2 PETER 3:10 - PATHIEN LEKHABU THIENGTHO (BSI)

¹⁰ Himahlele, Lalpa Ni chuh gucha bangin hungtung tei ina. Zie Ni chu leh, vante chuh nasa taka gi’n mangthai in tin; van a thilte chuh katum in sukmangthai in um intin, chun, lei leh a sunga umte chengcheng hi hung bei vek ina.

2 PETER 3:10 ပူးပေါင်းရင်းမြစ်များ

THUPHUON 21:1

Chun, van thak leh lei thak ka mu a. Van masa leh lei masa chuh a mangthai ta a, tuisuohgiet le a um ta puoi.

MATTHAI 24:35

Lei leh van bei in tin, ka thu vang chuh bei puo’n a.

2 PETER 3:7

Himahlele, tu a van leh leisiet umte hi, zie Pathien thupiek mah chun, meia sukmangthai dinga sit a hi tai. Pathien khawksalo mite chunga vaihawmna ni leh, sukmangthai ni a dinga sît a um a hi tai.

THUPHUON 16:15

“Ngaiin! gucha guola hung vak ding ka hi ie! Kiging a, puontum chengsa a um zingte chuh a hamphau ui; khutilochun, sangawn a vakin, mite mitmuh in zahhuoi takin um kha’n au ie!” ti’n.

ISAI 51:6

Chunglam akhun na mit hak to unla; chun, nuoi lama lei chuh en un! Vante khu meikhu guolin hung beimang intin; lei chuh puon banga lui in sie’n tin, a sunga chêngte chuh tho bangin thi vek un au. Himahleh, ka hukdamna chuh kumlekhuo’n um intin; ka zawhna chun tawp ni nei puo’n a.

1 THESSALONIKA 5:2

Lalpa Ni chuh zan a gucha a hung bangin hungtung ding ahi tih, nangmau haw mawng inle chientakin na he ngâl u a.

MARK 13:31

Lei leh van bei intin, ka thu vang chuh bei puo’n a.

2 PETER 3:12

Kinem leh hah nawpa nuom a na ngak lai uh hin, umdan thiengtho leh, Pathien khawksakna lam achun, bang tawbang mi na hi ding u leh? Zie Ni khuo a tun ziek chun, vante hung kang in, mangthai intin, thil bulte haw le meia hâltum in um ta’n au.

ISAI 34:4

Nisate, thate leh aksite khu sukmang in um intin, van khu lehkhabu ziel bangin kiziel mang intin; a sunga um chengte chuh, grep nah kau a vuoi a, a pulh sek bangin leh, theipi gahhut a pulh sek bangin, vuoi zo untin, pulh vek un au.

THUPHUON 3:3

Khutichun, a tûngin bangti sinsak a um na him, bang na ti zak ahim gel zing ah; zie chuh zawp inla, na gitlohna apat in kihei kit in. Na kiven loh le vang, gucha bangin hung ing ka ting, bangtik phata ka hung ding tih nasan le he puo’n la.

LUKE 12:39

Amahvang chuh, ziehi heu in, gucha a hung ding phat In neipa’n he leh, veng intin, a In chuh vih van sak puo’n a.

SAM LEHKHABU THE PSALMS 102:26

Ziehaw chuh hung beimang intin, nang vang chuh um zing inla: Ahi, ziehaw chengcheng chuh silhlechen bangin hung chul untin; Silhlechen bang in theng in na tin, hung zatchuom tan au.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

NAHUM 1:5

A masang achun tâng liente chuh a kithing a, tâng neute chuh a tuitha zo tau hi; a masang achun leisiet hi hawmngawn ahi a, khawvel leh a sunga um chengcheng te le bangmahlo ahi.

JOEL 2:31

Nisa chuh hung thim intin, tha thisan hungsuok intin; Lalpa ni lopi tak leh minthang tak chuh a hungtun ma’n.

AMOS 9:5

Leisiet khawih a, hihlingpa chuh, Lalpa, sepaihte haw Pathien chuh ahi ngâl a! zie a um chengte chuh lungkham un tin, Nile Luipi bangin hung lien intin, Aigupta Luipi bangin hung kiem kit ina.

