2 PETER 2:7 - PATHIEN LEKHABU THIENGTHO (BSI)

⁷ Himahlele, mi hûkte nunlekhan phalo takte zieka lungkham mah mah, Lot, mi diktat chuh a hukdawk ta a.

2 PETER 2:7 ပူးပေါင်းရင်းမြစ်များ

THILSIEMBUL 19:16

Himahlele, amah chuh a muong ten a, khutichun, Lalpa’n amah a hehpih ziekin mite chun a khut leh a zi khut leh a chanu nih te khut chuh a tuu a, tichun, a puidawk u a, khawpi pawlam achun a kawih tau a.

THILSIEMBUL 19:29

Chun, Pathien in phaicham khuo haw chuh a sukmang lai in Abraham khah a hezing a, chun, Lot chênna khawpi a suksiet lai in Lot chuh manthaina lak apat chuh a sawldawk a.

2 PETER 3:17

Khutichun, suohpihte, nangun zie thu chuh na na het masak ziekun, chingthei un, khutilochun, mi gilote diklohna a puih manga um in, a detsa puk kha’n lau.

1 KORINTH 10:13

Mihiem thuok theih bang ngâllo chuh, thepna himhim na chungu ah a tung kha ngâl puoh a. Pathien in a thutiem chuh a vawp zing a, na thuok theih val u chuh, na chung u a thepna a tun phal puo’n a; thepna na tuok phat u leh, zie do zawhna ding chun hatna hun pie’n tin, tichun, taih dawkna ding hun siem sak zaw’na.

JEREMIA 23:9

Thiemgaute chungchâng thu achun, ka sunga ka lungchang hi a puokkek a, ka guh chengcheng le a kithing a, zukham bang mai ka hi ta a, Lalpa leh a thu thiengtho ziek chun; zu’n a zel zawh mah mah mihiem ka bang mai tai.

THILSIEMBUL 13:13

Sodom mite chuh Lalpa mitmuh in huoisie taka nunsie leh migilo ahiu hi.

THILSIEMBUL 19:22

Kin inla, zie tak achun tai ah; zie tak chuh na tun ma cheng bangmah hih theilo ding ka hi ngâla, a ti a. Zieziekchun, zie khuo min ding chun Zoar a sa tau hi.

SAM LEHKHABU THE PSALMS 120:5

Meshek haw gama ka um leh, Kedar haw puon-In lak ah ka um hi, ka chung a gik na mai zên e!

THILSIEMBUL 19:5

Chun, Lot chuh a sam dawk u a, a kawmah, “Tuzan a na kawma mi hunglut te khah khawi ah a um u? Amau chuh ka kuolpih theih na dingun ka kawm u ah hun puidawk ah” a tiu a.

2 PETER 2:2

Khutichun, mi tamtakin a hûkna lam uh chuh hun zui un tin, amau haw ziek chun, Thudik Lampi hi gensiet in hung um ina.

2 PETER 2:18

Thu manloh leh thanghuoi tak takte chuh gen in, gitloh na lak apat taidawk tungte chuh, taksa utchakna lam achun a zawl lut sek ngâl uh a.

JUDA 1:4

Mi kuote ahim, I lak uh a hin, a gûka bawka, hung kithawlh lut a um ngâl uh a, ziete haw chun, a nunlekhan sietnau kizumzelna ding chun, I Pathien uh hehpihna thu chuh a hilo lama la kâwi in, I Lawiupau leh, I Lalpau neihsun, Isu Krista chuh a kizuksan uh a. Malaia kipatin, Pathien Lehkhabu’n, a mawhchanna ding thuu chuh a na genlawksa a hi ta ngâl a.