2 PETER 3:16 - PATHIEN LEKHABU THIENGTHO (BSI)

¹⁶ A lehkhathâk chengcheng achu zie thu haw hi a hun gen sek chuh ahi. Ziehaw achun, thu het haksa tak tak bang a um sek a, ziehaw chuh miching lo leh, mi lunglawngte’n, Pathien Lehkhabu thu dang a ngaih kâwi bangun, diklo takin a hilhchien sek u a. Khutichun, amau leh amau a kisukmangthai lawh sek ui.

2 PETER 3:16 ပူးပေါင်းရင်းမြစ်များ

THILSIEMBUL 49:4

Himahleh, tui banga detlo na hi a; chungnun pên na chuh chang puo’n la; Na pa zalkhunpi na kaih ziekin; zielai chun zie chuh na hih buok a.

1 LENGTE 10:1

Chun, Solomon in Lalpa min a dinga a thilhih chungchâng thu a a minthan dân Sheba lengnu’n a na zak chun thu haksa taktak dawng a patep dingin a kawmah a hung ta a.

SAM LEHKHABU THE PSALMS 56:5

Nichang tumin ka thu a la kâwi u a; A ngaihtuohnau chengcheng chu ka sietna ding lam ngen ahi.

PAWTDAWKNA 23:2

Thil diklo hih dingin mipi chuh na mawk zuih ding ahi puoh a; mi thubuoi ale a hetpihtu a na pan tieng leh, a dik zaw thiemloh chan sak dingin a tam lam lama chuh na pan zieng ding ahi puoi;

PAWTDAWKNA 23:6

“Na mi chagah chuh a thubuoi ah thudik kalh a vai na hawmsak ding ahi puoi.

JEREMIA 23:36

Himahleh, Lalpa puokgik chuh gen kha ta puou in na tin uh, mitin a dingin, amah thugen mah chuh a puokgik hi mai ding a hi! Pathien hing, Sepaihte Lalpa, I Pathien uh thu chuh na kai kâwi ta ngâl uh a!

HABAKKUK 1:4

Zieziekchun, dân chuh ngaihkhawk ahi ta puoh a, mattakloh a suok tai! Thudik a vaihawmna a um ta puoh a. Mi gilote chun mi diktat te chan changin, thu dik chuh heikawi ahi tai!

MATTHAI 15:3

Isu’n a dâwng a a kawm u ah, “Nang haw’n le banga ti a na thuguichin ziek u a Pathien thupiek paltha sek?

MATTHAI 15:6

a nu leh a pa a limbawl dinguh ei puoi, na ti sek uh a. Tichun, na thuguichin ziek u chun Pathien thu chuh na pal mang tau ahi.

MATTHAI 22:29

Isu’n a kawm u ah, “Pathien lehkha thu leh Pathien thilhih theihna na hetloh ziekun na ngai khiel sek uh ahi.

DAN NIHNA 16:19

Thudik heikawi a vai na hawm dinguh ahi puoh a, kuomah panpih chuom na neih dinguh ahi puoi; gawlhgukna na lak loh hiel dinguh ahi; gawlhgukna chun mipilte mit chuh a sudûk seka, mi dikte thu chuh a heikawi sek ngâla.

PHILIPPI 3:19

Ziehaw tawpna chuh gawtmun a hi a, a pathien u chuh a gilpiu ahi. A lopina hawu chule a zahhuoinau a hi a, zie khawvel thilte mai hi a lunggulh sek ngâl ui.

HEBRAI 5:11

Amah chungchâng thu ahin gen ding tamtak ka nei u a; himahleh, na hettheih loh ziekun, na kawm u a genchet le a haksai.

JAKOB 1:8

Lalpa kawmah bangmah muh kinem kiheh.

1 PETER 1:1

Peter, Isu Krista sawlchak chun, Pathien mi telte, gâltai banga, Pontas gamte, Galati gamte, Kappadokia gamte, Asia gam leh, Bithunia gamte a kithehzakte;

1 PETER 2:8

Chun, Pathien Lehkhabu mun danga, “Pukna suong leh dalna suongpi tawh” ti a a gen guol khan. Thu chuh a taksan loh ziekun a kipalpai sek uh a; zie chuh, Pathien in amau haw dinga a phasak chuh ahi.

2 PETER 2:1

Malai khan le, mite lak achun thiemgau lêmte a um sek uh kha, zie tawbang mah chun, nang haw lak ah le, sinsaktu diklote hung pawt ding ahiu hi. Khutichun, sietna, thugin diklo hun puo lut un tin; amau haw hukdampa Lalpa ngêi chuh kizuksan in, amau haw chung ngêi ah, kintaka manthaina hun tunsak un au.

2 PETER 2:14

Mit a zawlsai a dim leh, gitloh haihsan theih loh bang a nei uh a; lung det lote a zawl thau a; awhchâkna nei ding him a sinsak a umte ahiu hi. hansie thuok chate ahiu hi!

2 PETER 3:14

Zieziekchun, deihtakte haw, khutibang Ni khuo chuh kinem na hih ziekun, buok beklo leh paulap beia, lungmuong taka na um uh a hun muh theihna dingin, thatnawp suoh un.

2 PETER 3:2

Malaia thiemgau thiengthote thu gen leh, Lalpa leh Hukdampa apat a thupiek, na sawlchakteu in a hun pieksawn uh khah na hetzing uh ka nawp a hii.

JUDA 1:4

Mi kuote ahim, I lak uh a hin, a gûka bawka, hung kithawlh lut a um ngâl uh a, ziete haw chun, a nunlekhan sietnau kizumzelna ding chun, I Pathien uh hehpihna thu chuh a hilo lama la kâwi in, I Lawiupau leh, I Lalpau neihsun, Isu Krista chuh a kizuksan uh a. Malaia kipatin, Pathien Lehkhabu’n, a mawhchanna ding thuu chuh a na genlawksa a hi ta ngâl a.