2 PETER 1:5 - PATHIEN LEKHABU THIENGTHO (BSI)

⁵ A hii, zie lang tak chun thatnawp himhim suoh in, na taksannau achun phatna tel sak unla, na phatnau achun hetna tel sak unla;

2 PETER 1:5 ပူးပေါင်းရင်းမြစ်များ

PHILIPPI 4:8

A chaihna kêi in suohpihte, a dik ta cheng, a zahum ta cheng, a thutak ta cheng, a thiengtho ta cheng, a deihum ta cheng, a thanpha ta cheng, phatna a um a, pahchakna a um phawt chun, ziehaw chuh ngaihtuoh un.

THUCHINGTE 4:23

Thil dang cheng sangin na lunggil vengpha’n, zie chuh hinna tuinak kipat na ahi ngâla.

2 PETER 3:18

Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.

2 PETER 1:10

Zieziekchun. suohpihte, Pathien hun sapna leh hun têlna chuh sudet dingin thatnawp suoh zawsem un; ziehaw chuh na hih uh le vang, bangmah tikin puk puo’n lau.

HEBRAI 6:11

Himahlele, a tâwp tienga kinepna bukim mu dingin, na taimat ngêi mah uh a taimat suoh dingin ka hun ti mah mah ui.

PHILIPPI 1:9

Na lungsietnau chuh hetna diktak leh chitna bukim tawh a hung khan zel theihna dingin ka paucham sek a:

2 PETER 3:14

Zieziekchun, deihtakte haw, khutibang Ni khuo chuh kinem na hih ziekun, buok beklo leh paulap beia, lungmuong taka na um uh a hun muh theihna dingin, thatnawp suoh un.

HEBRAI 11:6

Himahlele, taksanna lo in Pathien lungtuok mi hih guol ei puoi; Pathien kawma hung ta chun, amah chuh a um hi tih leh, taima taka amah hawlte kawma kipahman pie nuom mi ahii tih, ginchak ding ahi.

EPHESI 5:17

Zieziekchun, ngawl kiu inla, Lalpa deihlam bang ahi, tih na he zawu in.

ISAI 55:2

Vahna ding hilo a, bang zieka dangka seng a, lung-awihna tun diek lo dinga bang zieka na sepgim uh ahi? Ka thugente hi gunchuh takin ngaithau unla, an pha chuh neu inla, tichun, na hinnau chuh thil thau achun lung-awi hen.

PHILIPPI 2:12

Khutichun, ka deihtakte haw, gen na ngaih zing sek bang u khan, ka um pet maia sem lo in, tu a ka umloh kal hin sem zawu un la, lau leh kilîng kawmin nangmau haw hukdamna chuh sem dawk un.

SAM LEHKHABU THE PSALMS 119:4

Nang in thununna thu haw chuh thupiek in nei pie a, Phachuomngai taka ka zuih theihna ding in.

KOLOSSA 2:3

Amah chuh Pathien chitna leh hetna go selguk hawnna chabi chuh ahi ngâl a.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

LUKE 24:21

Keihaw’n la, Israel te tandawkpa ding chuh hi’n a tih ka kinep mai zên u tawh! Bang hitalele, zie thil haw tunna chu tuni hi a ni thum ni ei tai.

KOLOSSA 1:9

Zieziekchun, na chanchin uh ka zak uh apat, nang haw dinga paucham leh hun nget sak ka hai puou hi. Pathien kawm achun, a Thagau in a piek, amah deihlam hetna leh, chitna tin cheng leh hetna bukima na hung dim theihna dingun ka hun nget sak sek ui.

1 PETER 3:7

Nanguh pasalte, khutibang mah in, numei hi bel kek vak zaw ahih ziek u leh Pathien thilthawnpiek hinna chuh I chan khawmpih uh ahih ziekin, hethiem tak kawmin na ziteu chuh pakchau in. Ziehaw chuh na pauchamnau dala a um lohna dingin hih un.

HEBRAI 12:15

Pathien hehpihna apat a kiheimang lo dingin kivêng phau un. Na lak uh a kuoma’n, khatna zung bang ahim hung khang dawk a, zie thihna gu a chuh buoina nasatak hun suohdawk sek bang hih hi hiel kiu in.

1 KORINTH 14:20

Suohpihte, ngaihtuohna lam ah chapang kiu inla, thil gilo lama vang, nau sen unla; na ngaihtuohna lam u vang achun, piting hiu un.

LUKE 16:26

Zie tihloh achun, taka pan a nang u kawma hung guote chuh a chieh theih lohna dingun, leh kuomah tak apan a kha kei u kawma a hung kaih theih lohna dingun, kei u leh nanguh kikala hin lei khi nasatak a siem ui,’ a ti a.

ZEKARIA 6:15

Chun, gamla taka umte chuh hung un tin, Lalpa Ho-In sak kit na achun hung panpih un au. Tichun, Bangkim hihthei Lalpa chun ei sawl ngêi ahi tih he ta’n lau. Chun, Lalpa na Pathien uh aw chuh guntaka na ngaihthak sek u chun zie thu hi hungtung ngêi ngêi ding ahi, a ti a.

2 PETER 1:11

Khutibang chun, I Lalpau leh Hukdampa Isu Krista kumkhuo lalgam a lutna dinga thuneihna bukim chuh pieka um ding na hiu hi.

JOSHUA 7:3

Chun, Joshua kawmah a vaikit u a, a kawmah, “Mi chengcheng in va do khel ngai puo’n a; mi sangnih ahim, sangthum ahim sawl inla, Ai khuo chuh do u hen; mi chengcheng va kisukchawl khel ngai puo’n a; khawpi neucha ahi ngâl a,” a tiu a.