2 PETER 2:1 - PATHIEN LEKHABU THIENGTHO (BSI)

¹ Malai khan le, mite lak achun thiemgau lêmte a um sek uh kha, zie tawbang mah chun, nang haw lak ah le, sinsaktu diklote hung pawt ding ahiu hi. Khutichun, sietna, thugin diklo hun puo lut un tin; amau haw hukdampa Lalpa ngêi chuh kizuksan in, amau haw chung ngêi ah, kintaka manthaina hun tunsak un au.

2 PETER 2:1 ပူးပေါင်းရင်းမြစ်များ

1 LENGTE 22:6

Khutichun, Ahab chun Thiemgau zali hiel a sam khawm a, a kawm u ah, “Ramoth-gilead do dinga va kuon ding ka him, va kuon lo ding?” a ti a. Amau chun, “Va kuon in, Lalpa’n leng khut ah pie ding ahi,” a tiu a.

PAWTDAWKNA 15:16

Tizatna leh lauhna’n a buokkhum a, Na khut hatna’n suong bangin a suthip kêi a; Aw Lalpa, na mite a galkaih masieh u chun.

ISAI 9:15

Upate leh mi zah-umte chuh a luchang chuh a hi a; lepchieh sinsak sek thiemgaute chuh a meite chuh ahiu hi.

JEREMIA 29:21

“Israel Pathien, Sepaihte Lalpa chun Kolaia chapa Ahab leh, Maaseiah chapa Zedekiah, ka min sala na kawmuh a lepchieh thu genlawk te chungchâng thu achun hiti hin a tii: Ngaitiem u, Babulon leng Nebuknezar khut ah pie ding ka hi a, na mitmuh ngei un that un au;

JEREMIA 37:19

“Na gam leh nang hun do dingin Babulon lengpa hung lo ding ahi ti a hun hilhlawk, na thiemgaute chuh khawia um ahi tau hi?

JEREMIA 6:13

A neupen apat a lienpen tieng in mitin chuh lawkna diklo in a huoiham u a; thiemgaute leh thiempute nasan chule, mitin in diklo takin a hih tau hi.

SUNNA LA 2:14

Na thiemgaute kilâkna muh chu nanga dingin athawn leh ngawlhuoi thil ahi a. Nangmah hun siempha kit dingin na gitlohnate a sulang puou hi. Nanga dingin puokgik leh puihmang na diklote a hun muhsak ui.

HOSEA 9:8

Pathien in a mi Israel te hilhlawk dingin thiemgau in ei sawl a. Himahleh, ka chiehna lam chengah vacha guolin nei mat guou a. Pathien gamsung ngeia le mipite chuh thiemgaute melma’n a pang tau ahi.

MIKA 2:11

‘Uain leh zu luong ina,’ ti a zuou gen thiemgau vakvielte chuh zie mite thiemgau hi dinga kilawm phet ahiu hi.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

MIKA 3:5

Piek ding a neih lai u a “Muonna” thu tiem khum a, piek ding neilote kawma kidona thu phuong a gen lauhsak thiemgaute chun ka mite a thêm u a, a chungchâng thu Lalpa’n hiti hin a gen hi.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

MATTHAI 10:33

Himahlele, kuole mihiemte ânga ei kizuksan ta chuh, ken le ka Pa van a um ma ah kizuksan ing ka.

MATTHAI 24:11

Chun, thiemgau lêm tamtak hung pawt un tin, mi tamtak hun thêm un au.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

MATTHAI 24:5

Mi tamtakin, ‘Krista chuh ka hii,’ tin ka min in hung untin, mi tamtakin hun dawha bawl ding a hi ngâl uh a.

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

MARK 13:22

Krista lêmte leh thiemgau lêmte hung pawt ding ahi ngâl u a. Tiemtehna haw leh thilmak haw bawl un tin, hihthei vang leh telte nasan le puih mang guo’n au.

LUKE 12:9

Himahlele, mite maa ei kizuksan ta chuh, Mihiem Chapa’n le Pathien vânsâwlchâkte masangah kizuksan ina.

LUKE 21:8

Isu chun, “Chingthei unla, thep in um kiu un. Mi tamtakin, ‘Krista chuh ka hi, a hun tung ding ei tai,’ ti’n ka min in hung un au! Himahlele, amau haw chuh zui kiu in.

LUKE 6:26

“Mi chengin a hun pahchak tieng u leh na chunguh gik ina, zie tawbang mah chun a suonteu in thiemgau lêmte chungah a hih sek ui.

ROME 16:18

Khutibang mite chuh, I Lalpau Krista nasem ahi puou a, amau haw gilpi ding sem ahi zaw sek ui. Tichun, a kamphatnau leh, a kam thiem un mi chinglote lungthim chuh a thempai sek u a.

1 KORINTH 11:19

(Na lak uh a a tak takte chuh a lat theihna dingin, kibungkhenna le um ding him ahi.)

1 KORINTH 6:20

Nangmau a le na hi ta puou a, mana châwk na hi tau a puo; zieziekchun, na sapum leh na thagau chun Pathien limbawl un.

1 KORINTH 7:23

Pathien in mana a hun châwk na hi tau a; khutichun, mihiemte suok in lut kit ta kiu un.

