2 PETER 2:12 - PATHIEN LEKHABU THIENGTHO (BSI)

¹² Himahlele, zie ganhing lunggelna neilo, mata sukmangthai mai dinga sa a piengte bang hin, thil a hetlohteu chuh a gensie sek ui. Zieziekchun, amau sietna ziekin beimang ding ahiu hi.

2 PETER 2:12 ပူးပေါင်းရင်းမြစ်များ

JUDA 1:10

Himahlele, ziete haw hin, thil a het loh chenguh a gensie sek uh a, gamsa haw banga pienpih hetna a neihteu chuh, ziete mawng chun amau haw chuh a sumangthai sek ahi.

JEREMIA 12:3

Himahlele, Aw Lalpa nangin nei hechien a; nei mu a, nang lam ah ka lunggil na patep a, Amau chuh belam thah ding bang mai in luoi dawk inla, a thahna ding ni chuh guot in.

2 PETER 2:19

Amau haw chuh, sietna insung suok hi kawm zing ngâl in, suok pawt ding thu poh mite kawmah a tiem sek uh a, zawh a a umna mah uchun, zie mawng chun suok in a siem sek ahi.

GALATI 6:8

Amah phehlevo deihlam a thehpa chun, phehlevo a um sietna chuh ât intin; Thagau lama thehpa chun chuh, thagau lama um, kumsawt hinna ât ding ahi.

SAM LEHKHABU THE PSALMS 92:6

Mimawl chun zie chuh a he puoh a; Mingawl in le a hethei diek puoi.

JEREMIA 10:21

“Belam pute chuh a ngawng u a, Lalpa dawtna châng a he puou a; zieziekchun a lamzang puou a, a belam guol teu chuh a kithehzak zo tai.

JEREMIA 10:8

Amau chuh mi mawl leh mingawl ahiu a, milim pathien teu apat chun ngawlna a sinsak u a.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

THUCHINGTE 14:32

Migilo chuh a thil hihkhelh achun paih lut in um intin, himahleh mipha chun vang a thihna achun kinepna a nei sek hi.

2 PETER 1:4

Zie tawbang chun, a thutiem lul tak leh lopi nasatak chuh ei piek I hiu a; khutichun, utchakna zieka van nuoia sietna hung um hi I taihdawk san theihna dingun leh, Pathien nunlekhan kikawppihte I hung hih theihna dingun.

JOHAN 8:21

Chun, Isu’n a kawm u ah a gen kit a, “Chieh mang ding ka hi; ei hawl un na tin, himahleh, na gitlohnau nei zingin thi’n lau. Ka chiehna ding ah hung thei puo’n lau,” a ti a.

EZEKIEL 21:31

Na chungah ka hachangthakna sungtha’ng ka ting, ka lungnatna meia hun mût ding ka hi; mi huham, mi sukmangthai thiem haw kawma chuh hun pie dawk ding ka hi.

JEREMIA 5:4

Chun, kei chun, ziehaw hi mi gimthei ahiu a, a ngawl ahiu. Lalpa dân lampi chuh a he puou a, a Pathien uh vaihawm dân chuh a he puou hi.

SAM LEHKHABU THE PSALMS 94:8

Mi laka mingawl te haw, ngaihtuoh tiem u! Mingawl haw, bangtik leh ching ding na hiu hi?

SAM LEHKHABU THE PSALMS 49:10

Miching haw le a thiu a, Mingawl leh mi mawlte le a bei mang gel u a, A go u chuh mi dangte a nutsieh sak u a.

MARK 7:22

gukchakna te, awhchâkna te, nunsiette, kidawhabawlna te, hûkna te, mitthîpna te, gensietna te, kiletsaknate, ngawlna te, a hung pawt ngâl a;

KOLOSSA 2:22

Zie tawbang thil chengcheng chuh mat kawm a beimang ding a hi a, mihiem siem kawm dân leh sinsakna a hi ngâl a.