2 PETER 1:12 - PATHIEN LEKHABU THIENGTHO (BSI)

¹² Chun, thutak na muh uh khah na hetsau leh, zie a chuh dettaka um hita mahleu chin le, zie thu haw khah hun hetsak kit zing ding ka hi.

2 PETER 1:12 ပူးပေါင်းရင်းမြစ်များ

NASEPTE 16:5

Khutichun, Sapchuomte chuh taksanna achun a hung det zaw deuh deuh tau a, ni chengin a pung deuh deuh tau hi.

PHILIPPI 3:1

A chaihna kêi in, ka suohpihte haw, Lalpa achun kipâk un. Thu kibang mah na kawm u a hun vel zik kit hi. keia dingin vang chimchâk um a hi puoi, nang haw dingin le a phachuom ngâl a.

KOLOSSA 1:5

Chun, thudik, Chanchin Pha ngêi chuh na kawm u a a hungtun tung lai khan, zie kinepna a hun piek thu chuh na za tau kha.

KOLOSSA 2:7

Amah achun zung thuk taka khawh in, na hinnau chuh amah a lemto in, na taksannau achun hung hât deuh deuh tau in, sinsak a na um tâk bang u khan. Chun, kipah thugenna ngen a dim in hung um zawu in.

1 TIMOTHE 4:6

Zie kithu-hilhna haw, taksanna thu leh, kihilhna dik, tutienga na zuih sek, nangmah mawng thagau lama na kivakna sek hi, suohpihte kawma na piek chun, Krista Isu sawntawlawi phatak hi’n la.

2 TIMOTHE 1:6

Zieziekchun, na chunga ka khut ngak zieka Pathien thilthawnpiek, nangmah a um khah mûtkuong dingin ka hun geldawk sak kit na hi.

HEBRAI 10:32

Na malai umdanteu khah geldawk zing sek un! Zie hun lai khan, Pathien vak chuh na chunguh a a vak nung khan le, thil tamtak na thuok sek uh a, himahleh, ziehaw chun a hun zo ngeilo uh ahi kha.

HEBRAI 13:9

Thugin chuom chuom leh, sinsakna lamdang tak takte a puih mang in um kiu in! Pathien hehpihna apat a sunggil lam hatna muh chuh a pha ngâl a, neklechâk thu a dân guola phuh det hilo in, zie tawbang dân zuite chun bangmah phatchuomna a mu puoh ngâl u a.

1 PETER 5:10

Chun, lungsietna Pathien, a kumsawt lopina chang dinga Krista a nanguh hun sampa chun, chawmkhat na thuok nung uh leh, hun siempha bukim in, hun sudet in, hun suhat ina.

1 PETER 5:12

Ka suohpihpa, taksanum taka ka ngaih, Silvanas kithuohpihna zalin, zie lehkhathawn chawmcha hi na kawmuh a ka hun zik ahi. Nang haw hun tîlkhoh nuom leh, ziehi Pathien hehpihna tak tak chuh a hii tih, ka hetpihna thu hun hilh ka nawp a hii. Ziehaw achun ding det un.

2 PETER 1:13

Zie bâwkcha a ka um sung cheng hin, nang haw hun hetzing a, hun chawhhalh zing hi pha ka sak ahi.

2 PETER 1:15

A hii, ka chiehdawk nung leh, zie thil haw chuh na hetzing theihna dingun, hahpi a bawl ding ka hi.

2 PETER 3:1

Deihtakte, tu a na kawmuh a ka hun zik hi, ka lehkhathâk a nih veina ahi tai. Zie lehkhathâk te nih akhan, zie thilte haw hi hun hetnawnsak kitin, na lunggil u ah ngaihtuohna thieng tak hun chawhthawh kit ka guot ahi.

2 PETER 3:17

Khutichun, suohpihte, nangun zie thu chuh na na het masak ziekun, chingthei un, khutilochun, mi gilote diklohna a puih manga um in, a detsa puk kha’n lau.

1 JOHAN 2:21

Thutak chuh na het loh ziekuh a ka hun zik a hi puoh a, na het ziekuh leh, Thutak achun lepchieh bangmah a pawt kha puoi tih na het ziekun ka hun zik zawk a hii.

2 JOHAN 1:2

thutak chuh keimau a a um zing ziekin leh, kumlekhuo a le a um zing ding ziekin.

JUDA 1:17

Himahlele, deihtakte, nanguh vangin, I Lalpau Isu Krista sawlchakte’n thu a gensau haw khah geldawk zing un.

JUDA 1:3

Deihtakte, a tângpi a hukdamna I chan danteu thu khah na kawmuh a hun zik ka guot lai takin, mi thiengthote kawma taksanna thu khatvei vawp saka umna thu lam ah chun, thanuom taka bawla, nanguh hun tîl dingin, na kawmuh a lehkha zika taimat suoh ding tih, ka hun he dawk a.

JUDA 1:5

Chun, khatvei chuh, bang cheng heta mahleu chin le, Lalpa chun Aigupta gam apat in mite a hukdawk a, zie nunga a gingchalote a sukmangthai zie thu haw khah, hun geldawk sak kit ka nawp ahi.