GALATI 2:4

Mi khenkhat in pawngbawl a tan sak vang a nuom nau hi. Zie tawbang mite chuh, suohpih lêm, Krista Isu tawh I kipumkhatna zal u a, I zalennau hih entha dinga, I lak uh a a gûka hung kithawlh lutte chuh ahiu hi. Ziete chun, suok a mat ei nuom zing u a,

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

GALATI 4:17

A pha lam a ngaihtuoh hi sam lo in, mi dang tamtak chuh, nang haw lam ah a phachuomngai mah mah sek ui. A thiltup u chuh nang haw chuh kei apat a khen dawk a, nang haw chunga phatchuom a ngaih guola, amah lama le phachuom na ngaih theihna dinguh a, hun mat guo a hi ngâl u a.

GALATI 5:20

Milim hona haw; dawithiemna haw, kimuhdahna haw, kigaihna haw, kimitthipna haw, lungnatna haw, kilangsehna haw, kibungkhenna haw, kihuihchuomna haw,

EPHESI 1:7

Krista thisan ziekin amah achun I kitatnau I nei tau a, a lungsietna hauh dungzuia I sukkhelhnau ngaihdamna chuh.

EPHESI 4:14

Chuleh, milem hatte sinsakna, amau muhdawk kawmte zawnchitna huih in, muntin cheng a tawh lawn viel chapang hi ta puoi ting uh;

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

PHILIPPI 3:19

Ziehaw tawpna chuh gawtmun a hi a, a pathien u chuh a gilpiu ahi. A lopina hawu chule a zahhuoinau a hi a, zie khawvel thilte mai hi a lunggulh sek ngâl ui.

KOLOSSA 2:18

Kuoma’n kilâkna chuombîk mu a kingai in ahim, a mah kingaihniem lêm thawh in ahim, vânsâwlchâkte ho ka hi ti a a hun demsiet dinguh kiphal kiu in. Zie tawbang mi chuh, a mihiem ngaihtuohnau achun chawmlo kal a mût manga um in;

KOLOSSA 2:8

Chingthei un! khutilochun, kuo’nle, Krista thu bang hilo in, mihiemte thuguichin leh, vannuoi lehkhabul bangin, a chitgukhahnau leh kithepna maimai in gâl kaih in hun kai kha’n au.

1 TIMOTHE 5:8

Himahlele, kuo’n le amah mite ding ngaihtuoh khawl lo a, amah insung a mi neupen ding nasan a ngaihtuoh khawl loh chun, taksanna chuh a kizuksan a, ginglo mite sanga gilo zaw ahi.

2 TIMOTHE 4:3

Kihilhna dik a ngaih ngâp loh hun uh hungtung ding a hii, a bil uh a thak ziekin amau deihlam chietin, sinsaktu ding a kawm u ah puikhawm un tin uh,

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

TITA 3:10

Kibungkhenna siem mi chuh, khatvei nihvei ko nung in deih ta ki’n;

HEBRAI 10:29

Pathien Chapa tawhden a, thugawlh thisan, amah sukthienna chuh musit a, lungsietna Thagau sumuolpho chuh, zie sanga bangti tienga na zaw a thuok taka ngaih hi dingin a na ginchak?

1 PETER 1:8

Amah chuh, mu khalo mah leu chin le na hehpih uh a, amah chuh tuhin mulo mahleu chin le, na taksang uh a, khutichun, kipahna nasatak leh lopi tak, thu maia gen theih loh chun na lawp uh a;

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

1 JOHAN 2:26

Zie nangmau haw hun puih mang guote thu khah, na kawmuh a ka hun zik ahi.

1 JOHAN 4:1

Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

JUDA 1:18

“Hun nunung achun, Pathien khawksa lo a, amau utna dungzuia um in, mi nuihsante hung um un au,” ti a, na kawmuh a gen hawu khah.

JUDA 1:4

Mi kuote ahim, I lak uh a hin, a gûka bawka, hung kithawlh lut a um ngâl uh a, ziete haw chun, a nunlekhan sietnau kizumzelna ding chun, I Pathien uh hehpihna thu chuh a hilo lama la kâwi in, I Lawiupau leh, I Lalpau neihsun, Isu Krista chuh a kizuksan uh a. Malaia kipatin, Pathien Lehkhabu’n, a mawhchanna ding thuu chuh a na genlawksa a hi ta ngâl a.

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

THUPHUON 3:8

Na thilhih ziete ka hêi. Thilhih theihna tawmcha na nei a, ka thu sinsak te na zawp a, keia dingin na ginum hi tih ka hêi. Kuomah khâk theih loh, kawtkhak hawn sa na masangah ka kawih hi.

THUPHUON 5:9

Chun, amau haw chun, “Nang, lehkhabu chuh laa, A tiemtehna te phel tâk na hi ie; Thah in na um ta a, Chitin a mite, namtin a mite, Pathien dingin na thisan in na chaw a,

THUPHUON 6:10

Amau chun aw ngeih tak in, “Aw Lalpa, mi thiengtho leh diktak, bang chana lei chunga mite chunga vaihawm lo a, ka thisan phubau chuh la lo a na um ding?” ti’n a kiko u a.