2 PETER 3:18 - PATHIEN LEKHABU THIENGTHO (BSI)

¹⁸ Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.

2 PETER 3:18 ပူးပေါင်းရင်းမြစ်များ

SAM LEHKHABU THE PSALMS 92:12

Mi diktat chuh tum bangin duoh hut hut intin; Lebanon tânga Sidar bangin khang hul hul ina.

HOSEA 14:5

Israel a ding chun van dâichîm tawbang hi’ng ka ting, lili bangin vul un tin, Lebanon tânga thing bangin det takin zung khawh un tin;

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

ROME 11:36

Amah apat leh, amah vang leh, amah a dingin thil chengcheng hi hung um ahi ngâl a. Amah kawm achun kumkhuo’n lopina chuh um hen. Amen.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

EPHESI 1:17

chun, I Lalpau Isu Krista, Pa lopitak kawm achun, amah na kawmuh a a hung kilak a, na het theihna dingun, chitna thagau hun pie dingin ka ngên sek hi.

EPHESI 4:15

hehpih a thudik tak gen in, bangakai ah amah ah khanglien thei zawi tiu, amah chuh luchang ahi ngâl a, Krista ngêi chuh.

PHILIPPI 3:8

Ziehaw mai chuh hilo in, Ka Lalpa Krista Isu hetna chuh a lopi zawk bêk ziekin, thil bang cheng le chânna a ka ngaih vek ahi. Amah ziekin thil chengcheng ka chan vek ta a; ziehaw chuh thil bangmahlo mai in ka ngai a, Krista ka muh theihna ding leh,

KOLOSSA 1:10

Khutichun, Lalpa deihlam in hing thei un na tin uh, chun, amah kipahlam hih zing thei un lau. Tichun, na hinnau chun nasep phat tin chenga gahsuoh in, na Pathien hetna lam uh achun hung khangto thei unlau.

KOLOSSA 3:10

Mihiem thak chun na kivan ta ngâl u a. Zie mihiem thak chuh hetna bukim nei dingin, a siempa mah banga siem thak a um a hii.

2 THESSALONIKA 1:3

Suohpihte haw, nangmau haw chungchâng thu ahin, Pathien kawmah kipahthu gen zing ding him ka hiu hi. Zie chuh kei uh dingin hih ding kilawm mawng a hi a; na taksannau chuh nasa taka a hung khanlet tâk ziekin leh mi dangte chunga nangmau haw chietin hehpihna na neih uh chuh a hung pun zawksem tâk ziekin.

2 TIMOTHE 4:18

Lalpa chun gitlohna chengcheng apat ei hukdawk intin, a van gam achun bit takin ei tun ina. Amah kawm achun kumkhuotuong in lopina um hen! Amen.

1 PETER 2:2

Haihsan unla, chasen, piengthakte bangin, thagau lam nawitui, bangmah tawh hel loh, na dâwn uh a, na hung khanlet uh a, hukdam na hung hih theihna dinguh chuh utchau in.

2 PETER 1:11

Khutibang chun, I Lalpau leh Hukdampa Isu Krista kumkhuo lalgam a lutna dinga thuneihna bukim chuh pieka um ding na hiu hi.

2 PETER 1:2

Pathien leh Isu I Lalpau na hetna ziekuh chun, lungsietna leh chamna na chungu ah sukpun in um hen.

2 PETER 1:3

Amah lopina leh phatna zâla ei sampa, a chanchin het ziekin, a Pathien thilhih theihna’n, hinna leh Pathien khawksakna lam thu ah chun, thil chengcheng ei pie ngâl a.

2 PETER 1:8

Ziehaw hi phatna na sinmawhteu chuh a hi a, na neih uh chun, I Lalpau Isu Krista hetna lam achun kiting taka, gah suoh takin hun siem ding ahi.

2 PETER 2:20

Lalpa leh Hukdampa Isu Krista a hetna ziekuh a, zie khawvel thanhuoinate hi a taih dawk san nung uh a, ziete haw mata chuh a um kit uh a, zawh a a um u chun, a umzieu nunung chuh, a tunga sangin a hung sie zaw ta sek hi.

JUDA 1:25

I Hukdampau, Pathien takpa mai kawm achun, I Lalpau Isu Krista vangin, lopina, chungnunna, vaihawmna, leh thuneihna chengcheng, phat himhim um ma’n le, tu’n le, chuleh, kumkhawtuong in um zing ta hen. Amen.

THUPHUON 1:6

tichun, a Pathien leh Pa lenggam thiempu nasem dingin ei siem ta a. A hii, Isu Krista kawm mawng achun, lopina leh vaihawmna chuh kumkhawtuong in um hen. Amen.