2 PETER 2:3 - PATHIEN LEKHABU THIENGTHO (BSI)3 Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi! အခန်းကိုကြည့်ပါ။ |
Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.
“A thâwn mai a ka maichâm a chuh mei a kidet lohna dingin, na lak u a khat hin, Ho-In kawtkhak hi khâk zaw mai leh ka ut hi. Na chung u ah kipahna himhim ka nei puoh a, na khut u apat in thillat chule pawm diek puo’ng ka, Lalpa Bangkim hihthei chun a tii. Na chungu ah ka kipâk puoh a, ka kawma na thillat teu le pawm lo ding ka hi, Lalpa’n a tii.
Malai khan le, mite lak achun thiemgau lêmte a um sek uh kha, zie tawbang mah chun, nang haw lak ah le, sinsaktu diklote hung pawt ding ahiu hi. Khutichun, sietna, thugin diklo hun puo lut un tin; amau haw hukdampa Lalpa ngêi chuh kizuksan in, amau haw chung ngêi ah, kintaka manthaina hun tunsak un au.
Mi kuote ahim, I lak uh a hin, a gûka bawka, hung kithawlh lut a um ngâl uh a, ziete haw chun, a nunlekhan sietnau kizumzelna ding chun, I Pathien uh hehpihna thu chuh a hilo lama la kâwi in, I Lawiupau leh, I Lalpau neihsun, Isu Krista chuh a kizuksan uh a. Malaia kipatin, Pathien Lehkhabu’n, a mawhchanna ding thuu chuh a na genlawksa a hi ta ngâl a.