2 PETER 3:14 - PATHIEN LEKHABU THIENGTHO (BSI)

¹⁴ Zieziekchun, deihtakte haw, khutibang Ni khuo chuh kinem na hih ziekun, buok beklo leh paulap beia, lungmuong taka na um uh a hun muh theihna dingin, thatnawp suoh un.

2 PETER 3:14 ပူးပေါင်းရင်းမြစ်များ

1 THESSALONIKA 5:23

Chun, chamna Pathien mawng chun, lam tin ah hun hih thiengtho hen la; chun, na thagau u leh, na lungthim uh leh, na sapum uh chuh I Lalpau Isu Krista hung tieng leh, paulap bei in a pum in humbit in um hen.

1 THESSALONIKA 3:13

Khutichun, I Lalpau Isu chuh, a mi thiengthote chengcheng tawh a hung tieng leh, I Pathien u leh I Pau masang achun, na lunggil hawu thiengtho leh paulap bei in hun sudet thei ina.

PHILIPPI 1:10

khutichun, Pathien lopina ding leh pahchakna dinga Isu Krista zâla diktatna gah um achun hung dim in,

1 KORINTH 15:58

Zieziekchun, ka suohpih deihtakte, dettak in, suktawih zawh loh in, Lalpa na chuh phachuomngai taka sem in um zingun; na sepgimnau chuh Lalpa achun a thâwn ngei puoi tih na he ngâl u a.

1 JOHAN 3:3

Kuole, Krista chunga zie kinepna nei ta chuh, amah a thien guolin a kisuthiengtho sek hi.

1 KORINTH 1:8

Amah chun, I Lalpau Isu Krista Ni a chuh, demkailo a na um theihna dingun, a tâwp chanin hun vengbit zing ina.

PHILIPPI 2:15

thil bang cheng chuh phunchiek lo leh nielkalh lo in hih un. Amau haw kawma hinna thu na piek sawn lai u chun.

HEBRAI 9:28

Zie guol mah chun, Krista chu le, mi tamtak gitloh lâkmangna dingin, khatvei kithawihna’n a kipie ta ngâl a. Zieziekchun, a nih veina achun, gitloh thu ngaihtuoh ding hilo in, amah a na ngakte hukdam dingin a nih veina ah hung kilak kit ina.

LUKE 12:43

A pu In a a hung phata, suok zie tawbang hih a a muh chuh mi hampha ahi.

LUKE 2:29

“Lalpa tuhin, na thu guol zelin, Na suok hi lungmuong takin chieh sak ding na hi a!

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

PHILIPPI 3:20

Eihaw vang chuh van khuoletui hihna nei I hitau a, van apat a ei hukdampa Lal Isu hung ding chuh ngaklah takin I thil zing ui.

MATTHAI 24:26

“Ngaitiem u, gamthip ah a um hi, a hun tih u chun, chiehdawk kiu; chuleh, ‘Indan sungnung ah a um hi’ a hun tih u chun amau chuh gingcha kiu;

1 TIMOTHE 6:14

I Lal Isu Krista hung kilak kit masang sieh chuh, thute kha zawp a, ginum taka vawp zing dingin.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

2 PETER 3:1

Deihtakte, tu a na kawmuh a ka hun zik hi, ka lehkhathâk a nih veina ahi tai. Zie lehkhathâk te nih akhan, zie thilte haw hi hun hetnawnsak kitin, na lunggil u ah ngaihtuohna thieng tak hun chawhthawh kit ka guot ahi.

2 PETER 3:16

A lehkhathâk chengcheng achu zie thu haw hi a hun gen sek chuh ahi. Ziehaw achun, thu het haksa tak tak bang a um sek a, ziehaw chuh miching lo leh, mi lunglawngte’n, Pathien Lehkhabu thu dang a ngaih kâwi bangun, diklo takin a hilhchien sek u a. Khutichun, amau leh amau a kisukmangthai lawh sek ui.

MATTHAI 25:7

Ziephet chun, nungak thiengte haw chuh a tho u a, a thaumei chiet u chuh a kiguot u a.