2 PETER 3:2 - PATHIEN LEKHABU THIENGTHO (BSI)

² Malaia thiemgau thiengthote thu gen leh, Lalpa leh Hukdampa apat a thupiek, na sawlchakteu in a hun pieksawn uh khah na hetzing uh ka nawp a hii.

2 PETER 3:2 ပူးပေါင်းရင်းမြစ်များ

LUKE 1:70

Lei kisiem tûng apat thiemgau thiengthote kama a gen guol khan.

LUKE 24:27

Tichun, Isu chun, Mosi leh thiemgaute lehkha ah a pan a, Pathien lehkha thu a amah chanchin kizik chuh amau haw a hilh chien ta a.

LUKE 24:44

Ziephet chun, a kawm u ah, “Ziehaw hi, na kawm u a ka um lai ngeia ka thugen, Mosi dân ale, thiemgaute lehkhabu ale, Pahchakna Labu ale, ka chanchin kizikte cheng kha, hung guitung ding ahi, ka tih khah ahi,” a ti a.

NASEPTE 10:43

Kuole, amah gingcha ta, a min ziekin gitlohnate ngaihdam in um un au tih, thiemgau chengcheng in a chanchin a hetsak sek u khah,” a ti a.

NASEPTE 28:23

Khutichun, ni a tiem u a, zie ni chun Paul umna In achun mi tamtak a kikhawm u a; zingpi apat, nitâk lam tiengin, a kawm u ah zie thu chuh a hilhchien ta a, Pathien gam thu a hetsak a, chun, Mosi Dan Lehkhabu apat leh, Thiemgaute Lehkhabu apat ladawk in, Isu chanchin thu achun, amau haw chuh thuzawh a guo hâm a.

NASEPTE 3:18

Malai pek a kipatin, Pathien in a thiemgaute mang in, Krista’n dahum a thuok ding thu a na genlawk ta a, zie guol hin a hun tun sak ahi tai.

NASEPTE 3:21

Amahvang chuh, bangakai siemthak hun a tun masang sieh, amah chuh van a um tadih ding a hii, zie siemthak hun ding chuh Pathien in, malai pek a a thiemgau thiengthote manga a gen sa ahi tai.

GALATI 6:2

Na puokgik hawu chuh kidawntuoh un, khutichun, Krista Dan thu chuh zawp hi’n lau.

EPHESI 2:20

Krista Isu mawng chuh, a ning a suongphuh pawimawh pên ana hi’n, a chunga sawlchakte leh thiemgaute suongphuh chunga chuh sak na hiu hi.

EPHESI 3:5

Malai khan zie thuguk chuh mihiemte kawma gen ahi puoh a, himahlele, tuhin, Pathien in a sawlchak thiengthote leh thiemgaute kawm achun, thagau in a phuong dawk tai.

1 TIMOTHE 6:14

I Lal Isu Krista hung kilak kit masang sieh chuh, thute kha zawp a, ginum taka vawp zing dingin.

2 PETER 2:21

Diktatna lampi chuh het nunga, thupiek thiengtho, a kawmuh a vawp saka um nungngat sang chun, diktatna lampi chuh a na he kileu, amau dinga phazaw ding ahi ngâl a.

2 PETER 3:15

Chun, I Lalpau thuokhat zie chuh, hukdamna dinga hunlemchang a hun piek bangin ngai un; I suohpihpau deihtak Paul in le, a kawma Pathien in chitna a piek dungzuia, na kawmuh a a hun zik bang khan.

2 PETER 3:16

A lehkhathâk chengcheng achu zie thu haw hi a hun gen sek chuh ahi. Ziehaw achun, thu het haksa tak tak bang a um sek a, ziehaw chuh miching lo leh, mi lunglawngte’n, Pathien Lehkhabu thu dang a ngaih kâwi bangun, diklo takin a hilhchien sek u a. Khutichun, amau leh amau a kisukmangthai lawh sek ui.

1 JOHAN 4:6

Himahlele, eihaw Pathien a I hiu a, Pathien hete chun I thuu a ngaitha sek ui; Pathien a te lo chun I thuu a ngaitha sek puou hi. Ziehaw achun, thagau dik leh diklo I hekal uh ahi.

JUDA 1:17

Himahlele, deihtakte, nanguh vangin, I Lalpau Isu Krista sawlchakte’n thu a gensau haw khah geldawk zing un.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.