2 PETER 3:13 - PATHIEN LEKHABU THIENGTHO (BSI)

¹³ Himahlele, Pathien thutiem; van thak leh lei thak, a sunga diktatna um ngêi chuh, ngak in I um zawu ahi.

2 PETER 3:13 ပူးပေါင်းရင်းမြစ်များ

ISAI 65:17

“Ngaitiem u, van thak leh lei thak ka siem hi! Tuma thilte chuh hetzing hi ta puo’n tin, lungthima le lut diek ta puo’n a.

THUPHUON 21:1

Chun, van thak leh lei thak ka mu a. Van masa leh lei masa chuh a mangthai ta a, tuisuohgiet le a um ta puoi.

ISAI 66:22

“Tichun, Van thak leh lei thak ka siem ding chuh, ka ma a um zing ding ahih tâk ziekin, zie tawbang chun na suonteu leh na min u chuh um zing ding ahi, Lalpa’n a tii.

THUPHUON 21:27

Himahlele, thil buok himhim khawpi achun lut puo’n tin, thil muhdahum hihte leh, lepchieh gente le lut diek puo’n au. Belamno Hinna Lehkhabu a min a zikteu maicha lut un au.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

ISAI 65:25

Ngei leh belamno te chuh takhawm tau intin, sakeibakneite chun bâwngchal guolin buhpawl neu intin, chun, leivui chuh gûl an hi’n a. Ka tâng Thiengtho Zion achun kisuknatna leh, kisuksietna himhim um ta puo’n a” Lalpa’n a tii.

ROME 8:21

thilsiemte chuh muot mang mai dinga a saltannau apat chun ni khat tei, zalenna muu un tin uh; Pathien chate zalenna lopi tak zal chuh zo un au.

2 PETER 1:4

Zie tawbang chun, a thutiem lul tak leh lopi nasatak chuh ei piek I hiu a; khutichun, utchakna zieka van nuoia sietna hung um hi I taihdawk san theihna dingun leh, Pathien nunlekhan kikawppihte I hung hih theihna dingun.