2 PETER 1:9 - PATHIEN LEKHABU THIENGTHO (BSI)

⁹ Kuole, zie thil haw neilo chuh mitdûk a hi a, naicha a mi ngen a mu thei a, a malai gitlohna haw apat sukthiena um ahi tai tih a hengilh sek hi.

2 PETER 1:9 ပူးပေါင်းရင်းမြစ်များ

THIEMPUDANTE 13:55

Chun, hi umna kisawp nung chun thiempu’n en kit intin, natna hik chuh a lamdan chuom loh chun, vak zak kilele, a thienglo ahi a; a natna chuh a sunglam pang a um hi henla, a pawlama um hilele a det chi ahi a, na hâltum ngêi ngêi ding ahi.

MARK 10:21

Isu’n amah chuh a en a, a hehpih ta a, a kawmah, “Thil khat na vat nalai hi; chieh inla, na neih chengcheng zuok inla, mi neilahte kawmah pie’n, tichun, van ah go nei in la; chuleh, hung inla, ei zui ah.” a ti a.

LUKE 18:22

Isu’n zie chuh a zak phetin, a kawmah, “Tuhin, thil khat na vat nalai hi; na neih chengcheng khawng inla, neilahte kawmah hawm ah, tichun, van ah go nei inla; chun, hung inla, ei zui ah,” a ti a.

ROME 6:11

Khutibang mah chun, nang haw le gitlohna thihsan a, Krista Isu tawh pumkhat in Pathien a dinga hing ka hi tau hi; ti’n kingai un.

GALATI 5:13

Suohpihte, nang haw suok hilo dinga sap na hi ngâl u a; himahlele, na suok hihloh nau chuh, phehlevo dingin awnthawlna’n mang kiu inla, hehpihna’n kizen tuoh chiet zawu in.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

EPHESI 5:26

Sapchuomte chuh tuia silthien nunga Pathien kawma a thu a lat thiengtho a hih theihna’n;

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

1 PETER 3:21

Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

THUPHUON 3:17

‘Ka neizo in, sum ka hau in, bangmah ka tasam puoi,’ na tih ziek leh, nang mi gimthei, ngaihtuoh-um, neilah, mitdûk, sangawn chuh na hi tih na kihet loh ziekin!