2 PETER 2:10 - PATHIEN LEKHABU THIENGTHO (BSI)

¹⁰ Taksa lama utchakna thanghuoi hihte leh, vaihawm sakna musitte vang chuh, Vaihawm Ni a dingin gawt kawma sit dân a he zawsem hi. Zie tawbang sinsaktu diklote chuh, ngawl hân leh amah kiletsakte ahiu a, chunglam lopina changte nasan le zahchâk lo in, a gensie zaw sek ui.

2 PETER 2:10 ပူးပေါင်းရင်းမြစ်များ

JUDA 1:16

Ziete haw chuh phunchiekte leh, mi awihmawh hatte ahiu a, amau utna bang zelin a um uh a, a kam sung un kiletsakna thu thanghuoi tak tak a gen uh a, amau phatchuomna ding deihna ziekin, mi Pahchak lim a thawh sek ui.

JUDA 1:10

Himahlele, ziete haw hin, thil a het loh chenguh a gensie sek uh a, gamsa haw banga pienpih hetna a neihteu chuh, ziete mawng chun amau haw chuh a sumangthai sek ahi.

JUDA 1:18

“Hun nunung achun, Pathien khawksa lo a, amau utna dungzuia um in, mi nuihsante hung um un au,” ti a, na kawmuh a gen hawu khah.

PAWTDAWKNA 22:28

“Pathien chuh gensie ki’n la, na mite laka vaihawm haw chule hansie na lawh ding ahi puoi.

2 PETER 3:3

A masapen in, ziehi heu in, ni nunung achun, mi, a hinnau amau deih banga puih manga umte hung kilang ding ahiu hi. Ziete haw chun hun nuihsan un tin uh,

JUDA 1:4

Mi kuote ahim, I lak uh a hin, a gûka bawka, hung kithawlh lut a um ngâl uh a, ziete haw chun, a nunlekhan sietnau kizumzelna ding chun, I Pathien uh hehpihna thu chuh a hilo lama la kâwi in, I Lawiupau leh, I Lalpau neihsun, Isu Krista chuh a kizuksan uh a. Malaia kipatin, Pathien Lehkhabu’n, a mawhchanna ding thuu chuh a na genlawksa a hi ta ngâl a.

EPHESI 5:5

Mi deihchak nuom leh, buok leh huoiham himhim chun, (mi huoiham chuh milim ho mi ahi tihna ahi) Krista leh Pathien gam achun chan neilo ahiu hi tih na he ngâl u a.

LUKE 19:14

Himahleh, a gam mite chun a mah chu a mudah u a, ‘Zie pa hi ka chung u a leng dingin ka deih puou hi,’ ti’n a nung ah palai a delh zui sak u a.

HEBRAI 13:4

Mi cheng cheng lak ah kichênna hi limbawl in um hen la, zâlkhun le sukbuok loh in um hen. Kideihchak chîng leh zawlsaite chuh, Pathien in ngaihtuoh ding ahi ngâl a.

TITA 1:7

Sapchuom lamkai chuh Pathien nasep enkawl pên a hih ziekin dem umlo a hih ding ahi. Amah kithusak, lungna vak, zungawlvei nuom, mivelh nuom, lepna diklo a huoiham mi hi lo ding ahi.

KOLOSSA 3:5

Khutichun, na sapum kahawu, leia um haw hi sulum un: kideihchakna haw buokna haw, hûkna haw, gitloh lungveina haw, huoihamna haw, (huoihamna chuh milim hona ahi ngâl a);

1 KORINTH 6:9

Ahih leh, mi diktatlo te chun Pathien gam luoh puo’n au tih helo na hiu hi? Nangmau kithem kiu inla, kideihchak nuomte ahim, milim hote ahim, zawlsaite ahim, mi hûkte ahim, tawkuohûk te ahim;

NASEPTE 23:5

Paul chun, “Suohpihte haw, Thiempu Lienpen ahi tih ka het loh ahi; ‘Na chipihte lawiupa chungah thu phalo gen ki’n,’ tih le zik ahi ngâl a,” a ti a.

THUGENPA 10:20

Leng chuh hansiet khum ki’n la, na lungthim inle phunchiek khum diek ki’n, chun, mi hausate le gensie ki’n la, na zâlkhun chung ale a gûkin gensie ki’n, vachate’n na thugen chuh puou intin, ganhing tha nei te’n zie thu chuh va hilh kha’n au.

1 THESSALONIKA 4:7

Pathien in a buok dingin ei sam puoh a, thiengtho taka hing dingin ei sam zaw ahi.

2 KORINTH 10:3

Khawvela cheng hi leuhing le, khawvel deih dana galdo I hi puou hi tih I he ngâl u a.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

JEREMIA 2:31

Aw khangthak te haw Lalpa thu hih ngaihsak un, Israel a ding chun gamthip tawbang ka hi a ahim? Bangti dana ka mite chun, ka pawt chien tau a, na kawmah hung vaikit ta puo’ng kau, a tih uh ahim?

SAM LEHKHABU THE PSALMS 12:4

A mah chuh, “I lei u hin zo hiting un, I mûk u hi ei mau a ngêi ahi a puo, kuo a I chung u a lal um?” a ti sek u a.

1 LENGTE 12:16

Chun, Israel te chengcheng chun leng in a thu gen uh a zawp puoi tih a het un, mipite chun, “David ahin chanvo bang ahim I neih uh? Jessai chapa achun go luoh ding I nei diek puou hi; aw Israel te haw, na puon-In lam u ah chieh chiet un; David, na inkuon kingaihtuoh mai ta’n,” ti’n leng chu a dawng u a. Khutichun Israel te chuh a puon-In lam chiet u ah a chieh tau a.

2 SAMUEL 20:1

Chun, zie tak achun Benjamin mi, Bikri chapa a min Sheba, Belial mi khat a na um kha a: pengkun a mût a, “David ahin chanvo ka nei puou a, Jessai chapa ahin go luoh ding le ka nei diek puou hi: aw Israel mite haw, na puon-In lam chiet u ah chieh tau in,” a ti a.

1 SAMUEL 10:27

Himahlele Belial chapate khenkhat chun, “Zie pa hin bangti’n e ei hukdam theih maizen ding?” a tiu a. Tichun amah chu a musit u a, thilpiek bangmah a pie nuom puou a. Himahlele amah chu thipkêi in a um zinga.

KISIMNA 15:30

Amahvang chuh hesa sa a hih a hih chun, zie gama pieng ahim, nam dang ahim, le hita leh Lalpa gensie ahi a; zie mi chuh thah ngêi ding ahi.

THILSIEMBUL 49:6

Aw ka thagau, a kiholim nau achun tel ki’n la, Ka lopina, nang vang a kikhawpkhawm nau achun le, chanmun nei diek ki’n, A lungnat un mi a that u a; a genhak un bâwngchal tha a sat u a,

EPHESI 4:19

Ziete haw chun kihetdawk theihna himhim a neih takloh ziekun; thil buok tin cheng pap taka hih dingin hûkna ah a kipumpiek tau hi.

2 TIMOTHE 3:2

Mi, amah kihehpihte, dangkasum ngailulte, mi kilekte, mi kiletsakte, Pathien gensiete, nulepa thu ngailote, kipahna zie helote, Pathien ngaihsak lote,

LUKE 11:25

Khutichun, a chieh kit ta a, In chuh thiengtho tak leh ngim takin a va mu ta a.