zie Pathien thupiek mah chun, meia sukmangthai dinga sit a hi tai. Pathien khawksalo mite chunga vaihawmna ni leh, sukmangthai ni a dinga sît a um a hi tai.

2 PETER 3:7 ပူးပေါင်းရင်းမြစ်များ

SAM LEHKHABU THE PSALMS 102:26

Ziehaw chuh hung beimang intin, nang vang chuh um zing inla: Ahi, ziehaw chengcheng chuh silhlechen bangin hung chul untin; Silhlechen bang in theng in na tin, hung zatchuom tan au.

SAM LEHKHABU THE PSALMS 50:3

I Pathien u chu hung intin khaw ngai zing puo’n a: A masang achun katum sek mei a um a, A kimvel achun huihpi nasatak nung ina.

ISAI 51:6

Chunglam akhun na mit hak to unla; chun, nuoi lama lei chuh en un! Vante khu meikhu guolin hung beimang intin; lei chuh puon banga lui in sie’n tin, a sunga chêngte chuh tho bangin thi vek un au. Himahleh, ka hukdamna chuh kumlekhuo’n um intin; ka zawhna chun tawp ni nei puo’n a.

ISAI 66:15

Ngaitie, a lungnatna chuh thangtawm taka sungtha ding leh a hilhgaihna meikuong a sungtha dingin Lalpa chuh mei a hung ding ahi ngâla, a kangtalai haw chuh chinpei bang mai hi’n au.

DANIEL 7:9

Zie chuh ka et zing lai chun, lalchutphah hi a hung kidawh a. Kumlekhuo a hing zing mi khat hi lalchutphah laka khat achun a hung chu a. A silhlechente chuh vuk guolin a vam a, a sam chuh samul thieng tak bang ahi a. Mei kangtalai chunga a lalchutphah achun mei a ko dawk zawt zawt a,

ZEPHANIA 3:8

“Khawngai inla, namte mawh ka chansakna ni tieng chuh ngak hâm hâm in. Namte leh lenggamte chuh sam khawm a, ka lungnatna thilhih theihna hetsak dingin ka lungthim ka supuk ta a. Ka lungnatna mei chun khawvel pumpi hi katum vek ding ahi ngâl a.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

MATTHAI 10:15

Tihtakzet a ka hilh na hiu hi, thutan ni leh zie khuote sang chun Sodom leh Gomorra gam thuok ding chuh a dân um zaw’n a!

MATTHAI 11:22

Himahlele, ka hilh na hiu hi, thupi tan ni leh Tura leh Sidon khuo thuok ding chuh a dân um zaw’n a.

MATTHAI 11:24

Himahlele, ka hilh na hiu hi, thupi tan ni leh nang thuok sang chun Sodom gam thuok ding chuh a dân um zaw’n a,” a ti a.

MATTHAI 12:36

“Chun, ka hilh na hiu hi, Min, thumanloh a gen chun, ziete chanchin mah chuh thupi kitan ni leh gen un au.

MATTHAI 24:35

Lei leh van bei in tin, ka thu vang chuh bei puo’n a.

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

MARK 6:11

Khutichun, kuole a hun na lawp lo ahim, na thuu ngaitha lo ahim chuh, zie apat chuh na pawt tieng u leh, amau haw hetsak masakna dingin, na kengtawu a leivui chuh tat thau in,” a ti a.

JOHAN 12:48

Kuole, ei deih lo a, ka thugente pawm nuom lo chuh, a chungthuu tan sak ding khat a nei ui. Ni tawp ni chu leh, ka thugente ngêi hin ahi, amau haw chungthu a hun tan ding chuh!

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

1 KORINTH 3:13

Mitin nasep chuh, Lalpa Ni a suklat ahih phat chuleh muhin um ina. Zie ni chu leh mitin nasep chuh mei in hun sulang ding ahi a; meia patep in um intin, a hihna tak chuh muhin um ta’n a.

PHILIPPI 1:28

Zie chuh amau haw dingin beimang ding a hih uh kilatna kichien tak a hi a, nang u dingin vang hukdam ding na hih uh hetsakna kichien tak a hi zawi; zie chule Pathien apat a um a hi ngâl a.

2 THESSALONIKA 2:3

Bang lama le kuomah thep in um kiu in. Puksietna chuh a hungtun masak zet a, Dan bawhsiepa, mangthai chapa chuh a hung kiphuon macheng chun, zie nikhuo chuh tung ding ahi puoh ngâl a.

1 TIMOTHE 6:9

Amahvang chuh, neihzawh guote chuh thepna a puk in, ngawlna tin cheng leh utna diklo tamtak thâng a chuh âwk in, ziehaw chun sietna leh manthaina achun a puilut sek hi.

HEBRAI 12:29

Aziek chuh, I Pathien uh hi mi kâktum nuom mei ahi ngâl a.

2 PETER 2:9

Khutichun, Lalpa chun amah khawksakte chuh thepna apat hukdawk dân leh, mi nunsiete chuh Vaihawm Ni a ding chun gawt kawma sit dân a hêi;

2 PETER 3:10

Himahlele, Lalpa Ni chuh gucha bangin hungtung tei ina. Zie Ni chu leh, vante chuh nasa taka gi’n mangthai in tin; van a thilte chuh katum in sukmangthai in um intin, chun, lei leh a sunga umte chengcheng hi hung bei vek ina.

2 PETER 3:12

Kinem leh hah nawpa nuom a na ngak lai uh hin, umdan thiengtho leh, Pathien khawksakna lam achun, bang tawbang mi na hi ding u leh? Zie Ni khuo a tun ziek chun, vante hung kang in, mangthai intin, thil bulte haw le meia hâltum in um ta’n au.

1 JOHAN 4:17

Vaihawmna Ni a dinga chuh lau lo a I um theihna dingun, hehpihna chuh eimau ah sukbukim in a um tai; zie chuh, zie khawvel a I hinnau hi, Krista a tawh kibang a hih tak zieka I neih dinguh ahi.

JUDA 1:7

Sodom leh Gomorra, a kimvel uh a khuote tawh, khutibang mah in, kideihchakna a kipumpiek in, nunsie taka a um tâk ziekun, kumsawt a meia gawtna thuok in, etsakna dinga tâk dawka a um bang uh khan.

THUPHUON 17:11

Sahang, khatvei hing a, hing talo khale a giet tinna a hi a, sagihte laka tel mah khale a hii; manthaina ah chieh ina.

THUPHUON 17:8

Sahang na muh khah khatvei khah a hing a, himahleh, a hing zawm ta puoi. chun, thampikuo-âwng apat in hung pawtdawk intin, manthaina ah chieh ina. Leia mihingte, khawvel kisiem tung apat Hinna Lehkhabu a min kizik lote chun. sahang chuh a muh tiengu leh maksa’n dim un au. Khatvei khah a hing a; tu’n a hing kit ta puoh a; himahleh hung kilang kit ding ahi ngâl a.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

THUPHUON 21:1

Chun, van thak leh lei thak ka mu a. Van masa leh lei masa chuh a mangthai ta a, tuisuohgiet le a um ta puoi.