2 PETER 1:2 - PATHIEN LEKHABU THIENGTHO (BSI)

² Pathien leh Isu I Lalpau na hetna ziekuh chun, lungsietna leh chamna na chungu ah sukpun in um hen.

2 PETER 1:2 ပူးပေါင်းရင်းမြစ်များ

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

DANIEL 4:1

Leng Nebuknezar chun mi tinte, nam tinte, pau tinte leh lei chunga chêngte cheng kawm achun, “Na chungu ah lungmuonna um hen,” ti’n a thak a.

DANIEL 6:25

Tichun, leng Darius chun mitin te, namtin te, pautin te, lei chung pumpi a chêngte kawm achun lehkha a zik a: “Na chung u ah lungmuonna um hen.

LUKE 10:22

“Ka pa’n bangakai ei vawp sak tai, Chapa chuh kuo ahi tih Pa ngâllo chun kuoma’n a he puoi; Pa chule kuo a hih, Chapa leh a kawm u a Chapa’n a phuon nawp nate ngâllo chun kuoma’n a he diek puou,” a ti a.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

ROME 1:7

Pathien deihtak, mi thiengtho hidinga sap Rome khuo a um cheng chengte kawmah: Pathien I Pau leh Lal Isu Krista apat chun hehpihna leh lungmuonna na kawm u ah um hen.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

PHILIPPI 3:8

Ziehaw mai chuh hilo in, Ka Lalpa Krista Isu hetna chuh a lopi zawk bêk ziekin, thil bang cheng le chânna a ka ngaih vek ahi. Amah ziekin thil chengcheng ka chan vek ta a; ziehaw chuh thil bangmahlo mai in ka ngai a, Krista ka muh theihna ding leh,

1 PETER 1:2

Isu Krista thisan theh khum zâla thu zawp ding leh Thagau Thiengtho a sukthientho, Pa Pathien hetlawk dungzuia teldawkte kawmah, Hehpihna leh thamuonna na kawm u ah sukpun in um hen.

2 PETER 1:3

Amah lopina leh phatna zâla ei sampa, a chanchin het ziekin, a Pathien thilhih theihna’n, hinna leh Pathien khawksakna lam thu ah chun, thil chengcheng ei pie ngâl a.

2 PETER 1:5

A hii, zie lang tak chun thatnawp himhim suoh in, na taksannau achun phatna tel sak unla, na phatnau achun hetna tel sak unla;

2 PETER 1:8

Ziehaw hi phatna na sinmawhteu chuh a hi a, na neih uh chun, I Lalpau Isu Krista hetna lam achun kiting taka, gah suoh takin hun siem ding ahi.

2 PETER 2:20

Lalpa leh Hukdampa Isu Krista a hetna ziekuh a, zie khawvel thanhuoinate hi a taih dawk san nung uh a, ziete haw mata chuh a um kit uh a, zawh a a um u chun, a umzieu nunung chuh, a tunga sangin a hung sie zaw ta sek hi.

2 PETER 3:18

Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.

JUDA 1:2

Zahngaihna te, chamna te, hehpihna te, na chungu ah sukpun in um hen.

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,