1 KORINTH 5:5

Zie tawbang mi chuh, Lalpa Ni a a thagau hukdam a hih theihna dingin, a taksa chuh Setan kawma sukmangthai dinga na piek dinguh ahi.

MIKA 1:4

Khutichun, a keng nuoi achun tângte chuh khuoilu meia hâl guolin tuithau intin, Tichun, tâng apat a tui sunthak guolin luiguom a chun sungtha’nau.

ISAI 24:19

Lei hi suksiet dimdem ahi ta a, lei hi a kithehdalh ta a; lei hi nasa takin a kilîng a.

SAM LEHKHABU THE PSALMS 97:5

Tang haw chuh khuoilu tawbang in Lalpa masang achun a tui u a, Lei chung pumpi hile Lalpa masang achun khuoilu bangin atui zo hi.

AMOS 9:13

“Ngaitiem u! nite chuh hungtung ding ahi, tih hi Lalpa kamsuok ahi, lei lehkit hun tiengin buh ât untin, a phuh kit hun tiengin grep thawk untin, tâng haw apat chun uain thum tak luong dawk intin, tâng chung haw a chun luong zuoh zuoh in a.

JOEL 2:1

Zion achun pengkun mût unla; Pathien tâng thiengtho achun kigalginna thu phuong un. Juda mipite haw, kithingsieu in; Lalpa ni chuh hung tung pai ding ahi ta ngâl a; ahun a nai tai!

JOEL 1:15

Zie ni chuh a chung agik hi! Lalpa ni chuh a nai ta ngâl a; Bangakai hihtheipa apat sukmangthaina chuh a hungtung ina. Zie ni chuh bang tienga tizat um ahi ta dem!

ISAI 2:12

Sepaihte Lalpa chun mi chapote, kingaisangte leh mite chunga kikawih sang te chengcheng do na ding ni a guot tai.

ROME 8:20

Thilsiem chengcheng te chuh, thil manloh thu thu a um dingin a um tau a, zie chuh amau ut thu hi ta lo in, Pathien deih bang ahi zaw ngâl a. Himahlele, kinepna khat a nei na lai uh ahi,

MALAKI 4:5

“Ngaitiem u, Lalpa ni lopi tak leh lauh-um tak chuh a hungtun masang in, thiemgau Elijah chuh na kawm u ah hun sawl ing ka.

JOEL 3:14

Thutanna guom achun mipi sang tamtak a um sausau u a. Zie tak achun Lalpa ni chuh hungtung pai ding ahi ngâl a!

SAM LEHKHABU THE PSALMS 46:6

Namtin cheng chuh a kichawk u a, lal gam haw chuh a kilîng a A mah chun a aw a suoh a, lei chung hi ahung tuimang zo ta a.

JUDA 1:6

Chun, vânsâwlchâkte’n, amau sawlchak hihna kivawp lo a, a chênnau taihsan zawte chuh, Ni lopi, vaihawmna a dingin, khawthim nuoi ah, kumkhuotuong kânna a chuh kân sa’n kawih ahi tai.

2 KORINTH 1:14

I Lalpau Isu ni a chun nanguh ka kipahnau na hih ding guol mah un, kei u le na kipahnau hiding ka hiu hi tih hetna na neih bangun, ka thuu chuh a tawp chana na hetsak uh ka kinem hi.

1 KORINTH 1:8

Amah chun, I Lalpau Isu Krista Ni a chuh, demkailo a na um theihna dingun, a tâwp chanin hun vengbit zing ina.

1 THESSALONIKA 5:4

Himahlele, suohpihte, nanguh vang, zie Ni chun gucha banga a hun huom na dingin, khawthim ah na um puou a,

2 PETER 3:11

Zie thil haw chuh khutibanga chuh mangthai suok ding ahi tih na het ziekun, Pathien ni khuo hungtun phat ding chuh,

THUPHUON 6:14

Van chuh lehkhaziel. kiziel mang bangin a mang ta a. chun tângte leh tuikuol tin chengte chuh a umnau apat, chawn mang in a um tau hi.