2 PETER 2:6 - PATHIEN LEKHABU THIENGTHO (BSI)

⁶ Pathien in Sodom leh Gomorra khawpi chuh thiemmawh chan sak in, mei in a sumangthai ta a, tichun, Pathien khawksaklote chunga thil hungtung dingte etsakna dingin a hun mang ta a.

2 PETER 2:6 ပူးပေါင်းရင်းမြစ်များ

THILSIEMBUL 19:28

Tichun, Sodom leh Gomorra leh phaicham lam cheng chuh a thîl a, a en zinga; ngaiin, zie gama meikhu chuh hâltuina meikhu bang mai in a khuto vuohvuoh maia.

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

ISAI 13:19

Chun, Babulon chuh khawpi laka hawihpen leh, a mipite kisuonpih ahi a, himahleh, Kei, Lalpa hin, Sodom leh Gomorra ka sukmangthai bang khan, sumangthai ding ka hi.

JEREMIA 50:40

Pathien in Sodom leh Gomorra leh a kimvel a khuo te a suksiet bang tak khan; zie tak achun kuomah cheng ta puou intin, mihing cha kuomah cha’n tawh ta puo’n au. Lalpa’n a tii.

HOSEA 11:8

“Aw Ephraim, bangti’n ahim ka hun paih thak theih ding? Aw Israel, bangti’n ahim ka hun taihsan theih ding? Admah ka sukmangthai bang khan na chungah bangti’n a ka hih ding? Zeboiim bangin ka hun bawl thei dinga ahim? Ka sung ah ka lunggil a kilek a, ka lungsietnate chuh a kimut âm zaw ta a.

AMOS 4:11

“Sodom leh Gomorra khuo Pathien in a sukchip lai bang khan, na lak uh a khenkhat ka suchim a, meikuong laka thingkhuoh lâkdawk bang na hiu a: khutisa chun le ka kawmah na hung vaikit puou ui,” Lalpa chun a tii.

ZEPHANIA 2:9

Khutichun, Sepaihte Lalpa, Israel Pathien chun, “A hi’n a ka hin sung chuh, Moab chuh Sodom tawbang hung hi’n tin, Ammon te chuh Gomorra mite bang hung hi’n au; thakhai mun leh chi khuk leh kumkhuo luoh loh hung hi’n a. Ka mi a na um nalaite chun amau haw chawmgam un tin, a gam u chuh luoh un au.”

KISIMNA 16:38

Lalpa maichâm a a lut ziek chun a thiengtho ta a. Khutichun, zie a gitloh ziek u a thah a umte meilakna kuong hi la’n la, kuong pa takin sek inla, maichâm khuhna siem in, zie chuh Israel chate ding chun tiemtehna hi ding ahi.”

KISIMNA 26:10

lei a hung khi a a mau haw a valh tum a, Kora leh a nungzuite cheng a thiu a, mi zanih leh sawmnga mei in a ka lum a, mipite a dinga vaulawkna a hi tau hi.

MATTHAI 10:15

Tihtakzet a ka hilh na hiu hi, thutan ni leh zie khuote sang chun Sodom leh Gomorra gam thuok ding chuh a dân um zaw’n a!

MATTHAI 11:23

Chun, nang Kapernaum, van tienga kichawihsan ut na him? Mithi khuo tienga paihthak ding na hi a puo! nang haw chunga thilmak kihih haw kha Sodom khuo a hih hileh chuh, tu tiengin um zing nalai ina.

ROME 9:29

Isai mah in, “Mipite Lalpa chun chi sep zak ding ei na nutsieh lo hi le chuh, Sodom khuo guolin ana um tai ting uh, Gomorra khuo guolin siem in ana um tai tiu,” ti a a gen guol mah khan.

1 KORINTH 10:11

Ziehaw chuh etsakna dingin a chung u a hungtung ahi kha; ei uh, hun tâwp hungtunna dingte ding hin le ei hilhna ding u a zik ahi.

DAN NIHNA 29:23

Gam pumpi chuh chi leh kât a dim, bangmah kichîn lohna, bangmah cha keh lohna leh hampa nasan le a keh lohna hi’n a. Gam chuh Lalpa’n lungna leh hachangthaka a suksiet Sodom leh Gomorra leh Admah leh Zeboiim khawpi haw tawbanga kha suksiet hi’n a.

HEBRAI 4:11

Zieziekchun, kuo ahim khat zie ginchak lohna etsakna banga um a, a puk loh na dingun zie chawlhna a lut ding chun phachuomngai hitiu.

JUDA 1:15

“Ngaitiem u, mi chengcheng chunga vaihawm ding leh, Pathien khawksalote’n, Pathien khawksalo kawma a thilhih cheng cheng teu leh, Pathien khawksalo, mi gilote’n, amah a gensietnau cheng cheng teu zieka mawh chansak dingin, Lalpa chuh a vânsâwlchâk sang tamtak te tawh hung ding a hii,” ti’n.

JUDA 1:7

Sodom leh Gomorra, a kimvel uh a khuote tawh, khutibang mah in, kideihchakna a kipumpiek in, nunsie taka a um tâk ziekun, kumsawt a meia gawtna thuok in, etsakna dinga tâk dawka a um bang uh khan.