2 PETER 2:9 - PATHIEN LEKHABU THIENGTHO (BSI)

⁹ Khutichun, Lalpa chun amah khawksakte chuh thepna apat hukdawk dân leh, mi nunsiete chuh Vaihawm Ni a ding chun gawt kawma sit dân a hêi;

2 PETER 2:9 ပူးပေါင်းရင်းမြစ်များ

1 KORINTH 10:13

Mihiem thuok theih bang ngâllo chuh, thepna himhim na chungu ah a tung kha ngâl puoh a. Pathien in a thutiem chuh a vawp zing a, na thuok theih val u chuh, na chung u a thepna a tun phal puo’n a; thepna na tuok phat u leh, zie do zawhna ding chun hatna hun pie’n tin, tichun, taih dawkna ding hun siem sak zaw’na.

THUPHUON 3:10

Thuokhat dinga ka hun thupiek chuh na vawp zing ziekin, ken le khawvel a patepna, leia mi chengcheng chunga hungtung ding buoina lak apat chun hun humbit ing ka.

2 TIMOTHE 3:12

Ahi, kuole, Krista Isu tawh kipumkhata, Pathien khawksak a um guo chun, sukgimtheihna haw chuh thuok ina.

2 PETER 3:7

Himahlele, tu a van leh leisiet umte hi, zie Pathien thupiek mah chun, meia sukmangthai dinga sit a hi tai. Pathien khawksalo mite chunga vaihawmna ni leh, sukmangthai ni a dinga sît a um a hi tai.

THUCHINGTE 16:4

Lalpa’n thil chengcheng hi tup nei chietin a siem a, mi gilote nasan le buoina ni a dinga guot ahiu hi.

JOB LEHKHABU THE BOOK OF JOB 5:19

Buoina gup ah hun hukdawk intin, Ahi, sagih ah, thil phalo mawng mawng in hun sukha ta puo’n a.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

SAM LEHKHABU THE PSALMS 4:3

Lalpa chun Pathien ngaihsak mi chuh a mah din a kawih chuom tih hi he zawu in. Lalpa chun ka sap cheng leh ei dâwng ina.

SAM LEHKHABU THE PSALMS 32:6

Khutichun, Pathien limsak mitin in hawl baihlam a a um lai in, na kawmah paucham chiet u hen; lungkham na tui a hung kinawk tieng lele amau chuh chup pai zieng puo’n a.

JOB LEHKHABU THE BOOK OF JOB 21:30

Sietna ni achun mi nunsiete chu hawih in a um u a, amau chuh lungnat ni a ding chun sît in a um sek ui.

SAM LEHKHABU THE PSALMS 12:1

Lalpa, ei panpih in: Pathien ngaihsak mi a um ta puoh ngâl u a, Mihiem chate lak apat hi mi muon-um chuh a bei ta ngâl u a.

SAM LEHKHABU THE PSALMS 37:33

Lalpa’n amah chuh a khut ah pie puo’n tin, A vaihawm tak u leh mawhchansak phal puo’n a.

THUCHINGTE 12:13

Migilo chuh amah thugen ngêi achun a âwk a, himahleh, mi ginum vang chuh buoina apat in a suokcha sek hi.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

MATTHAI 10:15

Tihtakzet a ka hilh na hiu hi, thutan ni leh zie khuote sang chun Sodom leh Gomorra gam thuok ding chuh a dân um zaw’n a!

JUDA 1:6

Chun, vânsâwlchâkte’n, amau sawlchak hihna kivawp lo a, a chênnau taihsan zawte chuh, Ni lopi, vaihawmna a dingin, khawthim nuoi ah, kumkhuotuong kânna a chuh kân sa’n kawih ahi tai.

1 SAMUEL 29:10

Zieziekchun, a hun kitawnpih na pu suokte hi tawh zingkal leh vaima takin tho unla; vaima takin kipan unla, chun khuo a vak vak leh chieh tau in,” a ti a.