2 PETER 1:4 - PATHIEN LEKHABU THIENGTHO (BSI)

⁴ Zie tawbang chun, a thutiem lul tak leh lopi nasatak chuh ei piek I hiu a; khutichun, utchakna zieka van nuoia sietna hung um hi I taihdawk san theihna dingun leh, Pathien nunlekhan kikawppihte I hung hih theihna dingun.

2 PETER 1:4 ပူးပေါင်းရင်းမြစ်များ

ROME 9:4

Israel mi ahi ngâl u a, cha hihna le, Pathien nasepna le; thutiem chengcheng le amau haw a ahi ngâl a

2 KORINTH 1:20

Pathien thutiem haw chuh bang zat hita lele, amah achun, “A hii” tih chuh a um ngâl a. Zieziekchun ahi, Pathien lopina dinga, Isu Krista vangin, “Amen” tih a hih sek hi.

2 KORINTH 3:18

Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.

2 KORINTH 6:17

Zieziekchun, “A lak uh apat hung pawt unla. A chuom in um un. Thil buok himhim le tham kiu.” Lalpa’n a tii. khutichun, “Nanguh hun lawp ing ka ting,

GALATI 3:16

Zie tawbang mah chun, tuhin le, Pathien in Abraham leh a suon kawmah thutiem a na nei hi. Pathien Lehkhabu’n mi tampi huop in, “Suonte” a ti puoh a, mi khat mai gen in, “Na suon kawmah,” a ti zaw ahi; zie mi khat tih umzie chuh, “Krista,” tihna ahi.

GALATI 6:8

Amah phehlevo deihlam a thehpa chun, phehlevo a um sietna chuh ât intin; Thagau lama thehpa chun chuh, thagau lama um, kumsawt hinna ât ding ahi.

EPHESI 4:13

Khutichun, I taksannau leh Pathien Chapa hetna lam achun, mun khata luong khawm in; Krista bukimna sânzie chuh pha’n, mi piting hung hi tai tiu.

KOLOSSA 3:10

Mihiem thak chun na kivan ta ngâl u a. Zie mihiem thak chuh hetna bukim nei dingin, a siempa mah banga siem thak a um a hii.

HEBRAI 12:10

Mihing lama I pateu chun, hun chawmcha khat sung chuh, pha a sak bang bangun ei na gawt sek ngei uh a, himahlele, Pathien chun, eimau mawng phatna ding leh, a thienthona I kikawppih theihna dingun ei thunun zawk sek uh ahi.

HEBRAI 9:15

Zieziekchun, Krista chuh Thugawlh Thak palai a hii, thugawlh masa nuoia sukkhelhna haw laka pat tatna’n, mi a hung thih tâk ziekin, sap a umte chun kumsawt goluoh ding thutiem chuh chang thei un au.

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

2 PETER 3:13

Himahlele, Pathien thutiem; van thak leh lei thak, a sunga diktatna um ngêi chuh, ngak in I um zawu ahi.

2 PETER 3:9

Mi khenkhat in, Lalpa chuh muong a sak bangun, a thutiem hih ding chun a muong hiel puoi. Kuomah manthai deihlo a, mi chengcheng, a gitlohnau apat lunghei dinga deih zaw’n, nangmau haw zieka lungdieh a hi zaw ie.

1 JOHAN 2:25

Chun, ziehi ahi, Krista mawng in thu ei tiem khah, kumsawt a hinna hih.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.